ຕະຫຼາດຢູ່ຊົນນະບົດເປັນສະຖານທີ່ສະໜັບສະໜູນໃນການເພີ່ມຄວາມຕ້ອງການພາຍໃນຂອງຈີນ
(GMT+08:00) 2009-02-25 16:40:58 cri
-----------------------------------------------------------------------------------------------------------------
-----------------------------------------------------------------------------------------------------------------
ນອກຈາກຂະແໜງການເຄື່ອງໄຟຟ້າໃຊ້ໃນເຮືອນແລ້ວ,ວິສາຫະກິດລົດຍົນຂອງຈີນກໍ່ໄດ້ຊອກຫາໂອກາດການຄ້າທີ່ກວ້າງຂວາງຈາກນະໂຍບາຍທີ່ກ່ຽວຂ້ອງຂອງຈີນ.ປີ2009,ຈີນຈະໃຊ້5ຕື້ຢວນ,ສະໜອງເງິນເທື່ອໜຶ່ງໃຫ້ແກ່ຊາວກະສິກອນທີ່ເອົາລົດຍົນສາມລໍ້ແລະລົດບັນທຸກແລ່ນຊ້າທີ່ບໍ່ເຮັດວຽກແລ້ວມາແລກຊື້ລົດບັນທຸກສິນຄ້າຂະໜາດນ້ອຍຫຼືຊື້ລົດເກ໋ງນ້ອຍທີ່ລະບາຍອາຍເສຍໜ້ອຍ.ທ່ານຈິນເກີບໍ່ໂຄສົກຂອງບໍລິສັດລົດຍົນສີຣຸ້ຍກ່າວວ່າ,ບໍລິສັດສີຣຸ້ຍຈະປ້ອນລົດຢູ່ຕະຫຼາດຊົນນະບົດໃຫ້ຫຼາຍ.
ໃນໝູ່ຄົນຈາກຕົວເມືອງກັບຄືນຮອດຊົນນະບົດ, ມີຈຳນວນຫຼວງຫຼາຍມີເງິນ, ເຂົາເຈົ້າອາດຈະຊື້ລົດ ເພື່ອດຳເນີນທຸລະກິດຂົນສົ່ງສິນຄ້າ,ຫຼືຂົນສົ່ງຜູ້ໂດຍສານແລະອື່ນໆ,ສະນັ້ນ ຖ້າພວກເຮົາສົ່ງຂາຍລົດຂະໜາດນ້ອຍຢູ່ຊົນນະບົດແລ້ວ,ພໍດີກໍ່ຖືກກັບໂອກາດການທຸລະກິດເທື່ອນີ້.ຖ້າຢາກບຸກເບີກຕະຫຼາດຢູ່ຊົນນະບົດ,ເພີ່ມລາຍໄດ້ຂອງຊາວກະສິກອນເປັນພື້ນຖານທີ່ສຳຄັນ.ເພື່ອເລື່ອງນີ້,ໃນເອກະສານເລກທີໜຶ່ງຂອງສູນກາງທີ່ເອົາວຽກງານເອົາໃຈໃສ່ການພັດທະນາຢູ່ຊົນນະບົດເປັນເນື້ອໃນຫຼັກ ເຊິ່ງໄດ້ປະກາດເປັນເວລາ6ປີລຽນຕິດແລ້ວ,ຈີນໄດ້ສະເໜີວ່າ,ປີ2009 ຕ້ອງສືບຕໍ່ເຮັດໃຫ້ການຜະລິດຂອງກະສິກຳຢ່າງເປັນປົກກະຕິ,ເພື່ອຊຸກຍູ້ໃຫ້ຊາວກະສິກອນມີລາຍໄດ້ເພີ່ມຂຶ້ນ.
ໃນເວລາອ່ານເອກະສານສະບັບນີ້,ທ່ານເສີນຊີ່ເຫວີນ ຫົວໜ້າຫ້ອງການໜ່ວຍນຳພາວຽກງານຊົນນະບົດຂອງສູນກາງຈີນກ່າວວ່າ,ປະຈຸບັນ,ຜົນກະທົບຈາກວິກິດການການເງິນໄດ້ເຮັດໃຫ້ການສົ່ງອອກຂອງຈີນຫຼຸດລົງ,ເຮັດໃຫ້ຊາວກະສິກອນທີ່ເຮັດວຽກຢູ່ວິສາຫະກິດປຸງແຕ່ງຈຳນວນໜຶ່ງຫວ່າງງານແລ້ວ.ແຕ່ນີ້ໄປ,ລັດຖະບານຈີນຈະໃຊ້ຫຼາຍມາດຕະການເພື່ອຊ່ວຍເຂົາເຈົ້າມີວຽກເຮັດງານທຳ.
ອັນທີໜຶ່ງແມ່ນສົ່ງເສີມວິສາຫະກິດຢູ່ຕົວເມືອງແລະເຂດທີ່ໄດ້ພັດທະນາແລ້ວຢູ່ແຄມທະເລບໍ່ເລີກຈ້າງຄົນງານທີ່ເປັນຊາວກະສິກອນຫຼືເລີກຈ້າງຈຳນວນໜ້ອຍ,ອັນທີສອງແມ່ນສະໜອງໂອກາດຝຶກອົບຮົມວິຊາອາຊີບໃຫ້ເຂົາເຈົ້າຫຼາຍກວ່າເກົ່າ,ເພື່ອເພີ່ມທະວີຄວາມສາມາດດ້ານຕຳແໜ່ງວຽກງານຂອງເຂົາເຈົ້າ.ອັນທີສາມແມ່ນການກໍ່ສ້າງໂຄງຮ່າງສາທາລະນະຕ້ອງຮັບເອົາຊາວກະສິກອນມາເຮັດວຽກໃຫ້ຫຼາຍເທົ່າທີ່ຈະຫຼາຍໄດ້.ອັນທີສີ່ແມ່ນລັດຖະບານແລະອົງການປົກຄອງທ້ອງຖິ່ນຊ່ວຍຊາວກະສິກອນເຮັດທຸລະກິດ.
ນອກຈາກຊ່ວຍຊາວກະສິກອນມາຊອກຫາວຽກເຮັດງານທຳຢູ່ຕົວເມືອງແລ້ວ,ມາດຕະການທີ່ຊ່ວຍຊາວກະສິກອນເພີ່ມລາຍໄດ້ຍັງລວມທັງ ເພີ່ມເງິນຊື້ແນວພັນດີແລະເຄື່ອງຈັກກະເສດຢູ່ຊົນນະບົດ,ສືບຕໍ່ຍົກລາຄາເກັບຊື້ສະບຽງອາຫານແລະອື່ນໆ.
ໃນເວລາລັດຖະບານພະຍາຍາມເຮັດໃຫ້ລາຍໄດ້ຂອງຊາວກະສິກອນເພີ່ມຂຶ້ນ,ຊາວກະສິກອນຈຳນວນໜຶ່ງກໍ່ໄດ້ເລີ່ມໃຊ້ຊ່ອງທາງເຕັກໂນໂລຢີທີ່ກ້າວໜ້າ,ໄດ້ສ້າງປະສິດທິຜົນທີ່ອຸດົມສົມບູນໃຫ້ແກ່ຕົນເອງແລະຊາວກະສິກອນຈຳນວນຫຼວງຫຼາຍ.ທ່ານສາວຕຸ່ງເສີ້ ຊາວບ້ານຂອງບ້ານຫຸງຊິງ ນະຄອນເສີນຢາງແຂວງຫຼຽວໜິງ,ໄດ້ໃຊ້ເຕັກນິກອິນເຕີເນັດທີ່ຕົນເອງຮູ້,ເກັບກຳຂໍ້ມູນການຄ້າຂາຍຜະລິດຕະພັນກະສິກຳ,ຊ່ວຍຊາວກະສິກອນຮູ້ຈັກສະພາບຄ້າຂາຍຜະລິດຕະພັນຢູ່ຕະຫຼາດສາກົນ,ສົ່ງຂາຍເຂົ້າສານ ຢາພື້ນເມືອງແລະຜະລິດຕະພັນກະສິກຳອື່ນໆ ຢູ່ສ.ເກົາຫຼີ ຍີ່ປຸ່ນ ຣັດເຊຍແລະຕະຫຼາດສາກົນອື່ນໆ.ປີ2008,ມູນຄ່າຜະລິດຕະພັນກະສິກຳທີ່ສົ່ງອອກໂດຍຜ່ານເວັບໄຊຂອງເຂົາເຈົ້າ,ໄດ້ຫຼາຍກວ່າຮ້ອຍລ້ານຢວນ.ທ່ານສາວຕຸ່ງເສີ້ເວົ້າວ່າ,ລາວຫວັງນຳພາຊາວກະສິກອນຫຼາຍກວ່າຄົນຮັ່ງມີຂຶ້ນ.
ປີ2009ພວກເຮົາຈະພັດທະນາຜູ້ເກັບກຳຂໍ້ມູນປະມານໝື່ນຄົນອີກ,ຜ່ານການສື່ສານການດ້ານຂໍ້ມູນຂ່າວສານແບບນີ້,ມີສື່ກາງຊ່ວຍຊື້ເຄື່ອງ,ພວກເຮົາເຊື່ອວ່າມູນຄ່າສິນຄ້າທີ່ສົ່ງອອກຈະຫຼາຍກວ່າເກົ່າ.
ບຸກຄົນເຫັນວ່າ,ຜ່ານການປະຕິບັດມາດຕະການນະໂຍບາຍທີ່ຊຸກຍູ້ການບໍລິໂພກສິນຄ້າແລະເພີ່ມລາຍໄດ້ຂອງຊາວກະສິກອນ,ພ້ອມທັງສ້າງລະບົບປະກັນສັງຄົມໃນຂົງເຂດການສຶກສາ ການປິ່ນປົວ ການປະກັນຄ່າຄອງຊີບຕ່ຳສຸດ ແລະລະບົບປະກັນສັງຄົມອື່ນໆ,ຕະຫຼາດບໍລິໂພກຢູ່ຊົນນະບົດຈະເສີມຂະຫຍາຍບົດບາດອັນຕັ້ງໜ້າໃນການເພີ່ມຄວາມຕ້ອງການພາຍໃນຂອງຈີນ.
ຂ່າວ-ບົດທີ່ກ່ຽວຂ້ອງ
ຄຳເຫັນ
