ນອກຈາກຮ້ອງເພງແລ້ວ,ທ່ານເຊຍມີລີຍັງມີຄວາມກະຕືລືລົ້ນຕໍ່ວຽກທີ່ເປັນ ສາທາລະນະປະໂຫຍດ,ອອກເງິນຊ່ອຍເຫຼືອຜູ່ທຸກຍາກເລື້ອຍໆ.ປີ2002,ທ່ານໄດ້ຮັບຄັດເລືອກໃຫ້ເປັນທູດການກຸສົນຜູ່ທຳອິດຂອງເຂດຊິ່ນຈ່ຽງ. ນາງນາມານກູລີ (namanguli)ແມ່ນສາວເຜົ່າອຸຍອູວ ມີອາຍຸ18ປີ,ບ້ານຢູ່ເມືອງຄາສື ເຂດຊິນຈ່ຽງ,ປີ2003,ນາງໄດ້ເປັນພະຍາດມະເຮັງໃນເມັດເລືອດ,ແຕ່ຄອບຄົວລາວບໍ່ມີເງິນໄປປິ່ນປົວ.ເມື່ອໄດ້ຮູ້ຂ່າວນີ້ແລ້ວ,ທ່ານເຊຍມີລີໄດ້ນຳໜ້າໃນການບໍລິຈາກເງິນ 3000ຢວນ,ພາຍລຸນມາໄດ້ສົ່ງເງິນທີ່ເປັນຄ່າສະແດງອີກ1ໝື່ນຢວນໄປໃຫ້ນາງນາມານກູລີ.ຍ້ອນໄດ້ຮັບການຊ່ອຍເຫຼືອຂອງທ່ານເຊຍມີລີແລະຄົນໃຈບຸນອື່ນໆ,ນາງນາມານກູລີໄດ້ເອົາຊະນະພະຍາດດັ່ງກ່າວ, ສຸຂະພາບໄດ້ຮັບການຟື້ນຟູ.
ຊາວໜຸ່ມເຜົ່າອຸຍອູ ອີກຜູ່ໜຶ່ງຊື່ວ່າເລຊີຕານ ຢູນູຊີເມື່ອໄດ້ຮັບທຶນຊ່ອຍເຫຼືອຂອງທ່ານເຊຍມີລີ,ນາງໄດ້ຜ່າຕັດປ່ຽນໝາກໄຂ່ຫຼັງໃໝ່ຢ່າງສຳເລັດຜົນ.ນາງເວົ້າວ່າ:"ພວກເຮົາຫວັງຢາກໃຫ້ມີຄົນໃຈບຸນຄືທ່ານເຊຍມີລີຫຼາຍຄົນ,ພວກເຮົາກໍດີໃຈທີ່ສຸດແລ້ວ,ໂດຍສະເພາະແມ່ນເພິ່ນໄດ້ໃຊ້ເວລາພັກຜ່ອນມາຢາມຂ້ອຍແລະໃຫ້ກຳລັງໃຈແກ່ຂ້ອຍຢ່າງໃຫຍ່ຫຼວງ,ຂ້ອຍຕື້ນຕັນໃຈທີ່ສຸດ."
ເນື່ອງໃນໂອກາດວັນເດັກສາກົນ 1ມິຖຸນາປີ2006,ທ່ານເຊຍມີລີໄປຢາມໂຮງຮຽນ
ປະຖົມແຫ່ງໜຶ່ງຂອງເມືອງອຸລຸມກີເຂດຊິນຈ່ຽງເພື່ອຊ່ອຍເຫຼືອນັກຮຽນຜູ່ທຸກຍາກ
ມອບເສື້ອຜ້າອາພອນໃຫ້ພວກນັກຮຽນ
ນາງມາລີ ເລຂາທິການສະຫະພັນການກຸສົນຊິນຈ່ຽງໃນພິທີມອບເຄື່ອງຊ່ອຍເຫຼືອນັກຮຽນຜູ່ທຸກຍາກ
ທ້າວຢືຈິພູ ເລີເຮີມານ (rijipu reheman)ແມ່ນນັກສຶກສາມະຫາວິທະຍາໄລເຮີທຽນຊິນຈ່ຽງ,ຄອບຄົວຂອງລາວທຸກຍາກຫຼາຍ,ລາວບໍ່ມີຄ່າຮຽນ,ພາຍຫຼັງໄດ້ອ່ານຂ່າວນີ້ໃນໜັງສືພິມແລ້ວ,ທ່ານເຊຍມີລີໄດ້ເອົາເງິນທີ່ທ່ານທ້ອນໄວ້4900ຢວນໄປໃຫ້ທ້າວຢືຈິພູ.ທ່ານເວົ້າວ່າ:
"ເມື່ອຂ້ອຍໄດ້ຊ່ອຍເຫຼືອຊາວໜຸ່ມຜູ່ນີ້ແລ້ວ,ລາວຕື້ນຕັນໃຈຫຼາຍ,ແລະໄດ້ຂຽນຈົດໝາຍຫາຂ້ອຍ,ພໍ່ລາວຍັງເວົ້າຕໍ່ຂ້ອຍໂດຍມີນ້ຳຕາເຕັມເບົ້າວ່າ,ຂ້ອຍແມ່ນພໍ່ຂອງຊາວໜຸ່ມຜູ່ນີ້.ພາຍຫຼັງທ້າວຢືຈິພູຮຽນຈົບແລ້ວ,ລາວຕັດສິນໃຈເມື່ອບ້ານເພື່ອຮັບໃຊ້ປະຊາຊົນ.ຂ້ອຍຫວັງຢາກໃຫ້ຊົນນະບົດມີຜູ່ມີຄວາມຮູ້ຄວາມສາມາດແບບນີ້ຫຼາຍໆ,ເພື່ອຮັບໃຊ້ປະຊາຊົນທ້ອງຖິ່ນ."
ເດັກນ້ອຍຜູ່ໜຶ່ງເປັນພະຍາດມະເຮັງໃນເມັດເລືອດ,ລາວໄດ້ໂທໄປຫານາງມາລີເລຂາທິການສະຫະພັນການກຸສົນຊິນຈ່ຽງວ່າ,ຢາກພົບກັບທ່ານເຊຍມີລີ ທູດການກຸສົນຂອງເຂດຊິນຈ່ຽງ.ທ່ານເຊຍມີລີເລີຍພ້ອມກັບນາງມາລີໄປຢາມເດັກ ນ້ອຍຜູ່ນີ້ໃນໂຮງໝໍ.ໃນຂະນະທີ່ທ່ານເຊຍມີລີມືຖືຊໍ່ດອກໄມ້,ຈັບມືທີ່ອ່ອນເພຍຂອງເດັກນ້ອຍຜູ່ນັ້ນແລ້ວ,ທ່ານອົດບໍ່ໄດ້ຈົນນ້ຳຕາໄຫຼອາບແກ້ມ,ເດັກນ້ອຍຜູ່ນັ້ນກໍນ້ຳຕາໄຫຼຄືກັນ.ທ່ານເຊຍມີລີໄດ້ຮ້ອງເພງໃຫ້ເດັກນ້ອຍຟັງຫຼາຍໆເພງ.
1 2 3 4
|
