ຫນຸ່ມໃຫຍ່:ຟັງເພງຜ່ານໄປແລ້ວ, ຫນຸ່ມໃຫຍແລະວັນນີກໍ່ຍັງເປັນຫມູ່ກັບທ່ານຢູ່ໃນລາຍການຫ້ອງດົນຕີ 93 ຄືເກົ່າ.ທ່ານຜູ່ຟັງທີ່ຕິດຕາມຮັບຟັງລາຍການພວກເຮົານີ້ໂດຍຕະຫລອດນັ້ນອາດຈະໄດ້ຮູ້ແລ້ວວ່າ, ເພື່ອໃຫ້ທ່ານມີສ່ວນຮ່ວມກັບລາຍການນີ້,ໃຫ້ມີຄົນຫລາຍກວ່າເກົ່າສົນໃຈນຳງານກິລາໂອລິມປິກປັກກິ່ງ, ພວກເຮົາໄດ້ຈັດເອົາກິດຈະກຳຕອບຄຳຖາມໄດ້ລາງວັນໃນລາຍການຫ້ອງດົນຕີ 93 ທີ່ອອກອາກາດໃນທຸກໆຕອນແລງວັນພຸດແລະຕອນທ່ຽງວັນພະຫັດ,ແຕ່ລະສາມເດືອນເປັນໄລຍະຫນຶ່ງ,ໃນໄລຍະນີ້ ພວກເຮົາໄດ້ວາງຄຳຖາມຫນຶ່ງອອກມາ,ຈາກຜູ່ຟັງທີ່ຕອບຖືກຕ້ອງນັ້ນ,ພວກເຮົາຈະເລືອກເອົາຜູ່ຫນຶ່ງເປັນຜູ່ໂຊກດີທີ່ຈະໄດ້ຮັບລາງວັນຂອງພວກເຮົາຄື ປື້ມສະແຕມງານກິລາໂອລິມປິກປັກກິ່ງເຫລັ້ມຫນຶ່ງ.
ວັນນີ:ເຈົ້າແມ່ນແລ້ວ,ສ່ວນໃນກິດຈະກຳທີ່ຈັດຂຶ້ນແຕ່ເດືອນກໍລະກົດຫາເດືອນກັນຍາທີ່ຫາກໍ່ຜ່ານໄປນັ້ນ, ຄຳຖາມທີ່ພວກເຮົາວາງອອກນັ້ນແມ່ນ ປັກກິ່ງໄດ້ຮ້ອງຂໍເປັນພາບເຈົ້າຈັດງານກິລາໂອລິມປິກປັກກິ່ງໃນວັນທີ ເດືອນແລະປີໃດ?ຜູ່ຟັງຫລາຍໆທ່ານກໍ່ໄດ້ສົ່ງຄຳຕອບທີ່ຖືກຕ້ອງມາແລ້ວ,ນັ້ນກໍ່ຄື ວັນທີ 13 ກໍລະກົດປີ 2001 ປັກກິ່ງຮ້ອງຂໍເປັນເຈົ້າພາບຈັດງານກິລາ ໂອລິມປິກປີ 2008. ຜູ່ໂຊກດີທີ່ໄດ້ຮັບລາງວັນໃນກິດຈະກຳຕອບຄຳຖາມໄດ້ລາງວັນໄລຍະທີຫນຶ່ງນັ້ນກໍ່ຄື ທ່ານພູທອນ ພົງສະຫວັນ ບໍລິສັດນ້ຳມັນເຊື້ອໄຟລາວ ຫລັກ 7 ຖະຫນົນໄກສອນພົມວິຫານ ນະຄອນຫລວງວຽງຈັນ ຕູ້ໄປສະນີ 1642.
ຫນຸ່ມໃຫຍ່:ນະທີ່ນີ້ ຫນຸ່ມໃຫຍ່ຂໍບອກທ່ານພູທອນ ພົງສະຫວັນວ່າ, ເດືອນພະຈິກປີນີ້ ພະນັກງານຂອງພະແນກພາສາລາວພວກເຮົາຈະໄປຈັດກິດຈະກຳສະເຫລີມສະຫລອງການໄຂວິທະຍຸ cri fm 93mhz ຢູ່ນະຄອນຫລວງວຽງຈັນ, ສະນັ້ນ ພວກເຮົາກໍ່ຕົກລົງຈະໃຫ້ພະນັກງານພວກເຮົາເອົາລາງວັນໄປນຳ,ເພື່ອມອບໃຫ້ທ່ານໃນກິດຈະກຳສະເຫລອງທີ່ພວກເຣົາຈະຈັດຢູ່ວຽງຈັນພີ້.ຂໍໃຫ້ທ່ານຈົ່ງລໍຖ້າດ້ວຍຄວາມໃຈເຢັນໆແດ່.
ວັນນີ:ສ່ວນຜູ່ທີ່ໄດ້ສົ່ງຄຳຕອບອັນຖືກຕ້ອງມາແຕ່ບໍ່ໄດ້ຮັບລາງວັນນັ້ນ, ທ່ານກໍ່ຢ່ານ້ອຍໃຈ,ເພາະວ່າທ່ານຍັງມີໂອກາດຢູ່.ເລີ່ມແຕ່ເດືອນຕຸລານີ້ຈົນຮອດເດືອນທັນວາປີນີ້, ພວກເຮົາກໍ່ໄດ້ຈັດກິດຈະກຳຕອບຄຳຖາມໄດ້ລາງວັນອີກ ເຊິ່ງເປັນກິດຈະກຳໄລຍະທີສອງ, ຄຳຖາມໃນໄລຍະນີ້ແມ່ນ:ປັກກິ່ງຈະຈັດງານກິລາໂອລິມປິກຄັ້ງທີ 29 ໃນວັນທີ ເດືອນ ແລະປີໃດ?.ຜູ່ຟັງທີ່ຮູ້ຄຳຕອບນີ້ກໍ່ສົ່ງມາໃຫ້ພວກເຮົາໄດ້ດ້ວຍຫລາຍໆວິທີ ຄື ໂທລະສັບ 0086-10-68892147/2148/2192 ອີເມຣ laocri@yahoo.com.cn ຂໍ້ຄວາມສັ້ນ 2430000
ຫນຸ່ມໃຫຍ່:ເດືອນຕຸລານີ້ຫາກໍ່ຜ່ານໄປສິບກວ່າມື້, ຜູ່ຟັງບາງທ່ານກໍ່ມີກິລິຍາຢ່າງວ່ອງໄວ,ໄດ້ສົ່ງຄຳຕອບທີ່ຖືກຕ້ອງມາໃຫ້ພວກເຮົາແລ້ວ,ຄື ປັກກິ່ງຈະຈັດງານກິລາໂອລິມປິກຄັ້ງທີ 29 ໃນວັນທີ 8 ສິງຫາປີ 2008.ຫນຸ່ມໃຫຍ່ໄດ້ເຫັນຊື່ຂອງຜູ່ຟັງທີ່ສົ່ງຄຳຕອບມານັ້ນມີ ນາງຈັນເພັດ ອິນໄຈ ແລະເຈົ້າຂອງມືຖືຫມາຍເລກ 020-7882753 ແລະເຈົ້າຂອງມື້ຖືຫມາຍເລກ 020-7809512 ,ແຕ່ຫນຸ່ມໃຫຍ່ກໍ່ຢາກບອກຜູ່ທີ່ສົ່ງຂໍ້ຄວາມສັ້ນມາໃຫ້ພວກເຮົານັ້ນວ່າ, ຄວນຂຽນຊື່ແລະທີ່ຢູ່ແທ້ຈິງຂອງທ່ານມາພ້ອມ,ພວກເຮົາຈິ່ງສາມາດສົ່ງລາງວັນໃຫ້ເຖີງທ່ານໄດ້.
ວັນນີ:ແມ່ນແລ້ວ, ຟັງການແນະນຳຂອງພວກເຮົາແລ້ວ, ບໍ່ຮູ້ວ່າທ່ານກໍ່ສົນໃຈນຳກິດຈະກຳນີ້ບໍ່?ຜູ່ທີ່ສົນໃຈກໍ່ຟ້າວມາເຂົ້າຮ່ວມແດ່.ຢາລືມ:ຄຳຖາມຂອງພວກເຮົາໃນໄລຍະນີ້ແມ່ນ ປັກກິ່ງຈະຈັດງານກິລາໂອລິມປິກຄັ້ງທີ 29 ໃນວັນທີ ເດຶອນແລະປີໃດ?
ຫນຸ່ມໃຫຍ່:ເອົາລະທ່ານຜູ່ຟັງ,ພວກເຮົາສອງຄົນລົມກັນໄປລົມກັນມາ,ລາຍການມື້ນີ້ ກໍ່ໃກ້ຈະສິ້ນສຸດລົງແລ້ວ, ຫນຸ່ມໃຫຍ່ອາລົມດີກັບວັນນີຫວັງວ່າລາຍການນີ້ ຈະນຳເອົາຄວາມຮູ້ບໍ່ຫລາຍກໍ່ຫນ້ອຍທີ່ເປັນປະໂຫຍດແກ່ທ່ານໄດ້,ແລະຄອງຄອຍທ່ານມີສ່ວນຮ່ວມກັບລາຍການ.ຂໍໃຫ້ທ່ານຈົ່ງມີຄວາມສຸກໂຊກດີຕະຫລອດໄປ.ໄປພ້ອມໆກັບສອງເພງສຸດທ້າຍຈາກລາຍການ, ຜູ່ດຳເນີນລາຍການທັງສອງຂໍກ່າວຄຳວ່າ:ສະບາຍດີ.
1 2 3 4
|
