|
|
 |
| (GMT+08:00)
2006-07-13 20:20:02
|
 |
|
ໂສມໜ້າໃໝ່ຂອງຮ່ອມຊ່ານເຊຍງາມກວ່າເກົ່າ
cri
Author: da
|
 ແມ່ນ້ຳຢາງເຊແມ່ນແມ່ນ້ຳມານດາຂອງປະຊາຊາດຈີນ,ທັງແມ່ນແມ່ນ້ຳໃຫຍ່ທີສາມໃນໂລກ.ສ່ວນຮ່ອມຊ່ານເຊຍແມ່ນ້ຳຢາງເຊທີ່ຖືກຍ້ອງຍໍເປັນ"ລະບຽງຮູບແຕ້ມທິວທັດພູຜາແມ່ນ້ຳ",ມີຊື່ລືນາມດ້ວຍຄວາມອັດສະຈັນ ສວຍງາມແລະສູງຊັນ,ໄດ້ດູດດຶງນັກທ່ອງທ່ຽວຈີນແລະຕ່າງປະເທດມາທ່ຽວຊົມຢ່າງບໍ່ຢຸດຢັ້ງ. ປະຈຸບັນ,ຄຽງຄູ່ກັບເຂື່ອນຊ່ານເຊຍແມ່ນ້ຳຢາງເຊໃກ້ຈະສ້າງສຳເລັດໝົດ,ດຽວນີ້ ລະດັບນ້ຳຂອງຮ່ອມຊ່ານເຊຍໄດ້ສູງເຖິງ 135 ແມັດແລ້ວ,ພາໃຫ້ຮ່ອມພູທີ່ສາມາດຂີ່ເຮືອທ່ຽວຊົມຕະຫຼອດທາງພຽງເສັ້ນດຽວໃນໂລກເສັ້ນນີ້ໄດ້ເພີ່ມຕື່ມພາບວິວທິວທັດໃໝ່ຈຳນວນໜຶ່ງ.ໃນລາຍການພາກນີ້,ດາລາວັນຈະແນະນຳທິວທັດໃໝ່ຂອງຮ່ອມຊ່ານເຊຍສູ່ທ່ານຟັງ.
ແມ່ນ້ຳຢາງເຊທີ່ຍອດແມ່ນ້ຳຢູ່ພູພຽງຊິງໄຫຕິເບດເມື່ອໄຫຼຢ່າງລົດລ້ຽວກ້ຽວດອກໄປຮອດນະຄອນຈົ່ງກິ່ງແລະແຂວງຫູໄປ,ໄປຈໍ່ຕົວເປັນຮ່ອມຊ່ານເຊຍທີ່ສະຫງ່າລາສີເຊິ່ງມີຄວາມຍາວປະມານ 200 ກິໂລແມັດ.ໂຄງການຊຸມທາງຊົນລະປະທານຮ່ອມຊ່ານເຊຍທີ່ເລີ່ມກໍ່ສ້າງເມື່ອ 12 ປີກ່ອນເຮັດໃຫ້ລະດັບນ້ຳທົ່ວຮ່ອມຊ່ານເຊຍສູງຂຶ້ນ,ຢູ່ເໜືອເຂື່ອນໄດ້ຈໍ່ຕົວເປັນອ່າງຂັງນ້ຳແບບແມ່ນ້ຳທີ່ຍາວຢຽດ.ຫຼັງຈາກຂັງນ້ຳແລ້ວ,ຄວາມກວ້າງຂອງແມ່ນ້ຳຫຼາຍຕອນໄດ້ເພີ່ມຂຶ້ນຫຼາຍກວ່າແຕ່ກ່ອນປະມານສອງເທົ່າ,ກາຍເປັນໜອງທີ່ສະຫງ່າຜ່າເຜີຍຢູ່ລະຫວ່າງຮ່ອມພູ.
ທ່ານກາວຊາວ ຮອງຫົວໜ້າກົມທ່ອງທ່ຽວເມືອງອີຊາງແຂວງຫູໄປເວົ້າວ່າ,ໃນເດືອນມິຖຸນາປີນີ້,ພາຍຫຼັງຮ່ອມຊ່ານເຊຍຂັງນ້ຳຮອດ 135 ແມັດແລ້ວ,ທິວທັດຕົ້ນຕໍລຽບຝັ່ງຮ່ອມຊ່ານເຊຍໃນເມື່ອກ່ອນບໍ່ໄດ້ຖືກນ້ຳຖ້ວມໂດຍພື້ນຖານ,ກົງກັນຂ້າມ,ໜອງຊ່ານເຊຍມີແມ່ນ້ຳສາຂາຫຼາຍຂຶ້ນ,ເກາະດອນກໍແຈກຢາຍຫຼາຍຂຶ້ນ,ໄດ້ເພີ່ມຕື່ມທິວທັດໃໝ່ຫຼາຍໆແຫ່ງ.ຮ່ອມຊ່ານເຊຍໃນປະຈຸບັນອາດເວົ້າໄດ້ວ່າແມ່ນ"ຍັງສູງຊັນສະຫງ່າລາສີຄືເກົ່າ,ແຕ່ມີທິວທັດງາມຫຼາຍກວ່າເກົ່າ.
"ແຕ່ກ່ອນ,ຮ່ອມຊ່ານເຊຍມີຊື່ສຽງຍ້ອນສູງສະຫງ່າ.ແຕ່ພາຍຫຼັງມາຍ້ອນຂັງນ້ຳແລ້ວ,ເຮັດໃຫ້ແມ່ນ້ຳໄຫຼຊ້າລົງ,ທາດນ້ຳກໍໃສຂຶ້ນ,ເຮັດໃຫ້ໜອງຢູ່ໃນຮ່ອມມີທິວທັດສວຍງາມ.ອາດເວົ້າໄດ້ວ່າ,ຮ່ອມຊ່ານເຊຍເກົ່າມີສະເໜຄືເກົ່າ,ຮ່ອມຊ່ານເຊຍໃໝ່ກໍມີທິວທັດໃໝ່ທີ່ສວຍງາມ."
1 2 3
|
|
|
