ທ່ານຊົ້ງຢຽນ ຜູ້ອຳນວຍການຮ້ານນີ້ເວົ້າວ່າ,ຈຸດພິເສດຂອງຮ້ານ"ປ້ຽນອີຝາງ"ແມ່ນເປັດອົບໃນເຕົາ.
 "ການອົບເປັດປັກກິ່ງຊະນິດນີ້ໃນເຕົາບໍ່ມີໄຟ,ພຽງແຕ່ອາໄສຄວາມຮ້ອນໃນເຕົາ,ອຸນຫະພູມຄ່ອຍໆເຢັນລົງ ເປັດຢ້າງກໍສຸກແລ້ວ.ວິທີນີ້ຍາກກວ່າການແຂວນປີ້ງເປັດ.ເປັດຢ້າງໃນເຕົາບໍ່ພຽງແຕ່ມີເອກະລັກທີ່ໜັງເປັດກອບແລ້ວແຕ່ຊີ້ນພັດຍັງອ່ອນໜຸ້ມ,ແຊບຫຼາຍ,ເປັນສີແດງ ເບິ່ງແລ້ວງາມຫຼາຍ."
ທ່ານຊົ້ງຢຽນເວົ້າວ່າ,ເປັດທີ່ເອົາປຸງແຕ່ງເປັນເປັດຢ້າງຕ້ອງເລືອກຕາມມາດຖານອັນເຄັ່ງຄັດ.ເປັດດິບໂຕໜຶ່ງຕ້ອງມີນ້ຳໜັກລະຫວ່າງ 2,9 ກິໂລ,ຕ້ອງເຕີບໃຫຍ່ພາຍໃນ 60 ວັນ,ຮ້ານປ້ຽນອີຝາງໄດ້ເຮັດຕາມມາດຖານດັ່ງກ່າວຮ້ອຍກວ່າປີໂດຍຕະຫຼອດ,ທັງມີເອກະລັກພິເສດຂອງຕົນໃນດ້ານວິທີຢ້າງເປັດ.
ນອກຈາກຮ້ານປ້ຽນອີຝາງແລ້ວ,ຢູ່ປັກກິ່ງ ຍັງມີຮ້ານໜຶ່ງທີ່ໜ້າໄປຊີມ,ຮ້ານນີ້ຊື່ວ່າ"ຮ້ານເປັດຢ້າງສວນຈູ້ເຕີ".ປະຈຸບັນ ຮ້ານສວນຈູ້ເຕີໄດ້ພັດທະນາເປັນກຸ່ມບໍລິສັດແລ້ວ,ຕັ້ງຮ້ານສາຂາຫຼາຍແຫ່ງຢູ່ແຫ່ງຕ່າງໆໃນໂລກ,ຕໍ່ໄປ ດາລາວັນຂໍແນະນຳຮ້ານເປັດຢ້າງສວນຈູ້ເຕີທີ່ຕັ້ງຢູ່ຄຸ້ມສຽນເມີນປັກກິ່ງ.ຮ້ານນີ້ໄກຈາກສະໜາມທ່ຽນອ່ານເມີນບໍ່ຮອດສອງກິໂລແມັດ,ມີປະຫວັດຮ້ອຍກວ່າປີ,ບໍ່ພຽງແຕ່ແມ່ນບ່ອນກິນເປັດຢ້າງ,ທັງແມ່ນສະຖານທີ່ທ່ອງທ່ຽວທີ່ມີຊື່ສຽງ.ຢູ່ແຫ່ງນີ້,ສິ່ງທີ່ໜ້າຊົມແມ່ນ"ຮ້ານເກົ່າ"ຢູ່ຊັ້ນທີໜຶ່ງ,ໄດ້ຮັກສາໂສມໜ້າຂອງຮ້ານເປັດຢ້າງສວນຈູ້ເຕີໃນຊຸມປີ 30 ສະຕະວັດທີ່ແລ້ວ,ມີເຟີນີເຈີເກົ່າແກ່ຫຼາຍເຄື່ອງ,ຍັງແຂວນມີແຜນທີ່ເມືອງປັກກິ່ງເກົ່າ.ຕາມເວົ້າກັນວ່າ,ຖ້າຄຳລູກຄິດຢົກເທິງຕູ້ຮ້ານ,ຈະນຳຄວາມສຸກມາໃຫ້ທ່ານ.
 ຮ້ານເປັດຢ້າງສວນຈູ້ເຕີຕ່າງກັບຮ້ານປ້ຽນອີຝາງກໍແມ່ນ,ຮ້ານນີ້ແມ່ນຂາຍເປັດແຂວນປີ້ງ,ໃຊ້ໄຟ.ຈຸດພິເສດຂອງມັນແມ່ນ:ກ່ອນປີ້ງເປັດຕ້ອງເອົາເຄື່ອງປຸງແຕ່ງທີ່ປຸງແຕ່ງໂດຍຮ້ານນີ້ທາໃສ່ໂຕເປັດດິບ,ໃນເວລາປີ້ງເປັດຕ້ອງລະວັງຄວາມຮ້ອນໃຫ້ພໍດ້າມພໍດີ,ເມື່ອເປັນແນວນີ້ ເປັດປີ້ງຈິ່ງເປັນສີແດງແກ່,ແສງເຫຼື້ອມອອກ,ໜັງກອບ ຊີ້ນອ່ອນ.
ເປັດຢ້າງຂອງຮ້ານສວນຈູ້ເຕີມີສະເໜຫຼາຍ,ນີ້ແມ່ນວິທີຊອຍແລະວິທີກິນຕ່າງໝູ່.ທ່ານມາເຈີ ຜູ້ອຳນວຍການຮ້ານເປັດຢ້າງສຽນເມີນສວນຈູ້ເຕີແນະນຳວ່າ:
"ທຳມະດາ ພໍ່ຄົວຊອຍເປັດຢ້າງໃຫ້ເປັນ 108 ປ່ຽງຕໍ່ຈານໜຶ່ງ.ແຂກຈະກິນກັບແຈ່ວຫວານ.ແຈ່ວຫວານມີບົດບາດຫຍັງແດ່?ແກ້ມັນ."
1 2 3
|
