|
|
(GMT+08:00)
2006-07-20 10:06:02
|
|
ເຂົ້າຊົມຫໍພິພິທະພັນເຫີນານ
cri
Author: da
ແຂວງເຫີນານທາງພາກກາງຂອງຈີນ,ແມ່ນແຫຼ່ງກຳເນີດໜຶ່ງໜຶ່ງຂອງອະລະຍະທຳສະໄໝບູຮານຂອງຈີນ.ປະຫວັດສາດຍາວນານໄດ້ຈົ່ງມໍລະດົກວັດທະນະທຳປະຫວັດສາດຈຳນວນຫຼວງຫຼາຍໄວ້ໃຫ້ແຂວງເຫີນານ.ຕາມສະຖິຕິ,ຈຳນວນວັດຖຸບູຮານທີ່ຂຸດພົບໃນແຂວງເຫີນານແມ່ນມີຫຼາຍກວ່າໝູ່ໃນບັນດາແຂວງຂອງຈີນ,ຫໍພິພິທະພັນເຫີນານແມ່ນໜຶ່ງໃນຫໍພິພິທະພັນຂະໜາດໃຫຍ່ 3 ແຫ່ງຂອງຈີນ.ໃນລາຍການມື້ນີ້,ດາລາວັນຈະສະເໜີຫໍພິພິທະພັນເຫີນານສູ່ທ່ານຟັງ.
ຫໍພິພິທະພັນເຫີນານຕັ້ງຢູ່ເມືອງເຈີ້ງໂຈ່ວແຂວງເຫີນານ,ມີປະຫວັດ 70 ກວ່າປີແລ້ວ,ສິ່ງກໍ່ສ້າງຕົ້ນຕໍແມ່ນສ້າງຕາມຮູບຮ່ອງຮອຍຫໍສັງເກດດາລາສາດທີ່ສ້າງຂຶ້ນກ່ອນໝູ່ຢູ່ຈີນເຊິ່ງຮັກສາໄວ້ຈົນຮອດປະຈຸບັນ,ສ້າງແບບງ່າຍດາຍແຕ່ເບິ່ງແລ້ວຮູ້ສຶກສະຫງ່າຜ່າເຜີຍ.ປະຈຸບັນ ຫໍພິພິທະພັນແຫ່ງນີ້ໄດ້ເກັບຮັກສາວັດຖຸບູຮານ 1 ລ້ານ 3 ແສນເຄື່ອງ,ກວມຍອດຈຳນວນວັດຖຸບູຮານຂອງຫໍພິພິທະພັນໃນທົ່ວປະເທດຈີນປະມານ 1 ສ່ວນ 8.ເຄີຍມີບຸກຄົນຕີລາຄາວ່າ,ເວົ້າສຳລັບມູນຄ່າວັດທະນະທຳຂອງວັດຖຸບູຮານແລ້ວ,ໃນຫໍພິພິທະພັນທັງໝົດຂອງຈີນ,ຫໍພິພິທະພັນກູ້ກົ່ງຄອງອັນດັບທີໜຶ່ງ,ຫໍພິພິທະພັນເຫີນານຄອງອັນດັບທີສອງ.ທ່ານຕິ່ງຟູລີ້ ຫົວໜ້າຫໍພິພິທະພັນເຫີນານເວົ້າວ່າ,ໃນຫໍພິພິທະພັນເຫີນານມີວັດຖຸບູຮານອັນອຸດົມສົມບູນ.
"ໃນວັດຖຸບູຮານທີ່ວາງສະແດງໃນຫໍພິພິທະພັນເຫີນານ,ມີວັດຖຸບູຮານສ່ວນໜຶ່ງ,ແມ່ນຂອງຍອດຢ້ຽມຂອງຈີນ,ເຫັນໜ້ອຍທີ່ສຸດໃນຫໍພິພິທະພັນອື່ນ.ຖ້າວ່ານັກທ່ອງທ່ຽວມາຮອດເຫີນານແລ້ວພັດບໍ່ໄປທ່ຽວຫໍພິພິທະພັນເຫີນານ,ຈະເສຍໃຈຢ່າງແນ່ນອນ."
ທ່ານຕິ່ງຟູລີ້ເວົ້າວ່າ,ໃນວັດຖຸບູຮານຂອງຫໍພິພິທະພັນເຫີນານ,ເຄື່ອງທອງສຳລິດມີເອກະລັກພິເສດກວ່າໝູ່.ເມື່ອ4ພັນກວ່າປີກ່ອນ,ຢູ່ຈີນກໍມີເຕັກນິກຫຼໍ່ຫຼອມແລະຜະລິດເຄື່ອງທອງສຳລິດແລ້ວ,ເຄື່ອງທອງສຳລິດຂອງຈີນມີຊື່ລືນາມໃນໂລກດ້ວຍການຜະລິດຢ່າງປານີດ ສະຫງ່າລາສີແລະມີເຕັກນິກຍອດຢ້ຽມ.ໃນສະໄໝບູຮານຂອງຈີນ,ເຄື່ອງທອງສຳລິດແມ່ນສັນຍະລັກແຫ່ງອຳນາດແລະຖານະ,ມັກຖືກນຳໃຊ້ເປັນພາຊະນະທີ່ລ້ຳຄ່າໃນງານລ້ຽງຫຼືເປັນເຄື່ອງບູຊາບັນພະບຸລຸດໃນວັດວາອາຮາມ.ຍ້ອນວ່າເຄື່ອງທອງສຳລິດມີຄຸນຄ່າສຳຄັນໃນດ້ານວັດຖຸບູຮານ,ເຄີຍມີຄົນສົມໝຸດວ່າ"ຜົນສະທ້ອນຂອງເຄື່ອງທອງສຳລິດຂອງຈີນໃນໂລກບໍ່ດ້ອຍກວ່າກຳແພງຍັກອັນເກົ່າແກ່".
1 2 3
|
|
|