|
ຢູ່ເທິງຈ້າຍພູ,ມີແທ່ນທີ່ມີເນື້ອທີ່1600ຕາແມັດແຫ່ງໜຶ່ງ, ແມ່ນບ່ອນສຳລັບພະດາໄລລາມາທຸກອົງຊົມເບິ່ງງານຮ້ອງຟ້ອນ,ມີຊື່ວ່າ"ເຕີຢາງເຊ້ຍ".ຈາກນີ້ຂຶ້ນຂັ້ນໄດຜ່ານລະບຽງຕ໋າຊົ່ງເກີໂຄ້,ກໍ່ຮອດຫໍໂຮງໃຫຍ່ຕາເວັນອອກ ເຊິ່ງເປັນຫໍໂຮງໃຫຍ່ກວ່າໝູ່ຂອງວັງຂາວ.ມີຂໍ້ມູນປະຫວັດສາດບັນທຶກໄວ້ວ່າ,ນັບແຕ່ສົມເດັດຊຸ້ນເຈົ້າຊີວິດລາຊະວົງເຊັ່ງພະລາຊະທານຍົດຖາບັນດາສັກພະດາໄລລາມາອົງທີ5ດ້ວຍພະລາຊະໂອງການຄຳແລະກາປະທັບຄຳໃນປີ1653ເປັນຕົ້ນມາ,ພະດາໄລລາມາກັບຊາດມາເກີດລ້ວນແຕ່ກໍ່ຕ້ອງໄດ້ຮັບການພະລາຊະໂອງການແຕ່ງຕັ້ງຈາກລັດຖະບານຢ່າງເປັນທາງການ,ແລະໃຫ້ເສນາບໍດີປະຈຳຕິເບດເປັນປະທານຈັດພິທີຂຶ້ນແທ່ນແລະວ່າລາຊະການໂດຍຕົນເອງເປັນຕົ້ນ.ບ່ອນນີ້ກໍ່ແມ່ນສະຖານທີ່ຈັດການເຄື່ອນໄຫວສາດສະໜາແລະການເມືອງອັນສຳຄັນ ເຊັ່ນ,ພິທີຂຶ້ນແທ່ນແລະວ່າລາຊະການໂດຍຕົນເອງຂອງພະດາໄລລາມາທຸກອົງເປັນຕົ້ນ.
ວັງແດງແມ່ນຫໍໂຮງທາດບັນຈຸສົບຂອງພະດາໄລລາມາແລະວິຫານຊະນິດຕ່າງໆ,ລວມມີທາດບັນຈຸສົບ8ໜ່ວຍ,ໃນນັ້ນ,ທາດຂອງພະດາໄລລາມາອົງທີ5ແມ່ນໜ່ວຍທຳອິດ,ກໍ່ແມ່ນໜ່ວຍໃຫຍ່ກວ່າໝູ່.ຕາມບັນທຶກໄວ້ວ່າ,ເພື່ອໂດບທາດບັນຈຸສົບນີ້ກໍ່ໄດ້ໃຊ້ຄຳ1ແສນ1ໝື່ນ9ພັນຕຳລືງ, ພະສົບຂອງພະດາໄລລາມາທີ່ໄດ້ກັນເໜົ່າແລ້ວກໍ່ເກັບໄວ້ຢູ່ໃນທາດນີ້.
ໃນຕົ້ນເດືອນທັນວາປີ1994,ວັງໂປຕາລາເມືອງລາຊາເຂດຕິເບດໄດ້ຈັດເປັນ"ມໍລະດົກໂລກ".
ວັງໂປຕາລາໃນສາຍຕາຂອງຄົນທັງຫຼາຍໃນປັດຈຸບັນ,ບໍ່ວ່າຮູບການກໍ່ສ້າງທີ່ເອົາໄມ້ແລະຫີນສະຫຼັບສັບປົນກັນ,ຫຼືວ່າເນື້ອໃນວັດທະນະທຳທີ່ແຝງຊ້ອນຢູ່ໃນວັງ,ລ້ວນແຕ່ເຮັດໃຫ້ຄົນຮູ້ສຶກເຖິງເອກະລັກພິເສດຂອງວັງ,ສາມາດເຮັດໃຫ້ຄົນທີ່ເຄີຍໄປແຫ່ງນັ້ນມີພາບປະທັບໃຈທີ່ລືມບໍ່ລົງ.ກຳແພງຫີນກຼານິດທີ່ເປັນເອກະພາບກັນ,ຫຼັງຄາເຮັດດ້ວຍໄມ້ຊາຍຄາເຮືອນທີ່ງໍຂຶ້ນ,ກະເບື້ອງທີ່ເຄືອບດ້ວຍຄຳທັງໝົດ,ພ້ອມດ້ວຍຫຼັງຄາທີ່ເອ້ດ້ວຍເສົ້າລີລາທີ່ແກະສະຫຼັກພະນາມຂອງພະພຸດທະເຈົ້າພ້ອມດ້ວຍຫຼັກທຳຄຳສອນຂອງພະອົງ,ແກ້ວວິເສດ,ປານົກປີກຄຳ,ແລະອື່ນໆ,ສິ່ງເຫຼົ່ານີ້ປະສານສົມທົບກັນຢ່າງຈົບງາມເຮັດໃຫ້ທົ່ວວັງງາມສະຫງ່າທີ່ສຸດ.ຮູບແຕ້ມຝາພະໜັງໃນຫໍໂຮງແມ່ນທິວທັດພິເສດຂອງວັງໂປຕາລາ,ໃນລະບຽງສິປະລະຮູບແຕ້ມແຜ່ນມະຫາສານແຫ່ງນີ້,ໄດ້ບັນທຶກປະຫວັດການຂະຫຍາຍຕົວຂອງພຸດທະສາດສະໜາຢູ່ຕິເບດ,ທັງໄດ້ບັນທຶກຊີວະປະຫວັດຂອງພະດາໄລລາມາອົງທີ5, ເຈົ້າຍິງເວີນເຊີງເຂົ້າຕິເບດແນວໃດ,ຍັງມີຮູບພາບສິ່ງກໍ່ສ້າງບູຮານຂອງຕິເບດແລະພະພຸດທະຮູບຢ່າງຫຼວງຫຼາຍພາຍມາກເປັນຕົ້ນ,ສົມຊື່ເປັນຮູບແຕ້ມປະຫວັດສາດອັນລ້ຳຄ່າ.
ວັງໂປຕາລາມີເອກະລັກພິເສດທັງສັກສິດ,ເພາະວ່າເມື່ອເວົ້າເຖິງວັງໂປຕາລາຄົນທັງຫຼາຍກໍ່ຈະຄິດເຖິງຕິເບດໂລດ.ໃນໃຈຂອງຄົນທັງຫຼາຍ,ສະຖາປັດຕະຍະກຳບູຮານທີ່ສະແດງໃຫ້ເຫັນສະຕິປັນຍາຂອງປະຊາຊົນຜູ່ອອກແຮງງານເຜົ່າຕິເບດແລະໄດ້ເຫັນການແລກປ່ຽນວັດທະນະທຳລະຫວ່າງເຜົ່າຮ້ານກັບເຜົ່າຕິເບດນັ້ນ,ໄດ້ກາຍເປັນສັນຍະລັກຂອງເຜົ່າຕິເບດຢ່າງເດັດຂາດ,ຍ້ອນຄວາມສະຫງ່າຜ່າເຜີຍແລະຖານະທີ່ເປັນແດນສັກສິດຂອງພຸດທະສາດສະໜານິກາຍຕິເບດ.
ສຸດທ້າຍຂໍຈັດເພງມ່ວນໆເພງໜຶ່ງສູ່ທ່ານຟັງ,ເພງນີ້ຊື່ວ່າ"ຊ່ານເຊີ່ງໂຢຊີ້ງ",ແປວ່າ"ໂຊກດີ3ຊາດ",ຂອບໃຈທ່ານຮັບຟັງ.
1 2 3
|
