ກອງປະຊຸມເທື່ອນີ້ໄດ້ຮັບຍັດຕິຫຼາຍກວ່າ 5 ພັນສະບັບ, ໃນນັ້ນຍັດຕິທີ່ມີລັກສະນະມະຫາພາກ,ລັກສະນະຍຸດທະສາດ ແລະ ລັກສະນະລ້ຳໜ້າທີ່ເອົາໃຈໃສ່ນຳລັດ, ເຂດແຄວ້ນ ແລະ ຂະແໜງການໄດ້ເພິ່ມຫຼາຍຂຶ້ນຢ່າງເດັ່ນຊັດ. ກຳມະການຫຼາຍໆທ່ານໄດ້ສະເໜີແລວຄວາມຄິດໃໝ່ ໂດຍປິ່ນອ້ອມການພັດທະນາແບບກາກບອນຕ່ຳ.
ເປັນຫຍັງກຳມະການທັງຫຼາຍຈິ່ງເອົາໃຈໃສ່ນຳເສດຖະກິດແບບກາກບອນຕ່ຳ ແລະ ຂະແໜງການກາກບອນຕ່ຳຫຼາຍປານນີ້? ທ່ານເຊີຟູລີນ ກຳມະການສະພາປຶກສາການເມືອງປະຊາຊົນແຫ່ງຊາດຈີນ, ຫົວໜ້າບໍລິຫານງານຂອງສະຖາບັນຄົ້ນຄວ້າການປະຕິຮູບ ແລະ ການພັດທະນາແຂວງໄຫລຳຂອງຈີນກ່າວວ່າ, ເສດຖະກິດແບບກາກບອນຕ່ຳພວມກາຍເປັນຈຸດເຕີບໂຕຂອງເສດຖະກິດສາກົນ ແລະ ຈຸດສຸມການແຂ່ງຂັນຮອບໃໝ່, ຈີນຕ້ອງກຳໂອກາດນີ້. ທ່ານກ່າວວ່າ,
"ເສດຖະກິດແບບກາກບອນຕ່ຳແມ່ນຮູບການພັດທະນາເສດຖະກິດ ແລະ ຮູບການດຳລົງຊີວິດໃໝ່.ການປະຕິວັດ ແລະ ປະດິດສ້າງດ້ານເຕັກນິກໃນລະດັບຫຼາຍສົມຄວນແມ່ນຊີ້ຂາດຢູ່ນຳພວກເຮົາສາມາດກຳໂອກາດທີ່ຍຸກສະໄໝເສດຖະກິດແບບກາກບອນຕ່ຳມາຮອດໄດ້ຫຼືບໍ່, ແລະຖືໂອກາດນີ້ເປັນກຳລັງ,ເພື່ອຊຸກຍູ້ຂະບວນວິວັດຂອງການປະດິດສ້າງດ້ານເຕັກນິກ ແລະ ການປະຕິວັດດ້ານເຕັກນິກທີ່ຖືຂົງເຂດພະລັງງານໃໝ່ເປັນຈຸດໜັກ."
ຕາມໄດ້ຊາບ, ໃນກອງປະຊຸມມອບຍັດຕິທີ່ຈະຈັດຂຶ້ນໃນທ້າຍເດືອນມີນາ, ຍັດຕິເຫຼົ່ານີ້ຈະຍື່ນໃຫ້ໜ່ວຍງານທີ່ກ່ຽວຂ້ອງ ຫຼັງຈາກຖືກແບ່ງເປັນປະເພດ,ເພື່ອຮັບໃຊ້ຍຸດທະສາດສຳຄັນທີ່ຮູບການພັດທະນາເສດຖະກິດແຫ່ງລັດໄດ້ປ່ຽນແປງ.
"ກຳມະການເວົ້າດ້ວຍຄວາມຈິງໃຈຫຼາຍຂຶ້ນ"ແມ່ນຄວາມຮູ້ສຶກນັບມື້ນັບຊັດເຈນທີ່ກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນນຳມາໃຫ້ຄົນທັງຫຼາຍ. ໃນເວລາກ່າວຄຳປາໄສໃນກອງປະຊຸມເທື່ອນີ້, ທ່ານຈູ່ເຈີ້ນຈົ່ງ ກຳມະການສະພາປຶກສາການເມືອງປະຊາຊົນແຫ່ງຊາດຈີນ, ປະທານສະພາປຶກສາການເມືອງປະຊາຊົນນະຄອນກວ່າງໂຈ່ວໄດ້ຕິຕຽນປະກົດການທີ່ບໍ່ດີຕ່າງໆ ເຊັ່ນຢ່າງຮຸນແຮງ, ເຮັດໃຫ້ກຳມະການຂອງກອງປະຊຸມ ແລະ ມວນຊົນຕ່າງໆໃນສັງຄົມພາກັນທຳປະຕິກິລິຍາຢ່າງຮຸນແຮງ. ທ່ານຈູ່ເຈີ້ນຈົ່ງກ່າວວ່າ, ໃນກອງປະຊຸມສະພາປຶກສາການເມືອງກໍ່ຕ້ອງແລກປ່ຽນຄວາມຕິດຄວາມເຫັນຢ່າງເປີດອົກເປີດໃຈແລະກົງໄປກົງມາ.ທ່ານກ່າວວ່າ,
"ເພາະວ່າບັນຍາກາດປະຊາທິປະໄຕຂອງພວກເຮົາໃນສະໄໝປັດຈຸບັນນັບມື້ນັບເຂັ້ມຂຸ້ນ, ກຳມະການສະພາປຶກສາການເມືອງພວກເຮົາກໍ່ຕ້ອງກ້າສ່ອງແສງສະພາບຕົວຈິງ, ເວົ້າເລື່ອງຈິງ,ເຮັດເລື່ອງຈິງ."
ໃນເວລາກ່າວຄຳປາໄສໃນພິທີອັດກອງປະຊຸມ, ທ່ານເຈຍຊີ້ງລີນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ຊີ້ແຈ້ງທິດທາງຕໍ່ວຽກງານຂອງສະພາປຶກສາການເມືອງໃນປີໃໝ່,ທ່ານກ່າວເນັ້ນວ່າ,"ສະພາປຶກສາການເມືອງປະຊາຊົນແຫ່ງຊາດຈີນຈະຖືກຄົນເປັນກົກ,ປະຕິບັດພາລະໜ້າທີ່ຮັບໃຊ້ ປະຊາຊົນ, ເອົາໃຈໃສ່ນຳບັນຫາກ່ຽວກັບຊີວິດການເປັນຢູ່ຂອງປະຊາຊົນຫຼາຍກວ່າເກົ່າ ເຊັ່ນ,ການປະກອບອາຊີບ,ການສຶກສາ,ການປິ່ນປົວພະຍາດ,ເຮືອນຢູ່,ການອະນຸລັກສິ່ງແວດລ້ອມ, ການແບ່ງປັນລາຍໄດ້,ວຽກງານກໍ່ສ້າງຄືນໃໝ່ຫຼັງປະສົບໄພເປັນຕົ້ນ,ປະກອບສ່ວນອັນໃໝ່ເຂົ້າໃນການພັດທະນາພາລະກິດທີ່ສ້າງຜົນປະໂຫຍດຕໍ່ປະຊາຊົນທັງຫຼາຍ ແລະ ຮັກສາຄວາມກົມກຽວ ແລະ ສະຖຽນລະພາບຂອງສັງຄົມ."
1 2
