|
(ຂ່າວໂຄສະນາຮູບເງົາເລື່ອງ"ໂຕຫນັງສື D")
ຮູບເງົາຂອງຈີນພວມຫັນເປັນການຕະຫລາດ, ດ້ວຍການເພີ່ມຄວາມສວຍງາມແລະຄວາມບັນເທີງເຂົ້າໄປ, ເຮັດໃຫ້ຜູ້ຊົມນີຍົມຫລາຍຂຶ້ນ, ນີ້ແມ່ນສິ່ງທ້າທາຍສຳລັບຜູ້ສ້າງຮູບເງົາຂອງຈີນຕ້ອງປະເຊີນ,ຮູບເງົາກິລາກໍ່ຄືກັນ.ໃນເວລາໃຫ້ສຳພາດຕໍ່ນັກຂ່າວ, ທ່ານອູຊືຢວນ ຜູ່ກຳກັບການສະແດງທີ່ມີຊື່ສຽງຂອງຮົງກົງເວົ້າວ່າ:
ຂ້າພະເຈົ້າຄິດວ່າ, ຮູບເງົາກິລາຂອງຈີນຍັງບໍ່ຫລາຍ,ໂດຍສະເພາະແມ່ນໃນເວລາທີ່ກິລາພວກເຮົາໄດ້ກ້າວກະໂດດຢ່າງຫລວງຫລາຍ, ພວກເຮົາສາມາດສະແດງໃຫ້ເຫັນວ່ານັກກິລາຈີນແມ່ນຝຶກແອບແລະເຕີບໃຫຍ່ແນວໃດໃຕ້ສະ ພາບແວດລ້ອມອັນລຳບາກ,ຂ້າພະເຈົ້າຄິດວ່າຮູບເງົາກິລາບໍ່ພຽງແຕ່ແມ່ນກ່າວເຖິງກິລາທໍ່ນັ້ນ, ຕົ້ນຕໍແມ່ນຕ້ອງກ່າວເຖິງນ້ຳໃຈບຸກບືນ,ພວກເຮົາຈະສ້າງເລື່ອງແບບໃດກໍ່ໄດ້, ຂໍແຕ່ໃຫ້ກິລາເປັນສິ່ງລະດົມຈິດໃຈຄົນໃຫ້ເປັນຄົນທີ່ບຸກບືນເພື່ອວາມກ້າວຫນ້າ.
ທ່ານອູຊືຢວນເຫັນວ່າ, ຮູບເງົາກິລາບໍ່ແມ່ນການຄອບປີ້ເຫດການຈິງສະຫນາມແຂ່ງຂັນ, ແຕ່ຄວນມີເນື້ອໃນກິລາທີ່ພົວພັນກັບຫົວຂໍ້ອື່ນໆ,ນຳທີ່ສາມາດດຶງດູດແລະກະຕຸ້ນການດຳລົງຊີວິດຂອງຄົນ.ທ່ານເຊື່ອວ່າ,ຄຽງຄູ່ກັບງານໂອລິມປິກປັກກິ່ງປີ 2008 ຈະວຽນມາເຖິງ, ກໍ່ຈະມີການສ້າງຮູບເງົາກິລາທີ່ດີເດັ່ນຈຳນວນຫນຶ່ງອອກມາ.
ທ່ານຜູ່ຟັງທີ່ເຄົາລົບ, ລາຍການວັດທະນະທຳຈີນພາກນີ້ຂໍສ້ຽງສຸດລົງພຽງທໍ່ນີ້, ຂອບໃຈທ່ານທີ່ຮັບຟັງ, ຕໍ່ໄປ ເຊີນຟັງລາຍການສອນພາສາຈີນ.
1 2 3
|
