|
ທ່ານອຽນໂປ່ກັບນາງເມີຍທິງ ຄູ່ຜົວເມຍທີ່ເປັນຜູ້ອຳນວຍການສ້າງຟີມຂອງຈີນ
cri
ເວົ້າສຳລັບນາງເມີຍທິງແລະທ່ານອຽນໂປ່ແລ້ວ, ຮູບເງົາເລື່ອງອັສເປຍລີນມີຄວາມໝາຍພິເສດ. ໃນເວລາພວກເພິ່ນຮັກກັນ, ຍັງບໍ່ແຕ່ງງານເທື່ອ, ພວກເພິ່ນທັງສອງກໍໄດ້ກະກຽມສ້າງຮູບເງົາເລື່ອງນີ້ແລ້ວ, ຫຼັງຈາກແຕ່ງງານ 4 ປີ, ພວກເພິ່ນໄດ້ຖ່າຍຮູບເງົາເລື່ອງນີ້ສຳເລັດໃນທີ່ສຸດ, ສະນັ້ນ, ໃນຮູບເງົາເລື່ອງນີ້ໄດ້ມີສິ່ງທີ່ພວກເພິ່ນເຮັດ"ເທື່ອທຳອິດ"ຫຼາຍຢ່າງເຊັ່ນ: ທ່ານອຽນໂປ່ເປັນຜູ້ກຳກັບການສະແດງເທື່ອທຳອິດ, ນາງເມີຍທິງຮ້ອງເພງປະກອບຕອນທ້າຍຟີມເທື່ອທຳອິດ, ແລະເປັນຜູ້ອຳນວຍການສ້າງຟີມເທື່ອທຳອິດ. ໃນເວລາຖ່າຍທຳ, ພວກເພິ່ນມີພາລະໜັກຫຼາຍ, ນອກຈາກຕຶກຕອງໃນດ້ານສິລະປະແລ້ວ, ການຂາດເຂີນທາງດ້ານເງິນທຶນກໍໄດ້ເຮັດໃຫ້ພວກເພີ່ນຮູ້ສຶກໜັກໃຈທີ່ສຸດ. ທ່ານອຽນໂປ່ເວົ້າວ່າ:
"ຖ່າຍຮູບເງົາຢູ່ໃນປະເທດຈີນຍາກຫຼາຍ, ມີແຕ່ຜູ້ກຳກັບການສະແດງຜູ້ມີຊື່ສຽງຈຶ່ງຖ່າຍຮູບເງົາການຄ້າແລະຮູບເງົາທີ່ລົງທຶນຫຼາຍໄດ້. ຮູບເງົາຂອງພວກເຮົາແມ່ນຜະລິດໂດຍສ່ວນຕົວ, ສ່ວນຫຼາຍຕ້ອງອາໄສໝູ່ເພື່ອນມາຊ່ອຍ. ຂ້າພະເຈົ້າເຫັນວ່າ, ລັດຖະບານຄວນໃຫ້ທຶນອຸດໜູນແກ່ຜູ້ກຳກັບການສະແດງທີ່ໜຸ່ມນ້ອຍແລະຮູບເງົາຂອງຈີນ."
ຫວ່າງມໍ່ໆນີ້, ຮູບເງົາເລື່ອງອັສເປຍລີນໄດ້ນຳອອກສາຍຢູ່ໃນໂຮງຮູບເງົາບາງແຫ່ງຂອງຈີນ, ໄດ້ດູດດຶງຊາວໜຸ່ມເພດຍິງໃນເມືອງບໍ່ໜ້ອຍໄປເບິ່ງ. ເນື້ອໃນບາງຕອນໃນຮູບເງົາໄດ້ພາໃຫ້ພວກນາງກະຕຸ້ນໃຈຫຼາຍ, ແຕ່ເວົ້າລວມແລ້ວ, ຄົນໄປເບິ່ງຍັງບໍ່ຫຼາຍປານໃດ. ນີ້ແມ່ນປະສົບການທີ່ຄືກັນຂອງຮູບເງົາປະເພດສິລະປະທີ່ລົງທຶນໜ້ອຍຂອງຈີນ. ຈັ່ງໃດກໍຕາມ, ນາງເມີຍທິງກັບທ່ານອຽນໂປ່ບໍ່ກິນແໜງທີ່ລົງທຶນສ້າງຮູບເງົາຂອງພວກເພິ່ນເອງ, ຈັ່ງໃດກໍດີ, ພວກເພິ່ນທົດລອງຢ່າງກ້າຫານແລະໄດ້ເຮັດເລື່ອງທີ່ຕົນມັກ.
ປັດຈຸບັນ, ທ່ານອຽນໂປ່ພວມກຽມສ້າງຟີມເລື່ອງໃໝ່, ລະຄອນໂທລະພາບເລື່ອງ"ຈັ່ງໃດເຈົ້າກໍຕ້ອງມີຄວາມສຸກ"ທີ່ນາງເມີຍທິງເປັນນາງເອກນັ້ນພວມຖ່າຍທຳຢູ່. ເມື່ອນັກຂ່າວ ຖາມວ່າ, ນາງເມີຍທິງຈະເປັນຕົວສະແດງແນວໃດບໍ່ໃນຮູບເງົາຂອງທ່ານອຽນໂປ່ເລື່ອງໃໝ່ນັ້ນ, ນາງເວົ້າວ່າ, ໃນເວລາສອງຜົວເມຍຮ່ວມມືກັນໃນຟີມເລື່ອງໜຶ່ງນັ້ນ, ເຖິງວ່າບາງທີກໍຮູ້ໃຈກັນດີ, ແຕ່ບາງທີກໍຜິດຖຽງກັນແລະຂັດແຍ່ງກັນ, ສະນັ້ນ, ນາງເມີຍທິງເວົ້າວ່າ, ຄວາມຮູ້ສຶກຂອງນາງດຽວນີ້ແມ່ນຢາກສະແດງ, ທັງຢ້ານສະແດງ.
ແຟນຮູບເງົາທັງຫຼາຍແລະສື່ມວນຊົນໃຫ້ຄວາມສົນໃຈນຳຮູບເງົາມຂອງທ່ານອຽນໂປ່ແລະນາງເມີຍທິງ, ພ້ອມນັ້ນ, ກໍສົນໃຈນຳຊີວິດສ່ວນຕົວຂອງພວກເພິ່ນ. ນາງເມີຍທິງເວົ້າວ່າ, ເມື່ອໄດ້ຮ່ວມຊີວິດມາ 4 ປີແລ້ວ, ຄວາມຫວານຊື່ນອາດຈະໜ້ອຍລົງເປັນຂອງທຳມະດາ, ສະນັ້ນ, ຕ່າງຄົນຕ່າງກໍຄວນຄິດເຫັນຍາມຫາກໍແຕ່ງງານໃໝ່ໆ, ປະຕິບັດຕໍ່ກັນໃຫ້ດີໆ.
(ຈົບ)
1 2 3
|
|
