ວັນທີ 13 ມີນານີ້,ກອງປະຊຸມປະຈຳປີສະພາປຶກສາການເມືອງປະຊາຊົນແຫ່ງຊາດຈີນໄດ້ອັດລົງຢູ່ທີ່ປັກກິ່ງ. ໃນໄລຍະຈັດກອງປະຊຸມທີ່ເປັນເວລາ 10 ວັນ, ກຳມະການສະພາປຶກສາການເມືອງປະຊາຊົນແຫ່ງຊາດຈີນ2ພັນກວ່າຄົນຕັ້ງໜ້າເຂົ້າຮ່ວມວຽກງານປຶກສາຫາລື, ສະເໜີຄວາມຄິດຄວາມເຫັນ ແລະ ຂໍ້ສະເໜີອັນລ້ຳຄ່າ, ໄດ້ສຳເລັດວາລະປະຊຸມຕ່າງໆຕາມແຜນການຢ່າງຈົບງາມ. ຫວນຄືນຂະບວນການຂອງກອງປະຊຸມເທື່ອນີ້, ກຳມະການໜ້າໃໝ່,ຊ່ອງທາງໃໝ່ໃນການຮັບເອົາປະຊາມະຕິ, ແນວຄວາມຄິດໃໝ່ໃນການເຂົ້າຮ່ວມແລະຫາລືວຽກບ້ານການເມືອງ ລ້ວນແຕ່ໄດ້ສ້າງພາບພົດໃໝ່ໃຫ້ແກ່ກອງປະຊຸມເທື່ອນີ້, ເຮັດໃຫ້ຄົນລືມຍາກ.
ພະປານຈັນ ເອີເຕີນີ ຊອຍກີເກຍໂບ(Erdeni Qoigyi Gyaibo) ອົງທີ 11 ຜູ້ນຳພຸດທະສາດສະໜານິກາຍຕິເບດທີ່ເຂົ້າຮ່ວມເວທີການເມືອງຂອງຈີນເປັນເທື່ອທຳອິດນັ້ນແມ່ນໜ້າໃໝ່ທີ່ຈັບຕາຄົນທັງຫຼາຍທີ່ສຸດໃນກອງປະຊຸມເທື່ອນີ້. ພະປານຈັນທີ່ມີອາຍຸພຽງ 20 ປີນັ້ນແມ່ນຫາກໍ່ໄດ້ຮັບການເລືອກຕັ້ງເປັນກຳມະການສະພາປຶກສາການເມືອງປະຊາຊົນແຫ່ງຊາດຈີນໃນເດືອນກຸມພາປີນີ້. ຢູ່ຕໍ່ໜ້າສາຍຕາຂອງຄົນທັງຫຼາຍ,ເພິ່ນຖ່ອມຕົວຫຼາຍ,ເພິ່ນເວົ້າວ່າ,
"ໂດຍຜ່ານຈາກການເຂົ້າຮ່ວມກອງປະຊຸມສອງສະພາເທື່ອນີ້ ອາດຕະມາໄດ້ຮຽນຮູ້ສິ່ງໃໝ່ຫຼາຍຢ່າງ,ໄດ້ເຫັນກຳມະການຕ່າງໆສະແດງຄວາມຄິດຄວາມເຫັນຂອງຕົນ,ພ້ອມກັນຫາລືວຽກງານຂອງລັດ,ເຂົ້າຮ່ວມແລະຫາລືວຽກບ້ານການເມືອງ, ສະເໜີຂໍ້ສະເໜີເພື່ອໃຫ້ພັກ ແລະ ລັດຮັບໃຊ້ ປະຊາຊົນຍິ່ງດີກວ່າເກົ່າ. ອາດຕະມາແມ່ນຜູ້ມາໃໝ່,ສະນັ້ນຍັງຕ້ອງພະຍາຍາມຮ່ຳຮຽນ."
ໃນເວລາເຂົ້າຮ່ວມການປຶກສາຫາລືຂອງວົງການສາດສະໜາ, ພະປານຈັນໄດ້ອະທິບາຍຄວາມເຂົ້າໃຈຂອງເພິ່ນກ່ຽວກັບການປະຕິບັດພັນທະໜ້າທີ່ຂອງກຳມະການສະພາປຶກສາການເມືອງ, ເພິ່ນເຫັນວ່າ, ກ່ຽວກັບຄວາມຫຍຸ້ງຍາກ ແລະ ບັນຫາທີ່ປະຊາຊົນປະເຊີນໜ້າ ຕ້ອງແຈ້ງໃຫ້ພາກສ່ວນທີ່ກ່ຽວຂ້ອງຮູ້, ສ່ອງແສງຄວາມເຫັນຂອງປະຊາຊົນ, ພ້ອມທັງ ຈັດຕັ້ງປະຕິບັດນະໂຍບາຍຕ່າງໆຂອງພັກແລະລັດໃຫ້ດີກວ່າເກົ່າ,ເຮັດໃຫ້ມວນຊົນທັງຫຼາຍໄດ້ຮັບຜົນປະໂຫຍດຈາກຄວາມດີເລີດຂອງສັງຄົມນິຍົມ ແລະ ໝາກຜົນຂອງການປະຕິຮູບ ແລະ ການເປີດປະຕູສູ່ພາຍນອກນັ້ນ ຢ່າງເຕັມທີ່.
ຄຽງຄູ່ກັບການສະແດງຄວາມເຫັນຢູ່ອິນເຕີເນັດໄດ້ກາຍເປັນເລື່ອງທຳມະດາ, ກຳມະການສະພາປຶກສາການເມືອງປະຊາຊົນແຫ່ງຊາດຈີນນັບມື້ນັບຫຼາຍໄດ້ຜ່ານຈາກອິນເຕີເນັດແລກປ່ຽນຄວາມຄິດຄວາມເຫັນ ແລະ ເກັບກຳຍັດຕິຂໍ້ສະເໜີກັບຜູ້ໃຊ້ອິດເຕີເນັດທັງຫຼາຍ.
ໃນໄລຍະຈັດກອງປະຊຸມ, ສະພາປຶກສາການເມືອງປະຊາຊົນແຫ່ງຊາດຈີນກໍ່ໄດ້ທົດລອງ"ປະຕິບັດພາລະໜ້າທີ່ທາງອິນເຕີເນັດ", ຂໍແຕ່ໄດ້ຮັບຢືນຢັນດ້ານຖານະແລ້ວ ກຳມະການທັງຫຼາຍກໍ່ສາມາດຍື່ນຍັດຕິ,ບົດປະກອບຄຳເຫັນ, ສະພາບທາງສັງຄົມ ແລະ ປະຊາມະຕິຢູ່ທາງອິນເຕີເນັດ. ໃນຖານະທີ່ເປັນຊ່ອງທາງໃໝ່ຂອງການສ່ອງແສງປະຊາມະຕິ, ອິນເຕີເນັດກຳລັງຊ່ວຍເຫຼືອຊຸກຍູ້ວຽກງານຂອງສະພາປຶກສາການເມືອງໃຫ້ພັດທະນາຢ່າງບັງເກີດຜົນ, ຕັ້ງໜ້າຖອດຖອນວິທີທີ່ທັນສະໄໝ ແລະ ເຕັກນິກຂໍ້ມູນຂ່າວສານ,ກາຍເປັນວິທີເຮັດວຽກຄົບຊຸດທີ່ສອດຄ່ອງກັບການພັດທະນາຂອງຍຸກສະໄໝ, ສອດຄ່ອງກັບຈຸດພິເສດຂອງສະພາປຶກສາການເມືອງ ແລະ ມີຜົນດີຕໍ່ການປະຕິບັດພາລະໜ້າທີ່, ໄດ້ກາຍເປັນເປົ້າໝາຍວຽກງານຂອງສະພາປຶກສາການເມືອງປະຊາຊົນແຫ່ງຊາດຈີນໃນປີໃໝ່ນີ້.
1 2 
