|
|
 |
| (GMT+08:00)
2006-08-03 10:08:11
|
 |
|
ເປັດຢ້າງປັກກິ່ງ
cri
Author: da
|
ໃນເວລານັກທ່ອງທ່ຽວມາທ່ຽວປັກກິ່ງ ຜູ້ນຳທ່ຽວຈະສະເໜີວ່າ "ຖ້າບໍ່ຂຶ້ນກຳແພງເມືອງຈີນຈະບໍ່ເປັນຜູ້ເກັ່ງ,ບໍ່ກິນເປັດຢ້າງປັກກິ່ງຈະເສຍດາຍຫຼາຍ."ແມ່ນແທ້,ທ່ານມາທ່ຽວປັກກິ່ງ,ໄປປິນຂຶ້ນກຳແພງເມືອງຈີນທີ່ມີຊື່ລືນາມໃນໂລກແລ້ວ,ແຕ່ພັດບໍ່ໄດ້ກິນເປັດຢ້າງປັກກິ່ງ,ຈັ່ງແມ່ນເລື່ອງທີ່ເສຍດາຍຫຼາຍ.ໃນລາຍການ"ທ່ຽວເມືອງຈີນ"ພາກນີ້,ດາລາວັນຈະສະເໜີເປັດຢ້າງປັກກິ່ງທີ່ມີຊື່ສຽງຢູ່ຈີນແລະຕ່າງປະເທດສູ່ທ່ານຟັງ.
ເມື່ອ 700 ປີກ່ອນ,ເປັດຢ້າງປັກກິ່ງກໍຖືກເຈົ້ານາຍປັກກິ່ງຖືເປັນອາຫານປະເສີດເທິງພາເຂົ້າແລ້ວ.ການປຸງແຕ່ງເປັດຢ້າງປັກກິ່ງມີສອງວິທີ,ວິທີໜຶ່ງແມ່ນແຂວນເປັດເທິງກອງໄຟທີ່ເຜົາດ້ວຍໄມ້ກິນໝາກເຊັ່ນໄມ້ທັນແລະໄມ້ຄາຍເປັນຕົ້ນ.ວິທີດັ່ງກ່າວແມ່ນຮຽນເອົາວິທີປີ້ງໝູນ້ອຍໃນເຮືອນຄົວຂອງພະລາຊະວົງ.ວິທີປີ້ງເປັດອີກວິທີໜຶ່ງແມ່ນ,ບໍ່ຈູດໄຟ,ຫາກແມ່ນອາໄສຄວາມຮ້ອນຂອງຝາເຕົາມາອົບເອົາ,ອຸນຫະພູມໃນເຕົາສູງຂຶ້ນກ່ອນແລ້ວຄ່ອຍໆເຢັນລົງ,ເປັດປີ້ງກໍມີໜັງກອບໆ ມັນ ແຕ່ບໍ່ເບື່ອ.
 ຮ້ານເປັດຢ້າງປັກກິ່ງທີ່ມີປະຫວັດດົນນານກວ່າໝູ່ໃນປັກກິ່ງແມ່ນ"ຮ້ານປ້ຽນອີຝາງ",ມີປະຫວັດເກືອບ 600 ປີແລ້ວ.ປະຈຸບັນ,"ຮ້ານປ້ຽນອີຝາງ"ໄດ້ຕັ້ງຮ້ານສາຂາຫຼາຍແຫ່ງຢູ່ປັກກິ່ງ,ຮ້ານໃຫຍ່ຢູ່ບ່ອນມໍ່ທາງສີ່ແຍກຖະໜົນສົງເວີນເມີນໃນໃຈກາງນະຄອນປັກກິ່ງ,ຍ່າງ 20 ນາທີກໍ່ໄປຮອດສະໜາມທ່ຽນອ່ານເມີນທີ່ມີຊື່ສຽງ.ພໍຍ່າງເຂົ້າ"ຮ້ານປ້ຽນອີຝາງ",ຈະໄດ້ເຫັນສິ່ງຕົກແຕ່ງທີ່ມີເອກະລັກວັດທະນະທຳຕາເວັນອອກທີ່ເຂັ້ມຂຸ້ນ.ປ້າຍສີດຳແຜ່ນໜຶ່ງທີ່ໄດ້ຂຽນຕົວໜັງສືສີຄຳໄດ້ແຂວນໄວ້ຢູ່ເທິງປະຕູຮ້ານ,ເທິງຫຼັງຄາໄດ້ແຂວນໂຄມໄຟແບບບູຮານທີ່ສວຍງາມ,ຢູ່ເທິງຂື່ໄດ້ແຕ້ມຮູບສີ,ເສົາຄ້ຳເຮືອນສີແດງ 4 ເສົາໄດ້ຄວັດຮູບດອກໄມ້ນານາຊະນິດ,ເຮັດໃຫ້ຄົນຮູ້ສຶກສວຍງາມແລະສະຫງ່າລາສີ.
1 2 3
|
|
|
