|
|
 |
| (GMT+08:00)
2006-09-21 15:01:06
|
 |
|
ຊາວບ້ານໃນໜອງປາຍຢາງຕ້ຽນ
cri
Author: da
ນອກຈາກເບິ່ງຕົ້ນອໍ້ແລ້ວ,ສວນດອກບົວໜອງປາຍຢາງຕ້ຽນກໍເປັນແຫ່ງໜຶ່ງທີ່ໜ້າໄປທ່ຽວເຊັ່ນດຽວກັນ.ລະດູຮ້ອນແມ່ນຍາມດອກບົວບານເຮື່ອເຮືອງ.ນ້ຳໜອງສ່ວນຫຼາຍຖືກປູກຕົ້ນບົວໃສ່,ໃບບົວປູຢູ່ເທິງໜ້າໜອງ,ເມື່ອລົມພັດມາ,ດອກບົວໂອນໄປເອນມາຕາມລົມ.ຢູ່ຕາມໜອງດອກບົວ ມີທາງນ້ອຍທີ່ປູດ້ວຍກ້ອນຫີນ,ໃຫ້ນັກທ່ອງທ່ຽວຍ່າງຫຼິ້ນແລະຖ່າຍຮູບ.ທາງນ້ອຍຖືກປົກຄຸມດ້ວຍໃບບົວແລະດອກບົວ,ເມື່ອຄົນຍ່າງຜ່ານເສັ້ນທາງນີ້ຈະຮູ້ສຶກເໝືອນກັບພວມຍ່າງຕາມສວນດອກໄມ້.
ຢູ່ໃນໜອງນີ້ມີດອກບົວປະເພດໜຶ່ງຊື້ວ່າ"ປີ້ງຕີ້ລຽນ"ແປວ່າ"ດອກບົວຝາແຝດ",ພິເສດຫຼາຍ ຄືຢູ່ເທິງກ້ານບົວກ້ານໜຶ່ງມີດອກບົວສອງດອກ.ດອກບົວປະເພດນີ້ ລ້ຳຄ່າຫຼາຍ.ຢູ່ຈີນ ດອກບົວຝາແຝດໝາຍເຖິງຜົວເມຍຮັກກັນຫຼາຍແລະຈະບໍ່ຍອມພັດພາກຈາກກັນຈັກເທື່ອ.ນາງເຢິນລີ້ ຜູ່ນຳທ່ຽວເວົ້າວ່າ,ສຳລັບຄວາມເປັນມາຂອງດອກບົວປະເພດນີ້,ມີນິທານຄວາມຮັກທີ່ສະເທືອນໃຈເລົ່າລືກັນຢູ່ແຫ່ງນີ້.
"ແຕ່ກີ້ແຕ່ກ່ອນ ຢູ່ແຫ່ງນີ້ມີຜູ້ຊາຍຄົນໜຶ່ງຊື່ວ່າ"ສຸຍເສີ່ງ",ເມຍລາວງາມຫຼາຍເໝືອນດັ່ງດອກໄມ້.ໃນບ້ານມີຄົນຊົ່ວຜູ້ໜຶ່ງໄດ້ຂົ່ມຂືນເມຍສຸຍເສິ່ງໃນຍາມສຸຍເສິ່ງອອກໄປຫາປາ,ເມຍສຸຍເສິ່ງຈຶ່ງໄປໂດດນ້ຳຕາຍ.ເມື່ອໄດ້ຍິນຂ່າວນີ້ ສຸຍເສິ່ງຄຽດແຄ້ນທີ່ສຸດ ຈຶ່ງໄປຂ້າຄົນຊົ່ວຜູ້ນີ້ຕາຍ ແລ້ວກໍໄປໂດດນ້ຳຕາຍຕາມເມຍ.ພາຍຫຼັງມາ ຢູ່ບ່ອນທີ່ເຂົາເຈົ້າໂດດນ້ຳຕາຍໄດ້ເກີດຕົ້ນບົວຕົ້ນໜຶ່ງ,ກ້ານໜຶ່ງມີສອງດອກ,ຄົນທັງຫຼາຍຈິ່ງຕັ້ງຊື່ເປັນ"ປີ້ງຕີ້ລຽນ",ໝາຍເຖິງດອກບົວຝາແຝດ,ຂໍໃຫ້ຄູ່ຮັກຢູ່ນຳກັນຕະຫຼອດຊີວິດ."
1 2 3
|
|
|
