|
ທ່ານອຽນໂປ່ກັບນາງເມີຍທິງ ຄູ່ຜົວເມຍທີ່ເປັນຜູ້ອຳນວຍການສ້າງຟີມຂອງຈີນ
cri
|
ຢູ່ຈີນ, ແຕ່ລະປີໄດ້ສ້າງຮູບເງົາປະມານ 200 ກວ່າເລື່ອງ, ໃນ 200 ກວ່າເລື່ອງນີ້, ມີສ່ວນໜ້ອຍທີ່ສຸດແມ່ນຜະລິດໂດຍຜູ້ຜະລິດເອກະຊົນ. ເພາະຜູ້ຜະລິດເອກະຊົນຕ້ອງຈັດຫາທຶນເອົາເອງ, ແລະຊອກຫາຕະຫຼາດຈຳໜ່າຍເອົາເອງ, ນີ້ຕ້ອງມີຄວາມກ້າຫານທີ່ສຸດ. ທ່ານອຽນໂປ່ກັບນາງເມີຍທິງ ພັນລະຍາກໍໄດ້ສ້າງຮູບເງົາເລື່ອງໜຶ່ງຊື່ວ່າ: ອັສເປຍລີນ.
ນາງເມີຍທິງແມ່ນນັກສະແດງສາວທີ່ມີຊື່ສຽງຂອງຈີນ, ນາງໄດ້ສະແດງເປັນນາງເອກໃນຮູບເງົາແລະລະຄອນໂທລະພາບຫຼາຍເລື່ອງ, ໄດ້ສ້າງຕົວສະແດງທີ່ມີຊີວິດຊີວາຫຼາຍໆຄົນ, ໄດ້ຮັບຄວາມນິຍົມຊົມຊອບຈາກຜູ້ຊົມທັງຫຼາຍ. ຫວ່າງມໍ່ໆນີ້, ນາງໄດ້ຮ່ວມມືກັບຜົວສ້າງຮູບເງົາເລື່ອງອັສເປຍລິນ, ນາງໄດ້ເປັນຜູ້ອຳນວຍການສ້າງຟິມຄັ້ງທຳອິດ, ພ້ອມທັງສະແດງເປັນນາງເອກໃນເລື່ອງ, ສ່ວນຜົວຂອງນາງເປັນຜູ້ກຳກັບການສະແດງ, ນີ້ແມ່ນຮູບເງົາເລື່ອງທຳອິດທີ່ສອງຜົວເມຍເຂົາເຈົ້າຜະລິດເອົາເອງ, ພວກເພິ່ນໄດ້ໃຊ້ເງິນທີ່ທ້ອນໂຮມມາໄດ້ລົງທຶນສ້າງຟີມເລື່ອງນີ້. ນາງເມີຍທິງເວົ້າວ່າ:
"ຍ້ອນເຮົາທັງສອງມັກຮູບເງົາຫຼາຍ, ທັງຈົດຈໍ່ທີ່ສຸດ, ບົດລະຄອນກໍບໍ່ແມ່ນເລື່ອງແບບລົ້ມລຸກຄຸກຄານປານໃດ, ຕອນຕົ້ນພວກເຮົາຕັ້ງໃຈທີ່ສຸດ, ໄດ້ແຕ້ມເປັນຮູບສອງເຫຼັ້ມໜາໆ, ພາບກ້ອງກໍໄດ້ແຕ້ມອອກມາໝົດ, ແຜນການຖ່າຍທຳທຸກປະເພດກໍແຕ້ມເປັນຄືພາບໂຄສະນາ, ເບິ່ງໄປແລ້ວຮູ້ສຶກວ່າດີຫຼາຍ, ແຕ່ຊອກຫາຄົນມາລົງທຶນຍາກຫຼາຍ, ຂ້ອຍເອງກໍຫາບໍ່ເກັ່ງ, ຂ້ອຍເລີຍເວົ້າວ່າ, ຊັ້ນກໍເອົາເງິນມາໃຊ້ກ່ອນ, ໄລຍະຕົ້ນອາດຊິພໍຢູ່."
1 2 3
|
|
