ທ່ານຈູມມາລີ ໄຊຍະສອນ,ປະທານປະເທດລາວ,ທ່ານອາຊາງ ລາວລີ,ຮອງນາຍົກລັດຖະມົນຕີລາວ
ງານມະຫາກຳກິລາແຫ່ງຊາດຄັ້ງທີ IX ໄດ້ໄຂຂື້ນຢ່າງເປັນທາງການດ້ວຍບັນຍາກາດອັນເບີກບານມ່ວນຊື່ນແລະເປັນເອກະລັກແບບຊາວຫຼວງພະບາງ ໃນເວລາ 17: 00 ໂມງ ຂອງວັນທີ 13 ທັນວາ 2011 ໂດຍເປັນກຽດເຂົ້າຮ່ວມຂອງພະນະທ່ານ ຈູມມາລີ ໄຊຍະສອນ, ເລຂາທິການໃຫຍ່ຄະນະບໍລິຫານງານສູນກາງພັກ,ປະທານປະເທດລາວ, ມີບັນດາຜູ້ນໍາພັກ-ລັດ, ເຈົ້າແຂວງຫຼວງພະບາງ ແລະບັນດາເຈົ້າແຂວງ,ຮອງເຈົ້າແຂວງ,ຫົວໜ້າຄະນະນັກກິລາ,ຄູຝຶກ,ບັນດາແຂກແລະພໍ່ແມ່ປະຊາຊົນຊາວຫຼວງພະບາງເມືອງມໍລະດົກໂລກເຂົ້າຮ່ວມຢ່າງຫຼວງຫຼາຍ 4 ພັນກວ່າຄົນ.
ຜູ່ນຳແຫ່ງຊາດລາວແລະບຸກຄົນສຳຄັນຕ່າງໆ
ທ່ານ ດຣ ຄຳແພງ ໄຊສົມແພງ, ເຈົ້າແຂວງຫຼວງພະບາງກ່າວຄຳປາໄສ
ພິທີເລີ່ມດ້ວຍການເດີນຂະບວນກ້ອນກຳລັງຂອງນັກກິລາຈາກ 3 ກະຊວງແລະ 16 ແຂວງແລະນະຄອນຫຼວງເຂົ້າສູ່ສະໜາມ ຕໍ່ດ້ວຍພິທີເຊີນທຸງຊາດແລະທຸງກິລາຂື້ນສູ່ຍອດເສົາເພື່ອເຄົາລົບທຸງຊາດຕິດຕາມດ້ວຍ ການກ່າວຕ້ອນຮັບຂອງທ່ານ ດຣ ຄຳແພງ ໄຊສົມແພງ,ກຳມະການສູນກາງພັກ, ເລຂາພັກແຂວງ, ເຈົ້າແຂວງຫຼວງພະບາງ, ປະທານຈັດງານມະຫາກຳກິລາແຫ່ງຊາດຄັ້ງທີ IX ຂື້ນກ່າວວ່າ:ງານມະຫາກຳກິລາແຫ່ງຊາດຄັ້ງທີ IX ທີ໋ຫຼວງພະບາງໃນປີ 2011 ນີ້ ມີຄວາມໝາຍຄວາມສໍາຄັນເປັນຢ່າງຍິ່ງ,ເພາະເປັນປີທີ່ທົ່ວພັກ,ທົ່ວກອງທັບ,ທົ່ວປວງຊົນລາວທັງຊາດຈັດຕັ້ງສະເຫີມສະຫຼອງວັນສໍາຄັນທາງດ້ານປະຫວັດສາດຂອງຊາດຄື:ວັນສ້າງຕັ້ງພັກປະຊາຊົນປະຕິວັດລາວຄົບຮອບ 56 ປີ,ວັນສາຖາປະນາສາທາລະນະລັດ ປະຊາທິປະໄຕ ປະຊາຊົນລາວຄົບຮອບ 36 ປີແລະວັນຄົບຮອບວັນເກີດປະທານໄກສອນ ພົມວິຫານຄົບຮອບ 91 ປີ,ທັງເປັນປີກຳລັງຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IX ຂອງພັກ. ເປັນການສ້າງຕັ້ງຂະບວນ ການຂໍ່ານັບຊົມເຊີຍວັນສ້າງຕັ້ງກອງທັບປະຊາຊົນລາວຄົບຮອບ 63 ປີແລະທັງເປັນການຍັ້ງຢືນຄວາມພ້ອມ ໃນການເປັນເຈົ້າພາບຈັດງານກິລາມະຫາວິທະຍາໄລອາຊຽນຄັ້ງທີ 16 ໃນປີ 2012 ເຊິ່ງເປັນການໄຂສັງກາດໃໝ່ແລະສ້າງຊື່ສຽງຂອງລາວໃນເວທີສາກົນ.
1 2 3 
