ຢູ່ສະໜາມຫຼວງກາງສວນເຜົ່າມົ້ງ,ໄດ້ຕັ້ງເສົາເຫຼັກທີ່ປະກອບດ້ວຍມີດແຫຼມຄົມ72ດວງ,ເຜົ່າມົ້ງເອີ້ນເສົາເຫຼັກນີ້ເປັນ"ພູມີດ",ປີນພູມີດດ້ວຍຕີນເປົ່າແມ່ນລາຍການທີ່ຫວາດສຽວທີ່ສຸດໃນລາຍການກິລາຕ່າງໆຂອງເຜົ່າມົ້ງ.
"ຕາມຈັງຫວະສຽງກອງສຽງຄ້ອງ,ຜູ່ຊາຍເຜົ່າມົ້ງທີ່ອາຍຸປະມານ30ປີເລີ່ມປີນພູມີດ.ເພິ່ນບໍ່ຢ້ານຈັກເມັດ,ແຕ່ລະບາດຢຽບມີດຢ່າງໜັກແໜ້ນ.ໃນເວລາປີນ,ຍັງເຮັດກິລິຍາທ່າທາງທີ່ຫວາດສຽວຄືຢຽບຂາດຽວ,ຫ້ອຍຕົວ ເອົາຫົວຢ່ອນລົງມາເປັນຕົ້ນ,ອັນໄດ້ພາໃຫ້ຜູ່ຊົມກໍ່ເຫື່ອແຕກນຳຍ້ອນຄວາມຫວາດສຽວ.ບຶດດຽວ,ຜູ່ຊາຍເຜົ່າມົ້ງຜູ່ນີ້ກໍໄດ້ປີນຂຶ້ນຈອມພູມີດຢ່າງສະບາຍ."
ເຕັ້ນກະທົບໄມ້
ໃນຂະນະທີ່ພວກເຮົາຊົມລາຍການປີນພູມີດຂອງເຜົ່າມົ້ງ,ຢູ່ສວນຊົນເຜົ່າຈີນຍັງໄດ້ຈັດໃຫ້ມີລາຍການກິລາອື່ນໆໄປພ້ອມ.ຕົວຢ່າງຄືການເຕັ້ນກະທົບໄມ້ຂອງເຜົ່າຈິງໂພ,ມວຍປ້ຳຂອງເຜົ່າມົງໂກນເປັນຕົ້ນ.ລາຍການກິລາເຫຼົ່ານີ້ບໍ່ພຽງແຕ່ແມ່ນຊົນເຜົ່າສ່ວນໜ້ອຍຫຼິ້ນເອງທໍ່ນັ້ນ,ຍັງໄດ້ເຊີນນັກທ່ອງທ່ຽວໄປເຂົ້າຮ່ວມຫຼິ້ນນຳ.
ເຕະດອກປີກໄກ່
ຍັງອີກສອງປີຈະຮອດເວລາເປີດສາກງານກິລາໂອລິມປິກປັກກິ່ງ,ຊົນເຜົ່າສ່ວນໜ້ອຍໃນສວນຊົນເຜົ່າຈີນພັດອົດຖ້າບໍ່ໄດ້ແລ້ວ,ພວກເຂົາເຈົ້າຫວັງຢາກຜ່ານຈາກການສະແດງວັດທະນະທຳກິລາຊົນເຜົ່າຂອງໃຜລາວມາລະບາຍຄວາມຄອງຄອຍຕໍ່ງານກິລາໂອລິມປິກ.
ຕີໝາກຂ່າງ
ບ່າວເຜົ່າວາບອກວ່າ: "ງານກິລາໂອລິມປິກປັກກິ່ງຈັດໃນປີ2008,ຈີນສະເໜີຂໍເປັນເຈົ້າພາບຈັດງານກິລາໂອລິມປິກສຳເລັດຜົນເປັນເທື່ອທຳອິດ,ແນ່ນອນແລ້ວ,ພວກເຮົາຮູ້ສຶກດີໃຈຫຼາຍແລະກໍມີຄວາມຄອງຄອຍຫຼາຍ,ຖ້າມີໂອກາດ,ເຜົ່າວາພວກເຮົາກໍຢາກເຂົ້າຮ່ວມງານກິລາໂອລິມປິກ."
ສາວເຜົ່າປາຍເວົ້າວ່າ: ພວກເຮົາສຸດທີ່ຄອງຄອຍງານກິລາໂອລິມປິກຈະມາເຖິງ,ພວກເຮົາຫວັງຢາກສະແດງລາຍການກິລາໃຫ້ຫຼາຍ,ສະແດງສິ່ງທີ່ມີສີສັນພິເສດຂອງເຜົ່າປາຍໃຫ້ຫຼາຍເພື່ອຕ້ອນຮັບງານກິລາໂອລິມປິກ.
ບ່າວສາວເຜົ່າມົງໂກນໄດ້ຮ້ອງຄຳຂວັນວ່າ: ປັກກິ່ງຍິນດີຕ້ອນຮັບທ່ານ.
1 2 3
|
