|
ຄຽງຄູ່ກັບງານໂອລິມປິກປັກກິ່ງປີ 2008 ຫຍັບມໍ່ເຂົ້າ,ມວນຊົນຈີນກໍ່ມີຄວາມຫ້າວຫັນນັບມື້ນັບຫລາຍຂຶ້ນໃນການເຂົ້າມາຮ່ວມການຫລິ້ນກິລາ. ຫວ່າງກ່ອນນີ້ບໍ່ດົນ, ໄດ້ຈັດສັບປະດາຮູບເງົາກິລາສາກົນປັກກິ່ງເທື່ອທີສອງ, ຮູບເງົາທີ່ມີເນື້ອໃນກ່ຽວກັບກິລາຂອງຈີນແລະຕ່າງປະເທດ 26 ເລື່ອງທີ່ດີເດັ່ນຄື ຮູບເງົາເລື່ອງມີຊື່ສຽງຍ້ອນຫມາກບານແລະຮູບເງົາເລື່ອງນັກກິລາ ບານບ້ວງເພດຍິງເບີ 5 ເປັນຕົ້ນໄດ້ສາຍຢູ່ໃນໂຮງຮູບເງົາແລະທາງໂທ ລະພາບ, ເຮັດໃຫ້ຄົນທັງຫລາຍສົນໃຈນຳຮູບເງົາກິລາ.
ເມື່ອປີ 1943,ທ່ານຊຸນອີ ຜູ່ກຳກັບການສະແດງໄດ້ສ້າງຮູບເງົາເລື່ອງລາຊີນີກິລາຢູ່ຊຽງໄຮ້ຢ່າງສຳເລັດຜົນ,ຮູບເງົານີ້ແມ່ນຮູບເງົາກິລາເລື່ອງທຳອິດຂອງຈີນ.ແຕ່ປີ 1949 ຫາປີ 1966,ຈີນໄດ້ສ້າງຮູບເງົາກິລາປະມານ 10 ເລື່ອງ,ໃນນັ້ນມີຫລາຍເລື່ອງເປັນຮູບເງົາດີເລີດ,ຕົວຢ່າງຄື ເລື່ອງນັກກິລາບານບ້ວງເພດຍິງເບີ 5 ທີ່ທ່ານເຊ້ຈິ້ນ ຜູ່ກຳກັບການສະແດງທີ່ມີຊື່ສຽງຂອງຈີນສ້າງນັ້ນ, ໄດ້ເລົ່າເລື່ອງກ່ຽວກັບອາຊີບແລະຊີວິດຮັກຂອງນັກກິລາບານ ບ້ວງເພດຍິງທີ່ໄດ້ຮັບຄວາມຍ້ອງຍໍຢ່າງກວ້າງຂວາງ.
ໃນຍຸກທີ່ຕ່າງກັນ,ອາລົມຈິດທາງສັງຄົມຂອງມວນຊົນກໍ່ຕ່າງກັນ,ຮູບເງົາກໍ່ເປັນແວ່ນແຍງອັນຫນຶ່ງທີ່ສ່ອງແສງເຖິງສະພາບສັງຄົມໃນຄາວນັ້ນ.ປີ 1984, ຈີນໄດ້ເຂົ້າຮ່ວມງານໂອລິມປິກລະດູຮ້ອນຄືນໃຫມ່ເທື່ອທຳອິດ,ທ່ານຊີຮາຍເຟິງ ນັກກິລາຈີນຊິງໄດ້ທີຫນຶ່ງໃນການແຂ່ງຂັນຍິງປຶນຂອງງານໂອລິມປິກຄັ້ງນັ້ນ.ໃນໄລຍະນັ້ນ, ຜົນງານດ້ານກິລາແລະການຊີງໄດ້ຫລຽນໃນການແຂ່ງຂັນລະດັບສາກົນນັ້ນເປັນສິ່ງຢັ້ງຢືນໃຫ້ເຫັນເຖິງຄວາມສາມາດສູງຂອງນັກກິລາຈີນ.ພິເສດແມ່ນທິມບານສົ່ງເພດຍິງຈີນໃນຄາວນັ້ນໄດ້ເປັນທີຫນຶ່ງໃນການແຂ່ງຂັນຊີງຂັນໂລກສາມເທື່ອລຽນຕິດ,ໄດ້ເຮັດໃຫ້ປະຊາ ຊົນຈີນມີຄວາມກະຕືລືລົ້ນໃນດ້ານກິລາ,ໃນໄລຍະນັ້ນ,ກໍ່ມີການສ້າງຮູບເງົາກິລາດີເດັ່ນຊຸດຫນຶ່ງ, ຕົວຢ່າງຄື ເລື່ອງຊາໂອ ທີ່ເອົາທິມບານສົ່ງເພດຍິງຈີນທີ່ຊີງໄດ້ທີຫນຶ່ງມາເປັນເນື້ອໃນ;ເລື່ອງເຊຍທິມຈີນທີ່ສະແດງເຖິງຊີວິດການເປັນຢູ່ຂອງທິມບານເຕະຈີນ;ເລື່ອງນ້ຳກ້າມກັບໄຟທີ່ສ່ອງແສງເຖິງຊີວິດຂອງນັກກິລາສະເກັດນ້ຳແຂງເພດຍິງຈີນເປັນຕົ້ນ.ຮູບເງົາກິລາເຫລົ່ານີ້ໄດ້ສະແດງໃຫ້ເຫັນຄວາມດຸເດືອດໃນການຝຶກແອບແລະແຂ່ງຂັນຂອງນັກກິລາ,ໃນເວລາສ້າງຮູບເງົາເຫລົ່ານີ້ກໍ່ມັກມີຄວາມອັນຕະລາຍ.ທ່ານຫູເຊຢາງ ຜູ່ກຳກັບການສະແດງຂອງຮູບເງົາເລື່ອງນ້ຳກ້າມກັບໄຟໄດ້ຫວນຄືນສະພາບການຖ່າຍທຳຮູບເງົາໃນຄາວນັ້ນວ່າ:
(ຂ່າວໂຄສະນາຮູບເງົາເລື່ອງ"ນັກກິລາບານບ້ວງເພດຍິງເບີ 5")
ເວລານັ້ນ, ອູນຫະພູມຢູ່ພາກຕາເວັນອອກສຽງເຫນືອແມ່ນລົບ 30 ອົງສາ,ຖ່າຍຢູ່ເທິງແມ່ນ້ຳຊົງຮວາໃນຕອນເຊົ້າ 8 ໂມງເຄີ່ງ,ຕ້ອງຖ່າຍຈົນຮອດຕາເວັນຄ້າຍລົງແລງຈິ່ງສຳເລັດ, ການໄຕ່ນ້ຳກ້າມໄລຍະສັ້ນ,ໄວສຸດແມ່ນ 60-80 ໄມ,ແຕ່ພວກເຮົາຕ້ອງມີຄວາມໄວ 85-90 ໄມຈິ່ງຖ່າຍທັນໄດ້,ນີ້ແມ່ນອັນຕະລາຍທີ່ສຸດ, ເວລານັ້ນ ພວກເຮົາໄດ້ໄຕ່ຫມູນວຽນແບບກົມປາ,ຊ່າງຖ່າຍຮູບເງົາສອງຄົນລ້ວນແຕ່ຂາຫັກຍ້ອນຕົກລົງມາ,ການຖ່າຍທຳໃນແຕ່ລະມື້ກໍ່ເຮັດໃຫ້ທຸກຄົນມີຄວາມວິຕົກກັງວົນຫລາຍ, ເມື່ອຄິດຫວນຄືນແລ້ວແມ່ນລືມຍາກທີ່ສຸດ.
1 2 3
|
