ຕົ້ນເຫດຂອງການສົ່ງຕໍ່ທວນໄຟງານກິລາໂອລິມປິກ
(GMT+08:00) 2008-08-05 16:11:45 cri
-----------------------------------------------------------------------------------------------------------------
-----------------------------------------------------------------------------------------------------------------
ຈົນຮອດປີ 1936, ໃຕ້ການລິເລີ່ມຂອງທ່ານຄານ ດິມ ສາສະດາຈານເຢຍລະມັນ, ເພ່ືອສ່ົງເສີມນ້ຳໃຈກິລາໂອລິມປິກ, ເພ່ີມທະວີການພົວພັນລະຫວ່າງງານກິລາໂອລິມປິກສະໄໝໃໝ່ກັບງານກິລາໂອລິມປິກອາແຕນສະໄໝບູຮານ, ໃນງານກິລາໂອລິມປິກທີ່ຈັດຂຶ້ນຢູ່ແບກແລງໃນປີດຽວກັນ ໄດ້ຈັດໃຫ້ມີການແລ່ນຕໍ່ສົ່ງທວນໄຟຢ່າງເປັນທາງການຄັ້ງທຳອິດ. ແຕ່ນັ້ນມາ, ການແລ່ນຕໍ່ສົ່ງທວນໄຟແລະການໄຕ້ທວນໄຟສັກສິດໄດ້ກາຍເປັນສັນຍາລັກຂອງການເປີດງານກິລາໂອລິມປິກ. ໄຟສັກສິດເປັນສັນຍະລັກແຫ່ງຄວາມກຽດ ຄວາມກ້າຫານແລະອິດທິພົນ, ແຕ່ມື້ເປີດຈົນຮອດມື້ປິດ, ໄຟສັກສິດຕ້ອງຈູດຕະຫຼອດເວັນຄືນ, ສົ່ງແສງຢູ່ເທິງອາກາດສະໜາມກິລາກາງ, ອວຍພອນສັນຕິພາບແລະມິດຕະພາບຂອງມະນຸດ.
ການແລ່ນຕໍ່ສົ່ງທວນໄຟໂອລິມປິກສະໄໝໃໝ່ແມ່ນເອົາເມັດໄຟທັງໄຕ້ທວນໄຟຢູ່ໂບດແອກກວິນທ່ີພູໂອລິມເປຍແຫ່ງເກຼັກກ່ອນ, ແລ້ວໃຊ້ຮູບການແລ່ນຕໍ່ສ່ົງທວນໄຟຈາກໂບດດ່ັງກ່າວໄປຮອດອາແຕນ ບ່ອນກຳເນີດການກິລາໂອລິມປິກສະໄໝບູຮານ, ແລະໃນທ່ີສຸດສ່ົງຕໍ່ໄປຮອດຕົວເມືອງເປັນເຈົ້າພາບຈັດງານກິລາໂອລິມປິກ, ແລະໄຕ້ໄຟສັກສິດຢູ່ສະໜາມກິລາກາງຂອງງານກິລາໂອລິມປິກໃນເວລາເປີດງານ.
ຕາມປະເພນີແລ້ວ, ຜູ່ແລ່ນຕໍ່ສ່ົງຕໍ່ທວນໄຟແມ່ນຂອງປະເທດເປັນເຈົ້າພາບຈັດງານກິລາໂອລິມປິກ. ແຕ່ງານກິລາໂອລິມປິກບາເຊໂລນາເມື່ອປີ 1992 ແມ່ນຕ່າງກັນກັບແຕ່ກ່ອນ, ມີນັກກິລາ 200 ຄົນທ່ີມາຈາກ 50 ປະເທດໄດ້ພ້ອມກັນກັບຊາວແອສປາຍເຂົ້າຮ່ວມການແລ່ນຕໍ່ສົ່ງຕໍ່ທວນໄຟ, ເຮັດໃຫ້ງານກິລາປະເພດນີ້ມີລັກສະນະທົ່ວໂລກ.
ນັບຕັ້ງແຕ່ມີການແລ່ນຕໍ່ສ່ົງຕໍ່ທວນໄຟໂອລິມປິກສະໄໝໃໝ່ເປັນຕົ້ນມາ, ໄດ້ມີຄົນເປັນພັນເປັນໝ່ືນທ່ີມາຈາກແຫ່ງຕ່າງໆໃນໂລກ ເຂົາເຈົ້າມີເຊື້ອຊາດຕ່າງກັນການເຊື່ອຖືສາສະໜາຕ່າງກັນໄດ້ເຂົ້າຮ່ວມການເຄື່ອນໄຫວແລ່ນຕໍ່ສົ່ງຕໍ່ທວນໄຟ. ສ່ວນຖືກຜົນສະທ້ອນໃຫຍ່ກວ່າໝູ່ຈາກການແລ່ນຕໍ່ສົ່ງຕໍ່ທວນໄຟນັ້ນແມ່ນຕົວເມືອງທີ່ທວນໄຟສົ່ງຜ່ານ, ທວນໄຟເຮັດໃຫ້ໄທເມືອງໃນຕົວເມືອງເຫຼົ່ານີ້ ຍິ່ງສາມັກຄີກັນເຂົ້າ,ລືມຄວາມລຳຄານແລະການເປັນປໍລະປັກໄປໝົດ, ນ້ຳໃຈໂອລິມປິກກໍໄດ້ຮັບການສົ່ງເສີມ. ດັ່ງນັ້ນ, ຄົນທັງຫຼາຍມັກເວົ້າວ່າການແລ່ນຕໍ່ສົ່ງທວນໄຟໂອລິມປິກແມ່ນສັນຍະລັກແຫ່ງເສັ້ນທາງສັນຕິພາບຂອງໂລກ.
ຂ່າວ-ບົດທີ່ກ່ຽວຂ້ອງ
ຄຳເຫັນ
