ວັນທີ12ມັງກອນນີ້, ທ່ານຈອນແມັດຮຸນສແມນ, ເອກອັກຄະລັດຖະທູດອາເມລິກາປະຈຳຈີນກ່າວຢູ່ປັກກິ່ງວ່າ, ທ່ານຫູຈິນທ່າວ, ປະທານປະເທດຈີນຈະໄປຢ້ຽມຢາມອາເມລິກາທາງລັດຖະກິດຈະແມ່ນການຢ້ຽມຢາມເທື່ອໜຶ່ງທີ່ປະທັບໃຈແລະມີຄວາມໝາຍທາງປະຫວັດສາດ,ຈະຊຸກຍູ້ການພົວພັນລະຫວ່າງຈີນແລະອາເມລິກາໃຫ້ຂະຫຍາຍ,ຕົວຢ່າງບັນຫາແໜ້ນ.ອາເມລິກາໄດ້ຝາກຄວາມຫວັງຫຼາຍຕໍ່ການຢ້ຽມຢາມເທື່ອນີ້.
ທ່ານຈອນແມັດຮຸນສແມນກ່າວວ່າ,ໃນໄລຍະທີ່ການພົວພັນລະຫວ່າງຈີນແລະອາເມລິການັບມື້ນັບຂະຫຍາຍຕົວ,ຈະມີຄວາມຂັດແຍ່ງກັນໂດຍຫຼີກລຽງບໍ່ໄດ້,ແຕ່ຢູ່ລະຫວ່າງສອງຝ່າຍຄວາມເຫັນທີ່ເປັນເອກະສັນກັນຫຼາຍກວ່າຄວາມຂັດແຍ່ງກັນ, ຈຸດຄົບດ້ານຜົນປະໂຫຍດຂອງອາເມລິກາແລະຈີນໃນຕໍ່ໜ້າຈະນັບມື້ນັບຫຼາຍຂຶ້ນຕື່ມ.ທ່ານກ່າວວ່າ:
"ທ່ານບາຣັກ ໂອບາມາ, ປະທານາທິບໍດີອາເມລິກາເຄີຍກ່າວວ່າ, ການພົວພັນລະຫວ່າງຈີນແລະອາເມລິກາແມ່ນໜຶ່ງໃນການພົວພັນລະຫວ່າງຊາດທີ່ສຳຄັນກວ່າໝູ່ໃນໂລກປະຈຸບັນ, ສະເພາະຢູ່ໃນທົ່ວໂລກ, ພາກພື້ນແລະລະຫວ່າງສອງຝ່າຍ, ຂົງເຂດດ້ານການຮ່ວມມືຂອງພວກເຮົາພວມເພີ່ມຂຶ້ນຕະຫຼອດ. ພວກເຮົາມີຄວາມຈິງໃຈໃນດ້ານການພັດທະນາການພົວພັນລະຫວ່າງສອງປະເທດ, ການພົວພັນຂອງສອງປະເທດກໍ່ໄດ້ພັດທະນາໄດ້ດີຫຼາຍ, ອາເມລິກາແລະຈີນສາມາດປຶກສາຫາລືກັນທຸກບັນຫາ. ເຖິງວ່າພວກເຮົາບໍ່ໄດ້ເຫັນດີເປັນເອກະສັນກັນໃນທຸກບັນຫາ, ແຕ່ອາດເວົ້າໄດ້ວ່າສອງຝ່າຍລ້ວນແຕ່ໄດ້ພະຍາຍາມຊອກຫາຜົນປະໂຫຍດຮ່ວມກັນຢ່າງຕັ້ງໜ້າ, ຄວາມພະຍາຍາມນີ້ແມ່ນບໍ່ເຄີຍມີມາກ່ອນໃນປະຫວັດສາດ."
1 2 
