|
|
 |
| (GMT+08:00)
2006-07-20 10:06:02
|
 |
|
ເຂົ້າຊົມຫໍພິພິທະພັນເຫີນານ
cri
Author: da
ນອກຈາກ"ດາບເຫຼັກແກນທອງ"ແລ້ວ,ໃນຫໍພິພິທະພັນ ຍັງມີວັດຖຸສິ່ງຂອງຫຼາຍໆຢ່າງແມ່ນກວມອັນດັບທີໜຶ່ງຢູ່ຈີນ.
ມັງກອນແມ່ນສັນຍະລັກຂອງປະຊາຊາດຈີນ,ຢູ່ຫໍພິພິທະພັນເຫີນານໄດ້ວາງສະແດງຮູບມັງກອນທີ່ພົບເຫັນກ່ອນໝູ່ຂອງຈີນ.ຮູບມັງກອນທີ່ຄວັດດ້ວຍເປືອກຫອຍດັ່ງກ່າວແມ່ນພົບເຫັນຢູ່ໃນຂຸມສຸສານແຫ່ງໜຶ່ງຢູ່ເມືອງຜູຢາງແຂວງເຫີນານ,ມີປະຫວັດປະມານ 6500 ປີ.
"ສີ່ຂົງກູຕີ"ແປວ່າ"ຂຸ່ຍກະດູກ7ຮູ"ທີ່ເກັບຮັກສາໄວ້ໃນຫໍພິພິທະພັນ ແມ່ນເຄື່ອງດົນຕີທີ່ພົບເຫັນກ່ອນໝູ່ຂອງຈີນຈົນຮອດປະຈຸບັນ,ມີປະຫວັດ 8000 ປີແລ້ວ.ຂຸ່ຍກະດູກແມ່ນເຮັດດ້ວຍກະດູກຂາສັດຮ້າຍ,ຍາວ 22 ມິລິແມັດ,ປານີດຫຼາຍ,ຖືກຮັກສາໄວ້ດີຫຼາຍ.ສິ່ງທີ່ເຮັດໃຫ້ຄົນທັງຫຼາຍຕື່ນຕາຕື່ນໃຈນັ້ນແມ່ນ,ຈົນຮອດປະຈຸບັນ ຂຸ່ຍນີ້ຍັງເປົ່າດົນຕີຢ່າງໄພເລາະມ່ວນຫູໄດ້,ນີ້ແມ່ນເຫັນໜ້ອຍທີ່ສຸດໃນປະຫວັດດົນຕີຂອງໂລກ.
ຫໍພິພິທະພັນເຫີນານມີເນື້ອໃນວັດທະນະທຳອັນເຂັ້ມຂຸ້ນ,ໄດ້ດູດດຶງນັກທ່ອງທ່ຽວຈີນແລະຕ່າງປະເທດຈຳນວນຫຼວງຫຼາຍມາຊົມເບິ່ງ.ທ່ານນາງກິມມິນໂຣ ຄູສອນຂອງສ.ເກົາຫຼີເວົ້າວ່າ,ເພິ່ນແມ່ນພານັກສຶກສາມາຊົມເບິ່ງວັດຖຸບູຮານອັນລ້ຳຄ່າເຫຼົ່ານີ້ໂດຍຈຳເພາະ.ນາງເວົ້າວ່າ:
"ວັດຖຸບູຮານເຫຼົ່ານີ້ຂອງຫໍພິພິທະພັນເຫີນານ,ມີຜົນດີຫຼາຍຕໍ່ການຮ່ຳຮຽນຂອງເດັກນ້ອຍ,ຕໍ່ໄປພາຍໜ້າ ຖ້າມີໂອກາດ ຂ້າພະເຈົ້າຍັງຢາກມາອີກ."
 ຢູ່ຫໍພິພິທະພັນເຫີນານ,ນັກທ່ອງທ່ຽວບໍ່ພຽງແຕ່ໄດ້ຊົມເບິ່ງວັດຖຸບູຮານເທົ່ານັ້ນ,ຍັງໄດ້ຟັງດົນຕີສະໄໝບູຮານອ້ອຍຕ້ອຍອີກ.ການສະແດງດົນຕີສະໄໝບູຮານໃນຫໍພິພິທະພັນເຫີນານແມ່ນລາຍການທີ່ໄດ້ຮັບຄວາມຊົມເຊີຍທີ່ສຸດຈາກນັກທ່ອງທ່ຽວ,ນັກເສບດົນຕີລ້ວນແຕ່ແມ່ນໃຊ້ເຄື່ອງດົນຕີລອກແບບວັດຖຸບູຮານທີ່ລ້ຳຄ່າ.ໃນບັນຍາກາດສຽງດົນຕີດັງຂຶ້ນຈາກມືນັກເສບດົນຕີຜູ້ນຸ່ງຊຸດເສບດົນຕີສະໄໝບູຮານຈີນ,ຄົນທັງຫຼາຍຈະຮູ້ສຶກເໝືອນດັ່ງໄດ້ກັບຄືນໄປຮອດຍຸກສະໄໝທີ່ຜ່ານໄປແລ້ວນັ້ນ.
1 2 3
|
|
|
