ໃນເວລາກິນເປັດຢ້າງ ແຂກແມ່ນເອົາແຜ່ນແປ້ງບາງໆຫໍ່ເອົາຊີ້ນເປັດກິນນຳກັນ. ແຜ່ນແປ້ງມີຮູບໃບບົວ,ໃຊ້ໄມ້ຖູ່ຈ້ຳແຈ່ວຫວານໃສ່,ແລ້ວໃສ່ຊີ້ນເປັດ2-3ປ່ຽງ,ກັບເສັ້ນຜັກບົວແລະໝາກແຕງ,ຮຳແຜ່ນແປ້ງເປັນຮູບທໍ່ ກໍກິນເລີຍ,ຈັ່ງແມ່ນແຊບຫຼາຍ.
 ບໍ່ພຽງແຕ່ຄົນຈີນມັກກິນເປັດຢ້າງປັກກິ່ງ,ຄົນຕ່າງປະເທດກໍມັກກິນຄືກັນ.ໃນຮ້ານເປັດຢ້າງນ້ອຍໃຫຍ່ຂອງປັກກິ່ງ,ເກືອບແຕ່ລະມື້ຈະໄດ້ເຫັນມີຄົນຕ່າງປະເທດມາຊີມເປັດຢ້າງ.ທ່ານພີເຕີ ຄູແທວ ທີ່ມາຈາກສວິສໄດ້ຍ້ອງຍໍລົດຊາດຂອງເປັດຢ້າງປັກກິ່ງຢ່າງບໍ່ເຫືອດສົບເຫືອດປາກວ່າ:
"ຂ້າພະເຈົ້າຮູ້ສຶກວ່າ ເປັດຢ້າງແຊບຫຼາຍ,ຂ້າພະເຈົ້າກໍຮູ້ສຶກປະຫຼາດໃຈຕໍ່ວິທີປີ້ງເປັດ.ໃນຮ້ານ ຂ້າພະເຈົ້າເຄີຍເຫັນການປີ້ງເປັດໃນເຕົາແນວໃດ,ທັງເຫັນຫຼາຍສິ່ງຂອງທີ່ໜ້າຮັກທີ່ຕ້ອງກິນນຳກັນ.ເວົ້າລວມແລ້ວ ເປັດຢ້າງປັກກິ່ງແຊບຫຼາຍ ພິເສດຫຼາຍ,ຂ້າພະເຈົ້າມັກຫຼາຍ."
 ທ່ານຜູ້ຟັງທີ່ໂຄລົບ,ປະຈຸບັນ ເປັດຢ້າງປັກກິ່ງບໍ່ແມ່ນອາຫານເຢື່ອງໜຶ່ງຫຼືຊີ້ນເປັດຊື່ໆແລ້ວ,ມັນໄດ້ກາຍເປັນວັດທະນະທຳອາຫານການກິນທີ່ສ່ອງແສງໃຫ້ເຫັນຄວາມຍອດຢ້ຽມຂອງອາຫານການກິນທີ່ແຊບນົວຂອງຈີນ.ໃນງານລ້ຽງລະດັບຊາດ,ມັນແມ່ນອາຫານການກິນທີ່ຂາດບໍ່ໄດ້.ໃນເວລາດາລາວັນໄປຮຽນຕໍ່ຢູ່ລາວ,ເຄີຍໄປຊີມ"ເປັດຢ້າງປັກກິ່ງ"ຢູ່ວຽງຈັນ.ສຸພະສິດຈີນເວົ້າວ່າ: "ເຂົ້າບ້ານເພິ່ນຕ້ອງເຮັດຕາມເພິ່ນ",ຄຶດວ່າ,ເປັດຢ້າງປັກກິ່ງໄປຮອດວຽງຈັນແລ້ວ ກໍຕ້ອງປ່ຽນລົດຊາດໜ້ອຍໜຶ່ງ ເພື່ອໃຫ້ຖືກກັບປາກຄົນວຽງຈັນ.ສະນັ້ນ,ຖ້າທ່ານມີໂອກາດມາທ່ຽວປັກກິ່ງ,ຢ່າລືມຊີມເປັດຢ້າງປັກກິ່ງອ້ອຍຕ້ອຍເດີ້.
1 2 3
|
