ປະທານສະມາຄົມຍິງປືນສາກົນຝາກຄວາມຫວັງສູງສຸດໄວ້ໃຫ້ແກ່ຈີນ
(GMT+08:00) 2008-08-13 15:23:33 cri
-----------------------------------------------------------------------------------------------------------------
-----------------------------------------------------------------------------------------------------------------
ເມື່ອເຈົ້າໜ້າທີ່ສະມາຄົມຍິງປືນສາກົນ ມາຮອດຈີນແລ້ວ ໄດ້ພົບເຫັນວ່າ,ຄົນຈີນມັກກິລາຍິງປືນບໍ່ດ້ອຍກວ່າປະເທດອື່ນ.ຜູ່ຊົມນັ່ງເຕັມສະໜາມການແຂ່ງຂັນ,ເຂົາເຈົ້າບໍ່ເສຍດາຍສຽງຕົບມືເພື່ອຄວາມສາມາດທີ່ພົ້ນເດັ່ນຂອງນັກກິລາທັງຫຼາຍ,ແລະສື່ມວນຊົນກໍ່ລາຍງານຂ່າວຢ່າງຫຼວງຫຼາຍຕໍ່ນັກກິລາຍິງປືນ,ນີ້ເວົ້າສຳລັບກິລາລາຍການໜຶ່ງແລ້ວ,ແມ່ນສັນຍານທີ່ດີທີ່ສຸດ.ທ່ານໂອເລກາລີໂອເວົ້າວ່າ:
"ໃນຂອບເຂດທົ່ວໂລກ,ການຍິງປືນແມ່ນລາຍການກິລາທີ່ມີອິດທິພົນຫຼາຍ.ມື້ນີ້,ຂ້າພະເຈົ້າມາຮອດຈີນໄດ້ສັງເກດເຫັນວ່າ,ຄົນຈີນກໍ່ສະໜັບສະໜູນທັງມັກທີ່ສຸດແລະເຂົ້າຮ່ວມກິລາຍິງປືນຢ່າງຕັ້ງໜ້າ.ເມື່ອໄດ້ເຫັນສະພາບນີ້,ຂ້າພະເຈົ້າຮູ້ສຶກດີໃຈຫຼາຍ."
ກໍ່ແມ່ນຍ້ອນມີການສະໜັບສະໜູນແລະຄວາມຄອງຄອຍດັ່ງກ່າວ,ສະມາຄົມຍິງປືນສາກົນພ້ອມດ້ວຍທ່ານໂອເລກາລີໂອເອງລ້ວນແຕ່ໄດ້ຝາກຄວາມຫວັງຫຼາຍໄວ້ໃຫ້ແກ່ນັກກິລາຈີນທີ່ແຂ່ງຂັນຢູ່ປະເທດຕົນ,ເພາະວ່າມັນແນ່ນອນແລ້ວຈະສົ່ງເສີມໃຫ້ຄົນຈີນຫຼາຍກວ່າເກົ່າເຂົ້າຮ່ວມກິລາຍິງປືນ,ເຮັດໃຫ້ກິລານີ້ມີອະນາຄົດແຫ່ງການພັດທະນານັບມື້ນັບດີຂຶ້ນ.ທ່ານໂອເລກາລີໂອກ່າວວ່າ:
"ທີມຈີນຍາດໄດ້4ຫຼຽນຄຳໃນງານກິລາໂອລິມປິກຄັ້ງແລ້ວນີ້,ເທື່ອນີ້,ຂ້າພະເຈົ້າ ຫວັງໃຫ້ເຂົາເຈົ້າຊິງໄດ້ຫຼຽນຄຳຫຼາຍກວ່າເກົ່າ,ອາດຈະໄດ້ເຖິງ6-7ຫຼຽນຄຳກໍ່ເປັນໄປໄດ້,ຫຼືວ່າຈະໄດ້ຫຼາຍກວ່ານັ້ນ.ນີ້ແມ່ນເລື່ອງດີ."
ໃນຕອນທ້າຍໃຫ້ການສຳພາດ,ທ່ານໂອເລກາລີໂອໄດ້ຍ້ອງຍໍໃນລະດັບສູງຕໍ່ງານກິລາໂອລິມປິກປັກກິ່ງແລະປະຊາຊົນຈີນທີ່ມີຄວາມກະຕືລືລົ້ນ,ເຫັນວ່າ,ງານກິລາໂອລິມປິກປັກກິ່ງເຮັດໃຫ້ທ່ານເອງຍິ່ງເຕັມໄປດ້ວຍຄວາມຄອງຄອຍຕໍ່ອະນາຄົດຂອງກິລາໂອລິມປິກ.ທ່ານກ່າວວ່າ:
"ຂ້າພະເຈົ້າໄດ້ຜ່ານງານກິລາໂອລິມປິກຫຼາຍຄັ້ງແລ້ວ,ແຕ່ບໍ່ມີຄັ້ງໃດຄືດັ່ງງານກິລາໂອລິມປິກປັກກິ່ງທີ່ເຮັດໃຫ້ຂ້າພະເຈົ້າລືມຍາກປານນີ້. ຄົນຈີນທຸກຄົນທີ່ຂ້າພະເຈົ້າໄດ້ພົບນັ້ນລ້ວນແຕ່ເປັນມິດຫຼາຍ,ບ່ອນໃດກໍ່ໄດ້ເຫັນຮອຍຍິ້ມຂອງຄົນຈີນ.ສິ່ງເຫຼົ່ານີ້,ນັກກິລາຍິງປືນກໍ່ໄດ້ສຳຜັດມັນແລ້ວ.ຂ້າພະເຈົ້າເຫັນວ່າ,ຜ່ານຈາກງານກິລາໂອລິມປິກຄັ້ງນີ້,ຄົນຈີນໄດ້ອ້າແຂນຕໍ່ໂລກ,ສ່ວນໂລກກໍ່ເດ່ມືໃຫ້ຈີນ,ຂ້າພະເຈົ້າຂໍສະແດງຄວາມຊົມເຊີຍຕໍ່ຄົນຈີນທຸກຄົນ."
ຂ່າວ-ບົດທີ່ກ່ຽວຂ້ອງ
ຄຳເຫັນ
