|
|
(GMT+08:00)
2006-07-20 10:06:02
|
|
ເຂົ້າຊົມຫໍພິພິທະພັນເຫີນານ
cri
Author: da
ແຂວງເຫີນານແມ່ນສູນການເມືອງແລະເສດຖະກິດໃນຍຸກເຄື່ອງທອງສຳລິດຂອງຈີນ,ໄດ້ຂຸດພົບເຄື່ອງທອງສຳລິດຈຳນວນຫຼວງຫຼາຍ,ໃນນັ້ນ ສິ່ງຍອດຢ້ຽມສ່ວນໜຶ່ງຖືກເກັບຮັກສາໄວ້ໃນຫໍພິພິທະພັນເຫີນານ.ເຄື່ອງທອງສຳລິດເຫຼົ່ານີ້ໄດ້ສ່ອງແສງໃຫ້ເຫັນວັດທະນະທຳທອງສຳລິດຂອງຈີນດ້ວຍຮູບແບບທີ່ພິລຶກແລະລວດລາຍອັນສວຍງາມ,ສ່ວນ"ລະຄັງຢົງຫວັງຊູນກ້າວ" ຂອງປະເສີດປະຈຳຫໍພິພິທະພັນເຫີນານແມ່ນຂອງລ້ຳຄ່າທີ່ຫາຍາກ.
ລະຄັງຢົງແມ່ນເຄື່ອງດົນຕີຂະໜາດໃຫຍ່,ກໍແມ່ນເຄື່ອງດົນຕີທີ່ຂາດບໍ່ໄດ້ໃນການບູຊາໃນວັດຫຼືງານລ້ຽງໃນລາຊະວັງ.ຜູ້ຜະລິດລະຄັງຢົງຊຸດນີ້ແມ່ນຮຸ່ນຫຼັງຂອງເຈົ້າຊີວິດໃນສະໄໝປະຖົມບູຮານ,ລະຄັງຢົງທີ່ເພິ່ນຜະລິດນັ້ນແມ່ນເພື່ອລະລຶກພໍ່;ຢູ່ເທິງລະຄັງມີໜັງສື,ໄດ້ບັນທຶກປະຫວັດສາດຕອນນີ້ໄວ້.ທ່ານນາງຫຼີວເຫີງ ພະນັກງານອະທິບາຍຂອງຫໍພິພິທະພັນເຫີນານແນະນຳວ່າ,ນັບມາຮອດປະຈຸບັນ ລະຄັງຊຸດນີ້ມີປະຫວັດ 2500 ປີແລ້ວ.ນາງເວົ້າວ່າ:
"ລະຄັງຊຸດນີ້ຖືກຂຸດອອກຢ່າງຄົບຖ້ວນທີ່ສຸດ,ຊຸດໜຶ່ງມີ 26 ໜ່ວຍ,ໜ່ວຍທີ່ໃຫຍ່ກວ່າໝູ່ໜັກ 152,8 ກິໂລ,ໜ່ວຍທີ່ນ້ອຍກວ່າໝູ່ໜັກ 2,8 ກິໂລ,ລະຄັງຊຸດນີ້ມີອົງປະກອບສຽງດົນຕີ 7 ຂັ້ນ,ສາມາດເສບດົນຕີທຸກຊະນິດຂອງຍຸກສະໄໝປະຈຸບັນຂອງຈີນ,ແມ່ນລະຄັງຢົງທີ່ມີຈຳນວນຫຼາຍກວ່າໝູ່ແລະເສບດົນຕີໄດ້ຫຼາຍກວ່າໝູ່ຂອງຍຸກສະໄໝລາຊະວົງຊຸນຊິ່ວຈີນເມື່ອ 2500ປີກ່ອນທີ່ຖືກພົບເຫັນໃນປະຈຸບັນ."
"ລຽນເຮີ້ຟ່າງຫູ" ເມື່ອທຽບກັບເຄື່ອງທອງສຳລິດຂະໜາດໃຫຍ່ຊຸດນີ້,"ລຽນເຮີ້ຟ່າງຫູ"ແປວ່າ"ກາ4ຫຼ່ຽມຮູບນົກຂຽນເທິງດອກບົວ"ເຊິ່ງເປັນຂອງຍອດຢ້ຽມປະຈຳຫໍພິພິທະພັນເຫີນານມີຮູບນ້ອຍກວ່າ,ເຄື່ອງທອງສຳລິດ"ລຽນເຮີ້ຟ່າງຫູ"ສູງພຽງແຕ່12ມິລິແມັດ,ຖືກຍ້ອງຍໍເປັນເຄື່ອງທອງສຳລິດເຄື່ອງໜຶ່ງທີ່ປານີດງາມກວ່າໝູ່ຂອງຝ່າຍຕາເວັນອອກ,ໄດ້ມີປະຫວັດຢ່າງໜ້ອຍ 2500 ປີແລ້ວ.ຢູ່ເທິງກາມີດອກບົວບານສອງຊັ້ນ,ນົກຂຽນໂຕໜຶ່ງຢືນຢູ່ໃຈກາງກີບດອກບົວທີ່ກຳລັງພືປີກບິນ;ຢູ່ນອກກາໄດ້ຄວັດລວດລາຍມັງກອນແລະສັດນ້ອຍທີ່ໜ້າຮັກແລະມີຊີວິດຊີວາປະເພດຕ່າງໆໃສ່,ກາມີຮູບພິລຶກແຕ່ສວຍງາມ.
ນອກນີ້,ຢູ່ຫໍພິພິທະພັນເຫີນານຍັງມີ"ຖົງຊິ່ນເຖຍຈ້ຽນ"ແປວ່າ"ດາບເຫຼັກແກນທອງ",ແມ່ນເຄື່ອງເຫຼັກທີ່ມະນຸດຫຼໍ່ຫຼອມທີ່ມີປະຫວັດດົນນານກວ່າໝູ່ທີ່ຈີນພົບເຫັນຈົນຮອດປະຈຸບັນ,ຈຶ່ງຖືກເອີ້ນເປັນ"ດາບທີໜຶ່ງຂອງຈີນ".ນາງຫຼີວເຫີງ ພະນັກງານອະທິບາຍຂອງຫໍພິພິທະພັນເຫີນານເວົ້າວ່າ,ການຄົ້ນພົບດາບດັ່ງກ່າວໄດ້ເຮັດໃຫ້ວົງການບູຮານຄະດີຕື່ນຕົກໃຈ.ນາງເວົ້າວ່າ:
"ນີ້ແມ່ນດາບເຫຼັກທີ່ມີດ້າມຢົກ,ແກນໃນຂອງດ້າມຢົກແມ່ນເຮັດດ້ວຍທອງ,ລະຫວ່າງດ້າວກັບດາບຍັງມີເພັດພອຍ,ເມື່ອ 2800 ປີກ່ອນ ເຮັດແນວໃດຈິ່ງເຮັດໃຫ້ທາດທອງ ຢົກ ເຫຼັກແລະເພັດພອຍຖືກຫຼໍ່ຫຼອມໃຫ້ເຊື່ອມໂຍງເຂົ້າກັນໄດ້,ຈັ່ງແມ່ນບັນຫາຍາກແທ້ໆ." 1 2 3
|
|
|