ຫນຸ່ມໃຫຍ່:ພັກຜ່ອນຢ່ອນອາລົມຟັງເພງຜ່ານໄປແລ້ວ, ຍິນດີຕ້ອນຮັບທ່ານກັບຄືນສູ່ບັນຍາກາດຂອງລາຍການຫ້ອງດົນຕີ 93 ຕໍ່.ໃນລາຍການມື້ນີ້, ຫນຸ່ມໃຫຍ່ກັບວັນນີພວມເລົ່າເລື່ອງຂອງເຈຊີ ໂອເວີສ ນັກກິລາແລ່ນແລະລານທີ່ມີຊື່ສຽງຂອງອາເມລິກາສູ່ຟັງ.
ວັນນີ:ເຈົ້າ, ກ່ອນຟັງເພງ,ພວກເຮົາໄດ້ເລົ່າກັນວ່າ, ໂອເວີສຊິງໄດ້ຫລຽນຄຳສີ່ຫລຽນໃນການແຂ່ງຂັນ 100 ແມັດ 200 ແມັດ ເຕັ້ນໄກແລະການແລ່ນຕໍ່ 4*100 ໃນງານກິລາໂອລິມປິກທີ່ຈັດຂຶ້ນຢູ່ແບກແລງໃນປີ 1936.
ຫນຸ່ມໃຫຍ່:ອັນນີ້ກໍ່ຖືວ່າແມ່ນຜົນງານທີ່ດີທີ່ສຸດແລ້ວ.ແຕ່ຄວາມອັດສະຈັນຂອງໂອເວີສຊ້ຳພັດເຮັດໃຫ້ພວກນາຊີຂອງເຢຍລະມັນທີ່ເປັນເຈົ້າພາບຈັດງານກິລາໂອລິມປິກຄັ້ງນັ້ນຄຽດແຄ້ນທີ່ສຸດ.ເພາະວ່າຮິກເລີ ຜະເດັດການຟິຊິດສຸດທິຢາກສວຍໃຊ້ງານໂອລິມປິກຄັ້ງນັ້ນມາສະແດງໃຫ້ເຫັນຄວາມດີເດັ່ນຂອງຊົນເຜົ່າອີມານ,ແຕ່ນັກກິລາຄົນຜິວດຳຜູ່ຫນຶ່ງຊ້ຳພັດໄດ້ຮັບຜົນງານທີ່ປະຈັກຕາຄົນທັງຫລາຍ,ອັນນີ້ກໍ່ບໍ່ຕ່າງຫຍັງກັບການຍົກກ້ອນຫີນມາທັບຕີນຕົນເອງ.ໂດຍສະເພາະໃນການແຂ່ງຂັນການເຕັ້ນທີ່ດຸເດືອດ,ຮິດເລີໄດ້ໄປເບິ່ງການແຂ່ງຂັນຢູ່ກັບສະຫນາມ,ແຕ່ໂອເວີສກໍ່ເອົາຊະນະນັກກິລາເຢຍລະມັນທີ່ມີຫວັງຮັບໄຊຊະນະນັ້ນ,ຮິດເລີກໍ່ເສຍສະຕິໃຈເຢັນ,ຫນີອອກຈາກສະຫນາມກິລາດ້ວຍໃຈຮ້າຍ,ປະຕິເສດບໍ່ເຂົ້າຮ່ວມພິທີມອບລາງວັນແລະຈັບມືອວຍພອນຜູ່ໄດ້ແຊມ.ປະທານຄະນະກຳມະການງານກິລາໂອລິມປິກສາກົນໃນຄາວນັ້ນຕິຕຽນວ່າ, ຖ້າຮິດເລີດູຫມິ່ນນັກກິລາຄົນຜິວດຳ,ກໍ່ຍົກເລີກພິທີມອບລາງວັນ,ເມື່ອຄົນເຢຍລະມັນໄດ້ຮັບແຊມ,ກໍ່ບໍ່ໃຫ້ຈັດພິທີມອບລາງວັນຄືກັນ.ພາຍຫລັງມາ, ເມື່ອຕອບຄຳຖາມຂອງນັກຂ່າວ, ໂອເວີສກໍ່ຕອບວ່າ: ຂ້ອຍມາແບກແລງບໍ່ແມ່ນເພື່ອຢາກຈັບມືກັບຜູ່ໃດຜູ່ຫນຶ່ງ, ຂ້ອຍມາແມ່ນເພື່ອຊິງໄດ້ແຊມ,ຈຸດປະສົງຂອງຂ້ອຍໄດ້ບັນລຸຜົນເປັນຈິງແລ້ວ,ກໍ່ພໍແລ້ວ.ຈາກນີ້ພວກເຮົາກໍ່ເຫັນໄດ້ວ່າ, ໂອເວີສບໍ່ພຽງແຕ່ຊິງໄດ້ແຊມທໍ່ນັ້ນ,ຍັງຊິງໄດ້ກຽດສັກສີ.ຄຸນສົມບັດດ້ານກິລາແລະບຸກຄະລິກຂອງນັກກິລາທີ່ດີພ້ອມດ້ວຍນິດໃສທີ່ດີຕໍ່ຫມົດທຸກຄົນ,ເຮັດໃຫ້ໂອເວີສກາຍເປັນຄົນທີ່ໄດ້ຮັບຄວາມເຄົາລົບນັບຖືຈາກນັກກິລາທົ່ວໂລກ.
ວັນນີ:ໃນງານກິລາໂອລິມປິກແບກແລງຄັ້ງນີ້,ຍັງເກີດມີເລື່ອງຫນຶ່ງທີ່ກະຕຸ້ນໃຈຄົນຫລາຍ.ໃນສີ່ລາຍການທີ່ໂອເວີສເຂົ້າຮ່ວມນັ້ນ, ມີແຕ່ລາຍການດຽວ,ມີນັກກິລາເຢຍລະມັນທີ່ດີເລີດທີ່ສາມາດແຂ່ງຂັນກັບໂອເວີສ,ນັ້ນກໍ່ແມ່ນລຸສລັງໃນເຂົ້າຮ່ວມການແຂ່ງຂັນເຕັ້ນໄກ,ຮິດເລີເຄີຍພົບກັບລຸສລັງ,ແລະຮຽກຮ້ອງໃຫ້ລຸສລັງຕ້ອງເອົາຊະນະໂອເວິສ.
ຫນຸ່ມໃຫຍ່:ໃນເວລາແຂ່ງຂັນການເຕັ້ນໄກ,ຮິດເລີໄປຊົມຢູ່ກັບສະຫນາມກິລາ, ລຸສລັງໄດ້ເຂົ້າສູ່ຮອບຊິງຊະນະເລີດຢ່າງສະດວກ,ແຕ່ສຽງດູຫມິ່ນເຊື້ອຊາດຢູ່ແທ່ນຊົມນັ້ນເຮັດໃຫ້ໂອເວີສຮູ້ສຶກເຄັ່ງຕຶງຫລາຍ, ຈິ່ງເຕັ້ນເທື່ອທີຫນຶ່ງແລະທີສອງກໍ່ບໍ່ສົມປາຖະຫນາ,ຮອດເທື່ອສຸດທ້າຍ,ລາວກໍ່ລັງເລໃຈຫລາຍ.ຮິດເລີເຫັນແລ້ວກໍ່ຄິດວ່າໂອເວິສບໍ່ມີຫວັງເຂົ້າສູ່ຮອບຊິງຊະນະເລີດແລ້ວ, ກໍ່ຖອນອອກຈາກສະຫນາມກິລາ.ໃນເວລາຮິດເລີໄປແລ້ວ, ລຸສລັງຍ່າງເຂົ້າໃກ້ໂອເວີສ,ບອກດ້ວຍພາສາອັງກິດທີ່ບໍ່ລຽນໄຫລປານໃດວ່າ,ມີເຄັດລັບນ້ອຍໆອັນຫນຶ່ງ,ຈະເຮັດໃຫ້ໂອເວີສເຕັ້ນໄດ້.ໂອເວີສກໍ່ເຣັດຕາມ,ຈິ່ງໄດ້ຮັບຜົນງານດີເດັ່ນ.
ວັນນີ:ໃນການແຂ່ງຂັນຮອບຊິງຊະນະເລີດ,ລຸສລັງເຕັ້ນອອກ,ໄດ້ຣັບຜົນງານທີ່ມ້າງສະຖິຕິໂລກ,ແຕ່ພາຫຍັຍລັງມາ,ໂອເວີສກໍ່ເອົາຊະນະລຸສລັງດ້ວຍທ່າແຮງເລັກນ້ອຍ.ເຮັດໃຫ້ຮິດເລີຜິດຫວັງຫລາຍ,ຜູ່ຊົມເຢຍລະມັນກໍ່ມີອາລົມຕ່ຳລົງ,ໃນເວລານີ້,ລຸສລັງໄດ້ຈຸງແຂນໂອເວີສ,ແລ່ນໄປຮອດຕໍ່ຫນ້າຊາວເຢຍລະມັນ 1 ແສນ 2 ຫມື່ນຄົນທີ່ຢູ່ແທ່ນຊົມ,ແລ້ວຍົກແຂນໂອເວີສຂຶ້ນ,ຮ້ອງວ່າເຈຊີ ໂອເວີສ ເຈຊີໂອເວີສຂຶ້ນ.ຢູ່ແທນຊົມໄດ້ມິດໄປຫນ້ອຍຫນຶ່ງແລ້ວ, ກໍ່ມີສຽງຮ້ອງດັງຂຶ້ນ,ຜູ່ຊົມພາກັນເອີ້ນຊື່ເຈຊີໂອເວີສເຈຊີໂອເວີສ,ສ່ວນໂອເວີສກໍ່ຍົກແຂນອີກເບື້ອງຫນຶ່ງຂຶ້ນ,ເພື່ອສະແດງຄວາມຂອບໃຈ.ເມື່ອຜູ່ຊົມມິດ,ໂອເວີສກໍ່ຍົກແຂນລຸສລັງຂຶ້ນແລະຮ້ອງຊື່ລຸສລັງຂຶ້ນດ້ວຍສຽງດັງໆ,ຜູ່ຊົມກໍ່ພາກັນຮ້ອງດັງຂຶ້ນ. ບໍ່ມີການເມືອງທີ່ປິດລັບ, ບໍ່ມີການດຸຫມິ່ນເຊື້ອຊາດ,ນັກກິລາແລະຜູ່ຊົມລ້ວນແຕ່ຊົມໃຊ້ການກິລາທີ່ແທ້ຈິງ.
1 2 3 4
|
