|
|
 |
| (GMT+08:00)
2006-07-14 09:27:10
|
 |
|
ຜູ້ເດີນແບບຂອງຈີນ
cri
Author: MO
ໃຜໆກໍຮູ້ດີແລ້ວວ່າ, ການເປັນຜູ້ເດີນແບບແມ່ນເຮັດໄດ້ແຕ່ຄາວຍັງໜຸ່ມເທົ່ານັ້ນ, ຜູ້ເດີນແບບທີ່ອາຍຸອ່າວສູງແດ່ກໍເລີ່ມວາງແຜນແກ່ອະນາຄົດຂອງຕົນແລ້ວ. ທ້າວວາງຮຸ່ຍ ນາຍແບບເວົ້າວ່າ:
"ຜູ້ເດີນແບບມີຂອບເຂດຕິດຕໍ່ພົວພັນກວ້າງຫຼາຍ, ລູກຄ້າຂອງພວກເຮົາ, ລ້ວນແຕ່ສາມາດສ້າງວົງໝູ່ເພື່ອນຂອງຕົນໄດ້, ສ້າງມະນຸດສຳພັນຂອງຕົນ. ສຳຄັນແມ່ນເຈົ້າໄດ້ໃສ່ໃຈແລ້ວຫຼືບໍ່. ໃນອະນາຄົດ, ຂ້ອຍຍັງມັກຂະແໜງການແຟຊັນນີ້, ເພາະວ່າໄດ້ສຳຜັດກັບຂອງດີໆແລະງາມໆ."
ຜູ້ເດີນແບບບາງຄົນຍັງໄດ້ເລືອກການສ້າງພາລະກິດຂອງຕົນ, ຄືນາງແບບຈ່ຽງເຜີຍລິນກໍໄດ້ສ້າງບໍລິສັດນາຍໜ້າຜູ້ເດີນແບບຫຼັງໜຶ່ງ, ວຽກງານທຸລະກິດນັບມື້ນັບດີ.
ນອກນີ້, ບໍລິສັດນາຍໜ້າຜູ້ເດີນແບບຈຳນວນໜຶ່ງກໍໄດ້ທຳການກະກຽມອັນຈຳເປັນບາງຢ່າງໃຫ້ແກ່ອະນາຄົດຂອງຜູ້ເດີນແບບທີ່ເຊັນສັນຍາ. ສູນພັດທະນາວັດທະນະທຳຕຸ່ງຟ່າງປິ່ນລີ້ແມ່ນບໍລິສັດນາຍໜ້າຜູ້ເດີນແບບທີ່ມີຊື່ສຽງຂອງຈີນຫຼັງໜຶ່ງ, ມີນາງແບບແລະນາຍແບບທີ່ມີຊື່ສຽງຊັ້ນຍອດຂອງຈີນໃນປັດຈຸບັນນີ້ບໍ່ໜ້ອຍ. ນາງຟ້ານຊິນຂອງບໍລິສັດຕຸ່ງຟ່າງປິ່ນລີ້ບອກນັກຂ່າວວ່າ, ທາງບໍລິສັດບໍ່ພຽງແຕ່ຈະພະຍາຍາມຈັດການສະແດງເສື້ອຜ້າອາພອນແລະການແຂ່ງຂັນໃຫ້ຜູ້ເດີນແບບທໍ່ນັ້ນ, ຍັງສະໜອງໂອກາດເປັນພິທີກອນ ແລະສະແດງຮູບເງົາແລະລະຄອນໂທລະພາບເປັນຕົ້ນ, ແລະໄດ້ສ້າງຄວາມສະດວກໃຫ້ຜູ້ເດີນແບບຮຽນວິຊາທີ່ກ່ຽວຂ້ອງຕ່າງໆຄືຮຽນພາສາອັງກິດເປັນຕົ້ນ.
"ພວກເຮົາຈະສ້າງໂອກາດພັດທະນາຫຼາຍຢ່າງໃຫ້ຜູ້ເດີນແບບທີ່ເຊັນສັນຍາ, ຫາກບໍ່ແມ່ນເປັນແຕ່ຜູ້ເດີນແບບຕະຫຼອດໄປ. ໂດຍແນໃສ່ສະພາບການຂອງຜູ້ເດີນແບບ, ໃຫ້ພວກເຂົາເຈົ້າໄປຮຽນຢູ່ໂຮງຮຽນຫຼືໄປສະແດງຮູບເງົາແລະລະຄອນໂທລະພາບເປັນຕົ້ນ. ບໍລິສັດພວກເຮົາມີຖານະອັນແນ່ນອນພາຍໃນຂະແໜງການ, ໃນດ້ານພັດທະນາຂອງຜູ້ເດີນແບບ, ກໍຕ້ອງຍ່າງຢູ່ແຖວໜ້າຂອງຂະແໜງການ, ເຮັດແນວນີ້ຈຶ່ງສາມາດນຳພາບໍລິສັດອື່ນໆໃຫ້ເດີນຕາມພວມເຮົາ."
(ຈົບ)
1 2 3
|
|
|
