ງານຕະຫຼາດນັດສິນຄ້າຂາເຂົ້າຂາອອກກວາງໂຈ່ວຂອງຈີນຊອກຫາຊ່ອງທາງໃໝ່ໃນວິກິດການການເງິນ
(GMT+08:00) 2009-05-23 19:59:16 cri
-----------------------------------------------------------------------------------------------------------------
-----------------------------------------------------------------------------------------------------------------
ພ້ອມກັນນັ້ນ,ເນື່ອງຈາກທົ່ວໂລກໄດ້ຮັບຜົນກະທົບຈາກໄຂ້ຫວັດໃຫຍ່ສາຍພັນໃໝ່AH1N1,ໂດຍໄດ້ຮັບຜົນສະທ້ອນຈາກຄວາມຕ້ອງການຂອງຕະຫຼາດທີ່ສູງຂຶ້ນຫຼາຍ,ໃນງານຕະຫຼາດນັດຄັ້ງນີ້ ໄດ້ຕົກລົງຊື້ຂາຍເຄື່ອງມືອຸປະກອນການແພດແລະຜະລິດຕະພັນທີ່ໃຊ້ເທື່ອດຽວມູນຄ່າ220ລ້ານໂດລາ,ເພີ່ມຂຶ້ນ34,7%.ເພາະວ່າ, ວິສາຫະກິດສ່ວນຫຼາຍບໍ່ມີຜ້າອັດປາກ,ຫຼອດວັດແທກອຸນຫະພູມ,ຢາກັນເຊື້ອ,ເສື້ອກັນໄພແລະຜະລິດຕະພັນກັນພະຍາດໄຂ້ຫວັດໃຫຍ່ອື່ນໆຢູ່ໃນສາງ,ສະນັ້ນ,ໃບຈອງຜະລິດຕະພັນນີ້ຈຶ່ງເຕັມຈົນໄປຮອດທ້າຍເດືອນໜ້າ.ທ່ານຫວາງສົ່ງຈ່ຽວ,ຜູ້ຈັດການຂອງບໍລິສັດຂາເຂົ້າຂາອອກເຮີງສຽງຊູ່ໂຈ່ວເວົ້າວ່າ:
"ຜູ້ສັ່ງຊື້ໃໝ່ຫຼາຍເກີນຄາດ.ປະຈຸບັນ,ປະເທດຕ່າງໆລ້ວນແຕ່ຕ້ອງການຜະລິດຕະພັນດັ່ງກ່າວຫຼາຍ.ໂຮງງານທຳມະດາກໍ່ໄດ້ຮັບໃບຈອງຜະລິດຕະພັນເຕັມຈົນໄປຮອດທ້າຍເດືອນໜ້າແລ້ວ,ລາຄາສິນຄ້າໃນສອງສາມວັນນີ້ໄດ້ປ່ຽນແປງທຸກໆສອງຊົ່ວໂມ."
ສິ່ງທີ່ໜ້າສົນໃຈໃນອີກເລື່ອງໜຶ່ງກໍ່ແມ່ນ, ງານຕະຫຼາດນັດກວາງໂຈ່ວທີ່ມີປະຫວັດ53ປີໄດ້ເປີດປະຕູຕໍ່ຜູ້ຈັດຊື້ຂອງຈີນເປັນເທື່ອທຳອິດ. ພາຍໃຕ້ສະພາບວິກິດການການເງິນທົ່ວໂລກ,ນີ້ແມ່ນການທົດລອງໃໝ່ທີ່ໃຊ້ເວທີຂອງງານຕະຫຼາດນັດກວາງໂຈ່ວເພື່ອຊຸກຍູ້ການຈຳໜ່າຍສິນຄ້າຂາອອກຢູ່ຈີນ,ໄດ້ຮັບຄວາມນິຍົມຊົມຊອບຈາກຜູ້ຮ່ວມງານແລະຜູ້ສະໜອງຜະລິດຕະພັນ.ໃນເວລາໃຫ້ສຳພາດຕໍ່ນັກຂ່າວ,ທ່ານຈ່ຽງກໍຢວນ,ຮອງຜູ້ອຳນວຍການໃຫຍ່ຂອງກຸ່ມບໍລິສັດຫຸ້ນສ່ວນມິດຕະພາບກວາງໂຈ່ວເວົ້າວ່າ,ກອງປະຊຸມປຶກສາຫາລືກັນຂອງງານໄດ້ອຳນວຍເວທີແລະໂອກາດທີ່ດີທີ່ສຸດໃຫ້ແກ່ເຂົາເຈົ້າ.
"ນີ້ເຮັດໃຫ້ພວກເຮົາສາມາດເພີ່ມຊ່ອງທາງຂອງແຫຼ່ງຜະລິດຕະພັນ,ຊອກຮູ້ຜະລິດຕະພັນແລະໂຮງງານຜະລິດທີ່ດີທີ່ສຸດຈຳນວນໜຶ່ງຫຼາຍກວ່າເກົ່າ,ຊ່ວຍໃຫ້ພວກເຮົາຈັດຫາຜະລິດຕະພັນທີ່ດີກວ່າເກົ່າມອບໃຫ້ຜູ້ຊື້."
ຜູ້ຮັບຜິດຊອບຂອງງານຕະຫຼາດນັດກວາງໂຈ່ວເວົ້າວ່າ, ການຄ້າຈີນກັບການຄ້າຕ່າງປະເທດທີ່ສ້າງຕັ້ງຂຶ້ນເທື່ອທຳອິດໄດ້ຮ່ວມມືກັນຢ່າງມີປະສິດທິພາບດີ.ໃນກອງປະຊຸມປຶກສາຫາລືກັນ2ເທື່ອຜ່ານມານີ້,ໄດ້ມີຮ້ານຄ້າຂະໜາດໃຫຍ່,ຊຸບເປີມາເກັດທີ່ເປັນລະບົບສາຂາຂະໜາດໃຫຍ່,ຕົວແທນຂາຍຍົກແລະຜູ້ຈັດຊື້ອື່ນໆ200ກວ່າແຫ່ງຂອງຈີນ,ໄດ້ຮ່ວມມືກັບວິສາຫະກິດຜະລິດສິນຄ້າສົ່ງອອກທີ່ມາຈາກແຜ່ນດິນໃຫຍ່ແລະຮົງກົງ700ກວ່າແຫ່ງຢ່າງສຳເລັດຜົນ.ພຽງແຕ່ແມ່ນກອງປະຊຸມປຶກສາຫາລືກັນເທື່ອທຳອິດທີ່ງານຕະຫຼາດນັດກວາງໂຈ່ວຈັດຂຶ້ນໃນໄລຍະທີ2,ກໍ່ໄດ້ເຊັນສັນຍາທີ່ມີມູນຄ່າການຄ້າສູງເຖິງ460ລ້ານຢວນ.ທ່ານມູ້ຊິ່ນໄຫ້,ໂຄສົກຂອງງານຕະຫຼາດນັດກວາງໂຈ່ວກ່າວວ່າ,ກອງປະຊຸມປຶກສາຫາລືລະຫວ່າງວິສາຫະກິດສົ່ງອອກສິນຄ້າກັບວິສາຫະກິດຈຳໜ່າຍພາຍໃນຈະສືບຕໍ່ດຳເນີນຕໍ່ໄປໃນອະນາຄົດ.ທ່ານເວົ້າວ່າ:
"ພວກເຮົາໄດ້ຈັດກອງປະຊຸມປຶກສາຫາລືຄັ້ງນີ້ຢ່າງສຳເລັດຜົນ,ແລະຈະຖອດຖອນບົດຮຽນທີ່ດີ,ເພື່ອຊອກຫາຮູບການທີ່ດີກວ່າເກົ່າທີ່ການຄ້າພາຍໃນປະເທດຈີນເຊື່ອມຕໍ່ກັບການຄ້າກັບຕ່າງປະເທດ."
ກ່ຽວກັບບັນຫາທີ່ລະບຽບການການຄ້າຈີນແລະການຄ້າກັບຕ່າງປະເທດບໍ່ເທົ່າທຽມກັນ,ເຈົ້າໜ້າທີ່ຂ້ອງຂອງກະຊວງການຄ້າຈີນກ່າວວ່າ,ຫວັງຜ່ານສຳນັກງານຕົວແທນຂອງພາກພື້ນທີ່ເປັນທີ່ຍອມຮັບຂອງສາກົນ,ການຄຸ້ມຄອງປະເພດສິນຄ້າ,ຮູບການດຳເນີນທຸລະກິດ ແລະລະບຽບການອື່ນໆ,ເພື່ອອຳນວຍຄວາມສະດວກໃຫ້ແກ່ສິນຄ້າສົ່ງອອກເຂົ້າສູ່ຕະຫຼາດຈີນ.ພ້ອມກັນນັ້ນ,ວິສາຫະກິດຜະລິດສິນຄ້າສົ່ງອອກຕ້ອງເພີ່ມທະວີການສ້າງຍີ່ຫໍ້ແລະຕະຫຼາດຈຳໜ່າຍ,ຫັນປ່ຽນຄວາມຕ້ອງການພາຍໃນຈີນເປັນຄວາມຕ້ອງການຂອງຕະຫຼາດທີ່ແທ້ຈິງ.
ງານຕະຫຼາດນັດສິນຄ້າຂາເຂົ້າຂາອອກກວາງໂຈ່ວຄັ້ງຕໍ່ໄປຈະສັບຊ້ອນເວລາຈັດງານ,ຄືຈາກ23ວັນໃນປະຈຸບັນໃຫ້ຫຼຸດລົງເປັນ21ວັນ.
ຂ່າວ-ບົດທີ່ກ່ຽວຂ້ອງ
ຄຳເຫັນ
