ໂສມໜ້າໃໝ່ຂອງຮ່ອມຊ່ານເຊຍງາມກວ່າເກົ່າ
(GMT+08:00) 2008-06-22 19:08:47 cri
-----------------------------------------------------------------------------------------------------------------
-----------------------------------------------------------------------------------------------------------------
ທ່ານກາວຊາວແນະນຳວ່າ,ຍ້ອນຜາຊັນຂອງຮ່ອມຊ່ານເຊຍສູງກວ່າໜ້ານ້ຳທະເລພັນແມັດຂຶ້ນໄປ,ດຽວນີ້ ລະດັບນ້ຳສູງຂຶ້ນແລ້ວ,ເຖິງວ່າແມ່ນ້ຳທີ່ໄຫຼແຮງໃນເມື່ອກ່ອນຖືກປ່ຽນແດນດ້ວຍໜອງທີ່ໜ້ານ້ຳມິດງຽບ,ແຕ່ຮ່ອມຊ່ານເຊຍເຮັດໃຫ້ຄົນມີຄວາມຮູ້ສຶກຄືເກົ່າບໍ່ໄດ້ຖືກກະທົບກະເທືອນຫຍັງ.ໃນນັ້ນ,ຮ່ອມຊ່ານເຊຍຕອນອີຊ່າງແມ່ນບ່ອນຊົມທິວທັດສວຍງາມຂອງໜອງຢູ່ໃນຮ່ອມທີ່ດີກວ່າໝູ່,ຢູ່ແຫ່ງນັ້ນ ສາມາດຊົມເບິ່ງທິວທັດພູຜາແມ່ນ້ຳທີ່ພິມລົງໃສ່ໜ້າໜອງ.
ນາງວັງຢວນ ຜູ້ນຳທ່ຽວຂອງບໍລິສັດທ່ອງທ່ຽວສາກົນຈີນແນະນຳວ່າ,ທີ່ຈິງແລ້ວ,ຢູ່ຕອນແມ່ນ້ຳຊ່ານເຊຍ,ນ້ຳຫ້ວຍທີ່ຄືກັບນ້ຳຫ້ວຍເສີນນົງມີປະມານສິບກວ່າສາຍ,ກ່ອນອ່າງຂັງນ້ຳຮ່ອມຊ່ານເຊຍເລີ່ມຂັງນ້ຳ,ຍ້ອນນ້ຳຕື້ນ,ເຮືອທ່ອງທ່ຽວເຂົ້າບ່ອນເລິກຂອງນ້ຳຫ້ວຍບໍ່ໄດ້.ດຽວນີ້ ພາຍຫຼັງຮ່ອມຊ່ານເຊຍຂັງນ້ຳແລ້ວ,ຈຶ່ງສາມາດລ່ອງເຮືອທ່ອງທ່ຽວເຂົ້າບ່ອນເລິກ,ຈຶ່ງສາມາດຊົມເບິ່ງທິວທັດທີ່ສວຍງາມອັດສະຈັນກວ່າເກົ່າ.ນາງຄາດຄະເນວ່າ,ການຂີ່ເຮືອລ່ອງຕາມນ້ຳຫ້ວຍຈະກາຍເປັນຈຸດຮຸ່ງອັນໜຶ່ງໃນທິວທັດໃໝ່ຂອງຮ່ອມຊ່ານເຊຍ.
"ໃນເວລາທ່ຽວນ້ຳຫ້ວຍ,ນັກທ່ອງທ່ຽວຕ້ອງຂີ່ເຮືອໄມ້ແບບໃບຕົ້ນຫຼີວທີ່ບໍ່ມີແມ່ແຮງ,ອາໄສຜູ້ລາກເຮືອຫຼືໃຊ້ໄມ້ຖໍ່ໃຫ້ເຮືອລ່ອງລອຍຕາມນ້ຳຫ້ວຍ.ໃນເວລາຂີ່ເຮືອຊົມເບິ່ງທິວທັດສວຍງາມຢູ່ຕາມສອງຟາກແມ່ນ້ຳ,ຈະຮູ້ສຶກວ່າໄດ້ກັບຄືນສູ່ຊວງເອິກທຳມະຊາດແລ້ວ."ຂ່າວ-ບົດທີ່ກ່ຽວຂ້ອງ
ຄຳເຫັນ
