ປັດຈຸບັນ,ທ່ານເຊຍມີລີແມ່ນນັກສະແດງຊັ້ນ1ລະດັບຊາດ,ເຮັດວຽກຢູ່ຄະນະຮ້ອງແລະຟ້ອນເຂດທະຫານຊິນຈ່ຽງ.ເຖິງວ່າທ່ານບໍ່ໄດ້ເຮັດວຽກຢູ່ຊາຍແດນແລ້ວ,ແຕ່ທ່ານຍັງໄດ້ຄິດເຖິງເພື່ອນຮ່ວມລົບໃນກອງຮ້ອຍປ້ອງກັນຊາຍແດນ,ແລະໄປຮ້ອງເພງຢູ່ຮາກຖານເລື້ອຍໆ.ທ່ານເວົ້າວ່າ:
"ຂ້ອຍແມ່ນນັກສະແດງຊັ້ນ1ລະດັບຊາດຜູ່ທຳອິດທີ່ໄດ້ເດີນທາງໄປເຂດຊາຍແດນຕາມລຳພັງ,ໃນຍາມບຸນກຸດຈີນແຕ່ລະປີ,ຂ້ອຍກໍໄດ້ໄປຈັດງານສະແດງດົນຕີຢູ່ກອງຮ້ອຍປ້ອງກັນຊາຍແດນ.ປີນີ້ແມ່ນປີທີ7,ຂ້ອຍໄດ້ຈັດງານ100ກວ່າເທື່ອແລ້ວຢູ່ກອງຮ້ອຍຕ່າງໆ."
ຖ່າຍຮູບຮ່ວມກັບທະຫານປ້ອງກັນຊາຍແດນ
ໃນຍາມບຸນກຸດຈີນປີໜຶ່ງ,ທ່ານເຊຍມີລີໄດ້ໄປຮ້ອງເພງໃຫ້ທະຫານປ້ອງກັນຊາຍແດນຟັງ.ລົດຄ້າງຢູ່ເປີ້ນພູຍ້ອນລໍ້ລົດບໍ່ຈັບດິນທາງ.ທ່ານເລີຍແບກອັກກອກເດອົງ(accordion)ປີນພູ,ເກີບຈົນປຽກໝົດ.ເມື່ອໄປຮອດປ້ອມຍາມແລ້ວ,ທະຫານຜູ່ໜຶ່ງໄດ້ເຫັນວ່າທ່ານເຊຍມີລີໜາວສັ່ນໝົດຕົນໂຕ,ເລີຍເອົາເສື້ອນວມຂອງຕົນຫໍ່ຕີນທີ່ເກືອບແຂງກະດ້າງຂອງທ່ານ,ແລ້ວກອດມາໃສ່ໜ້າເອິກຂອງຕົນໃຫ້ແໜ້ນໆ.ການກະທຳຂອງທະຫານໄດ້ເຮັດໃຫ້ທ່ານເຊຍມີລີຕື້ນຕັນໃຈຈົນນ້ຳຕາຫໍ້ເບົ້າ.ແລ້ວທ່ານກໍເລີຍຢືນຢູ່ໃຕ້ແສງພະຈັນ,ທ້າທາຍລົມໜາວ,ຮ້ອງເພງໃຫ້ເພື່ອນທະຫານຟັງເຖິງຊົ່ວໂມງປາຍ.
1 2 3 4
|
