ກໍຄືກັນກັບບ້ານຊືຕົ່ງ,ໃນຫຼາຍປີມານີ້,ບ້ານເຜົ່າຢ້າວທູແຫ່ງອື່ນໆຂອງເມືອງເຮີໂຈ່ວກໍໄດ້ເກີດມີການປ່ຽນແປງຢ່າງໃຫຍ່ຫຼວງ.ຕໍ່ການປ່ຽນແປງເຫຼົ່ານີ້,ທ່ານລິວຈິງ ຜູ່ຮັບຜິດຊອບຜູ່ໜຶ່ງຂອງເຂດປາປູເມືອງເຮີໂຈ່ວເຊິ່ງບ້ານຊືຕົ່ງຕັ້ງຢູ່ນັ້ນໄດ້ສະແດງຄວາມຮູ້ສຶກວ່າ:
"ໃນບໍ່ເທົ່າໃດປີມານີ້,ຂັ້ນເທິງໄດ້ເພີ່ມຄວາມແຮງໃນການຫຼຸດຜ່ອນຄວາມທຸກຍາກຂອງເຜົ່າຢ້າວທູດ້ວຍການສ້າງທາງຫຼວງ,ປະຊາຊົນເຜົ່າຢ້າວກໍໄດ້ພັດທະນາຢາພື້ນເມືອງ,ປູກພືດເສດຖະກິດ,ລາຍໄດ້ເພີ່ມຂຶ້ນ,ຊີວິດການເປັນຢູ່ຂອງປະຊາຊົນເຂດພູດອຍກໍເລີ່ມດີຂຶ້ນເທື່ອລະກ້າວ,ພີ່ນ້ອງເຜົ່າຢ້າວຫຼາຍໆຄົນໄດ້ຊື້ລົດຈັກ,ໂທລະພາບສີ."
ການຟ້ອນຂອງເຜົ່າຢ້າວທູ
ໃນຂະນະທີ່ໃຫ້ການຊ່ອຍເຫຼືອເຜົ່າຢ້າວທູພັດທະນາເສດຖະກິດ,ອຳນາດການປົກຄອງທ້ອງຖິ່ນຍັງສົ່ງເສີມຊາວເຜົ່າຢ້າວທູຮັກສາຮີດຄອງປະເພນີທີ່ດີທີ່ເປັນເອກະລັກສະເພາະຂອງເຜົ່າຕົນ,ຕົວຢ່າງຄື,ໃຫ້ພວກເຂົາເຈົ້າຈັດພາເຂົ້າຍາວໃນວັນບຸນປະເພນີ,ມີການຮ້ອງເພງ ແລະຍົກຈອກນ້ຳຊາແລະເຫຼົ້າ ອວຍພອນໃນເວລາຕ້ອນຮັບແຂກເປັນຕົ້ນ,ສົ່ງເສີມໃຫ້ ເຂົາເຈົ້າໃຊ້ຮີດຄອງປະເພນີເຫຼົ່ານີ້ເພື່ອພັດທະນາການທ່ອງທ່ຽວ.ປັດຈຸບັນ,ແຕ່ລະບ້ານເຜົ່າຢ້າວທູຂອງເມືອງເຮີໂຈ່ວລ້ວນແຕ່ໄດ້ຈັດຕັ້ງໜ່ວຍສະແດງໜ່ວຍໜຶ່ງ,ສະແດງລາຍານທີ່ສ່ອງແສງເຖິງຮີດຄອງປະເພນີຂອງຊົນເຜົ່າໃຫ້ນັກທ່ອງທ່ຽວເບິ່ງ.ຕາມໄດ້ຊາບ,ຮີດຄອງປະເພນີທີ່ຕ່າງໝູ່ຂອງເຜົ່າຢ້າວທູພວມດຶງດູດເອົານັກທ່ອງທ່ຽວທີ່ມາຈາກແຫ່ງຕ່າງໆໃນທົ່ວປະເທດຈີນນັບມື້ນັບຫຼາຍຂຶ້ນ,ນັກທ່ອງທ່ຽວຫຼາຍຄົນໄດ້ບັນທຶກຄວາມຊົງຈຳທີ່ລືມຍາກດ້ວຍກ້ອງຖ່າຍຮູບ.
ການຟ້ອນຂອງເຜົ່າຢ້າວທູ
ເມື່ອກ່າວເຖິງການປ່ຽນແປງດັ່ງກ່າວຂອງບ້ານເກີດ,ທ່ານເຟິງສືຮວາ ຊາວບ້ານຊືຕົ່ງກ່າວວ່າ:"ພວກຂ້າພະເຈົ້າຈະຮັກສາຮີດຄອງປະເພນີຂອງເຜົ່າຢ້າວທູໄວ້ຕໍ່ໄປແລະພັດທະນາໄປຕາມທິດທີ່ດີ,ຫວັງວ່າ,ໃນພາຍໜ້າ,ຮີດຄອງປະເພນີຂອງພວກເຮົາຈະຖືກເຜີຍແຜ່ໄປສູ່ທົ່ວປະເທດແລທົ່ວໂລກ."
1 2 3
|
