|
|
 |
| (GMT+08:00)
2006-08-02 16:33:18
|
 |
|
ຊີວິການເປັນຢູ່ຂອງຊາວເຜົ່າຢ້າວທູນັບມື້ນັບດີຂຶ້ນ
cri
ຫວ່າງກ່ອນນີ້ບໍ່ດົນ,ພາຍໃຕ້ການລິເລີ່ມຂອງອຳນາດການປົກຄອງທ້ອງຖິ່ນ,ຊາວເຜົ່າຢ້າວທູໄດ້ປ່ຽນແປງປະເພນີກິນດອງ.ການປ່ຽນແປງເທື່ອນີ້ໄດ້ເຮັດໃຫ້ຊາວໜຸ່ມຍິງຊາຍເຜົ່າຢ້າວທູປ່ຽນແປງທັດສະນະຄະຕິເກົ່າ.ກ່ອນການປ່ຽນແປງນັ້ນ,ເຈົ້າບ່າວເຈົ້າສາວຂອງເຜົ່າຢ້າວທູຕ້ອງຈັດງານດອງເຖິງ5ມື້4ຄືນ,ອາຫານການກິນ,ເຫຼົ້າຢາປາແປ້ງທີ່ມີຢູ່ໃນງານດອງສາມາດລ້ຽງຄອບຄົວໜຶ່ງໄດ້ຫຼາຍເດືອນ.ພາຍຫຼັງມີການປ່ຽນແປງຮີດຄອງປະເພນີງານດອງແລ້ວ,ເວລາງານດອງໄດ້ຫຍໍ້ລົງເປັນສອງມື້ສອງຄືນ,ທີ່ສາມາດຫຼຸດລາຍຈ່າຍລົງຢ່າງຫຼວງຫຼາຍ.
ການປະຕິຮູບຮີດຄອງປະເພນີງານດອງໄດ້ຮັບຄວາມເຫັນດີເຫັນພ້ອມຈາກຊາວໜຸ່ມຍິງຊາຍ ຂອງເຜົ່າຢ້າວທູ.ທ້າວເຟິງທຽນເຕີທີ່ພວມຈັດງານດອງກໍແມ່ນຜູ່ໜຶ່ງ.ຕໍ່ໄປແມ່ນການສຳພາດທ້າວເຟິງທຽນເຕີ
ນັກຂ່າວ: ທ່ານເຫັນວ່າພາຍຫຼັງປ່ຽນແປງຮີດຄອງປະເພນີງານດອງແລ້ວ,ເປັນແນວໃດ?
ເຈົ້າບ່າວ: ດີຫຼາຍ!
ນັກຂ່າວ: ດີຢູ່ບ່ອນໃດ?
ເຈົ້າບ່າວ: ດີທີ່ສຸດແມ່ນເວລາງານດອງໄດ້ສັ້ນເຂົ້າ,ຄົນທັງຫຼາຍບໍ່ຕ້ອງເມື່ອຍຫຼາຍຄືແຕ່ກ່ອນແລ້ວ,ອັນທີສອງແມ່ນຄ່າໃຊ້ຈ່າຍໄດ້ຫຼຸດໜ້ອຍລົງ,ນີ້ໄດ້ຫຼຸດພາລະເຈົ້າພາບແລະແຂກ.
ນາງເຟິງໄມ ຜູ່ເປັນເຈົ້າສາວເຫັນວ່າ,ຜົນດີທີ່ສຸດຂອງການປ່ຽນແປງແມ່ນຊາວເຜົ່າຢ້າວທູນັບມື້ນັບຫຼາຍ ນຳໃຊ້ເວລາແລະເງິນຄຳທີ່ປະຢັດຈາກງານດອງນັ້ນໄປພັດທະນາການຜະລິດຈະດີກວ່າ.ນາງເວົ້າວ່າ:
"ການປ່ຽນແປງຮີດຄອງປະເພນີງານດອງໄດ້ຫຼຸດພາລະຂອງຄອບຄົວ,ເຈົ້າບ່າວເຈົ້າສາວເຜົ່າຢ້າວທູຈະໄດ້ນຳໃຊ້ເວລາເຫຼົ່ານີ້ໄປຮຽນຄວາມຮູ້ຫຼາຍຂຶ້ນ,ໄປທຳການຜະລິດ,ສຳລັບສອງຝ່າຍພວກເຮົາແລ້ວແມ່ນເປັນເລື່ອງດີທີ່ສຸດ."
ໃນເວລາເອົາຂ່າວຢູ່ບ້ານຊືຕົ່ງ,ນັກຂ່າວໄດ້ເຫັນວ່າ,ຊາວເຜົ່າຢ້າວທູນັບມື້ນັບຫຼາຍໄດ້ປະຖິ້ມຄວາມຊີນເຄີຍທີ່ຫາກິນໂດຍອາໄສແຕ່ທຳມະຊາດໃນເມື່ອກ່ອນ,ດ້ານໜຶ່ງ,ພວກເຂົາເຈົ້າເລີ່ມໃຊ້ກຳລັງແຮງບົ່ມຊ້ອນຂອງຕົນເອງມາພັດທະນາເສດຖະກິດ.ຄຽງຄູ່ກັບທາງຫຼວງສັ້ນໃໝ່ຂອງຊົນນະບົດເຂດພູດອຍໄດ້ສ້າງສຳເລັດ,ຊາວບ້ານ ເລີ່ມໃຊ້ລົດຂົນສົ່ງຮາກໄມ້ຫວ້ານຢານານັງທີ່ເກັບເອົາໃນພູຜາປ່າດົງນັ້ນໄປຂາຍຢູ່ໃນເມືອງ,ເພີ່ມລາຍຮັບໃຫ້ຕົນເອງ.ອີກດ້ານໜຶ່ງທາງລັດແລະອຳນາດການປົກຄອງທ້ອງຖິ່ນໄດ້ໃຫ້ການສະສະໜັບສະໜູນຫຼາຍຂຶ້ນ,ນີ້ກໍເຮັດໃຫ້ສະພາບຊີວິດການເປັນຢູ່ຂອງຊາວເຜົ່າຢ້າວທູດີຂຶ້ນຢ່າງເດັ່ນຊັດ.ຕົວຢ່າງ,ຜ່ານຈາກໂຄງການ"ທຸກໆບ້ານເບິ່ງໂທລະພາບແລະຟັງວິທະຍຸໄດ້",ຊາວບ້ານເລີ່ມໄດ້ຮູ້ຈັກໂລກພາຍນອກ.
1 2 3
|
|
|
