|
(ຂ່າວໂຄສະນາຮູບເງົາເລື່ອງ"ດວງຕາດຳ")
ເມື່ອກ້າວເຂົ້າສູ່ຊຸມປີ 1990, ຄຽງຄູ່ກັບການຟື້ນຕົວແລະຄວາມຈະເລີນຂອງຮູບເງົາຈີນນັ້ນ,ຮູບເງົາກິລາຂອງຈີນກໍ່ມີຄວາມກ້າວຫນ້າເຊັ່ນກັນ.ຮູບເງົາກິລາໃນໄລຍະນີ້ໄດ້ແຜ່ລາມເຂົາໄປຫາກິລາຫລາຍປະເພດແລະຫລາຍເລື່ອງກໍ່ພົວພັນກັບກິລາຫລາຍປະເພດ,ຕົວຢ່າງຄືເລື່ອງເດືອນກັນຍາຂອງຂ້ອຍທີ່ກຳກັບໂດຍທ່ານອິນລີ,ໄດ້ເລົ່າເລື່ອງກ່ຽວກັບຄວາມພະຍາຍາມຂອງເດັກນ້ອຍຜູ່ຫນຶ່ງເພື່ອເຂົ້າຮ່ວມການສະແດງໃນພິທີໄຂງານເອຊຽນເກມທີ່ຈັດຂຶ້ນຢູ່ຈີນໃນປີ 1990,ລາວໄດ້ທຳຄວາມພະຍາຍາມຕ່າງໆນາໆ,ແກ້ຂໍ້ຂາດຕົກບົກຜ່ອງຂອງຕົນ.ທ່ານອິນລີ້ ຜູ່ກຳກັບເລົ່າສູ່ຟັງວ່າ:
ເວລານັ້ນ,ໄປເອົາຂ່າວຢູ່ໂຮງຮຽນປະຖົມ,ໃນຂະບວນການເລືອກເຟັ້ນເອົານັກສະແດງ, ຜູ່ທີ່ເຮັດໃຫ້ຂ້າພະເຈົ້າມີຄວາມປະທັບໃຈເລິກເຊິ່ງກວ່າຫມູ່ນັ້ນແມ່ນນັກຮຽນໃນໂຮງຮຽນປະຖົມຂອງປັກກິ່ງ,ເພື່ອພິທີໄຂງານກິລາເອຊຽນເກມ, ພວກເຂົາເຈົ້າໄດ້ຝຶກແອບກາຍຍະກຳຫມູ່ຄະນະໃຕ້ແສງແດດ ກ້າ,ໄດ້ເຮັດໃຫ້ແຕ່ລະຄົນສາມາດເຊື່ອມເຂົ້າກັບຫມູ່ຄະນະໃນການຫລິ້ນມ່ວນຊື່ນຂອງມວນຊົນ.
ທ່ານອິນລີເຫັນວ່າ, ບໍ່ວ່າແມ່ນຮູບເງົາກິລາຫລືແມ່ນຮູບເງົາເລື່ອງອື່ນໆ,ສິ່ງສຳຄັນແມ່ນຈິດໃຈ, ແມ່ນສຳຄັນເປັນພິເສດໂດຍສະເພາະໃນຮູບເງົາກິລາ.ໃນຫລາຍປີມານີ້, ຜູ່ສ້າງຮູບເງົາຂອງຈີນຍັງໄດ້ສ້າງຮູບເງົາກິລາກ່ຽວກັບຄົນພິການ, ໄດ້ເລົ່າເລື່ອງນັກກິລາຄົນພິການຝຶກຝົນຕົນເອງໃຫ້ເຂັ້ມແຂງ, ມີຄວາມພຽນພະຍາຍາມສູງ, ໂດຍສະເພາະແມ່ນໄດ້ສະແດງເຖິງ ພອນສະຫວັນອັນພິເສດຂອງພວກເຂົາເຈົ້າ.ຕົວຢ່າງຄືຮູບເງົາເລື່ອງດວງຕາສີດຳ, ນາງລີຮວາ ນາງເອກໃນຮູບເງົາແມ່ນຄົນຕາປອດທັງສອງເບື້ອງ, ນາງເປັນຄົນງາມແລະມີນິໃສໃຈຄໍຕ່າງຫມູ່,ນາງລີຮວາໄດ້ຮັບເລືອກເຂົ້າທິມນັກກິລາຄົນພິການ, ເຂົ້າຮ່ວມການຝຶກແອບແລ່ນທົນ,ກຽມຈະເຂົ້າຮ່ວມງານກິລາຄົນພິການ. ນາງລີຮວາເກີດຄວາມຮູ້ສຶກຮັກຄູຝຶກຂອງຕົນ,ແຕ່ຄູຝຶກພັດມີຄົນຮັກແລ້ວ,ນາງລີຮວາກໍ່ອວຍພອນພວກເຂົາເຈົ້າຢ່າງມິດໆ.ຍ້ອນຄວາມອົດ ທົນພະຍາຍາມຝຶກຊ້ອນ,ນາງລີຮວາຊີງໄດ້ຫລຽນຄຳຫນຶ່ງຫລຽນໃນງານກິລາຄົນພິການສາກົນ,ຢືນຢູ່ເທິງເວທີມອບຮັບຫລຽນ, ໃນດວງໃຈຂອງນາງ, ທີ່ຈິງແມ່ນຢາກໄດ້ຄວາມຮັກທີ່ເຫມືອນກັບຄົນທົ່ວໄປ.ຮູບເງົາເລື່ອງນີ້ໄດ້ຮັບລາງວັນຮວາ ປຽວ ເຊິ່ງເປັນລາງວັນລັດຖະບານດ້ານຮູບເງົາດີເດັ່ນຂອງຈີນ,ແລະໄດ້ຮັບລາງວັນຫລາຍເທື່ອໃນງານຮູບເງົາສາກົນ.ທ່ານອິນລີເຫັນວ່າ, ໃນຫລາຍປີມານີ້, ຮູບເງົາກິລາຂອງຈີນໄດ້ມີການປ່ຽນແປງຢ່າງມະຫາສານໃນດ້ານເນື້ອໃນແລະວິທີສະແດງ.ທ່ານເວົ້າວ່າ:
ພວກຂ້າພະເຈົ້າໄດ້ຮູ້ສຶກເຖິງການປ່ຽນແປງຂອງຫົວຂໍ້ນີ້,ຈາກຮູບເງົາເລື່ອງນັກກິລາບານບ້ວງເພດຍິງເບີ 5 ແລະເລື່ອງເອື້ອຍນ້ອງເທິງນ້ຳກ້າມໃນເມື່ອກ່ອນ, ຮູບເງົາແບບນີ້ແມ່ນສະແດງເຖິງຄວາມກ້າວຫນ້າຂອງຄົນຜູ່ດຽວ, ການສູ້ຊົນຂອງຄົນຜູ່ດຽວ, ການຕໍ່ຕ້ານຂອງຄົນຜູ່ດຽວແລະການເຕີບໃຫຍ່ຂອງຄົນຜູ່ດຽວ, ແຕ່ຮູບເງົາໃນຊູ່ມື້ນີ້ຄື ຮູບເງົາເລື່ອງບານເຕະຊ້າວລິນແລະເລື່ອງໂຕຫນັງສື D ໄດ້ເພີ່ມປັດໄຈທີ່ທັນສະໄຫມແລະຄວາມຕະຫລົກເຂົ້າໃສ່, ຍິ່ງເຮັດໃຫ້ຜູ່ຊົມໃນຊູ່ມື້ນີ້ນີຍົມ.
1 2 3
|
