ໃນການພົບປະ, ທ່ານເວີ່ນເຈຍປາວກ່າວວ່າ, ຈີນຍິນດີດຳເນີນການຮ່ວມມືຢ່າງຂະໜາດໃຫຍ່ໃນຂົງເຂດການຄ້າ, ການເງິນ, ການລົງທຶນແລະການສ້າງໂຄງລ່າງພື້ນຖານ ບົນພື້ນຖານທີ່ສະເໝີພາບກັນແລະຕ່າງຝ່າຍຕ່າງໄດ້ຮັບຜົນປະໂຫຍດ, ຊຸກຍູ້ເສດຖະກິດຈີນ, ອາເມລິກາ ຈົນກະທັ້ງທົ່ວໂລກບັນລຸການເຕີບໂຕຢ່າງແຂງແຮງ, ຍືນຍົງແລະສະໝ່ຳສະເໝີ.
ຕໍ່ເລື່ອງນີ້, ທ່ານໄບເດັນກ່າວວ່າ, ຫວັງວ່າ, ສອງຝ່າຍຈະພະຍາຍາມຮ່ວມກັນ, ອຳນວຍເງື່ອນໄຂສະດວກກວ່າເກົ່າເພື່ອຊຸກຍູ້ການໄປມາຫາສູ່ກັນລະຫວ່າງວິສາຫະກິດ, ປະຊາຊົນ, ແລະສິນຄ້າລະຫວ່າງສອງປະເທດ. ອາເມລິກາຈະຮັບປະກັນຄວາມປອດໄພໃຫ້ແກ່ການລົງທຶນຢູ່ອາເມລິກາແລະໜີ້ສິນຂອງເງິນໂດລາສະຫະລັດ. ອາເມລິກາແລະຈີນຈະເພີ່ມທະວີການປະສານງານໃນກົນໄກຫຼາຍຝ່າຍ, ແລະວຽກງານສາກົນແລະພາກພື້ນ, ສະແດງຄວາມເຊື່ອໝັ້ນຕໍ່ໂລກ.
ມື້ດຽວກັນ, ທ່ານຊີຈີ້ນພິງ, ຮອງປະທານປະເທດຈີນກັບທ່າຍໄບເດັນໄດ້ຮ່ວມກັນເຂົ້າຮ່ວມງານສົນທະນາຂອງຜູ້ແທນນັກທຸລະກິດຈີນອາເມລິກາ.
1 2
