ແຜນການ"ຊຸນເຫຼ"ຢູ່ເຂດພູດອຍທີ່ທຸກຍາກ
(GMT+08:00) 2009-06-08 16:30:48 cri
-----------------------------------------------------------------------------------------------------------------
-----------------------------------------------------------------------------------------------------------------
ເມື່ອຟັງການເລົ່າຂອງນັກຮຽນຜູ່ສຸດທ້າຍ,ທ່ານລີຈີ້ກວ່າງນ້ຳຕາກໍ່ໄຫຼອາບແກ້ມແລ້ວ,ທ່ານຕົກລົງຈັດເອົາເດັກຍິງຂອງໂຮງຮຽນມັດທະຍົມຊົນເຜົ່າຢົງສຸ້ຍເຂົ້າໃນເປົ້າໝາຍຊ່ວຍເຫຼືອຂອງແຜນການຊຸນເຫຼ.ນອກນີ້,ທ່ານຍັງເອົາເງິນສ່ວນຕົວຊ່ວຍເຫຼືອນາງຫວງຈິ້ງເມີຍ ນັກຮຽນທີ່ທຸກຍາກທີ່ສຸດໃນຫ້ອງນັ້ນ.ຫຼັງຈາກນັ້ນ13ປີ,ເມື່ອນາງຫວງຈິ້ງເມີຍພົບໜ້າກັບທ່ານລີຈີ້ກວ່າງອີກ,ນາງເວົ້າຕໍ່ອາວລີຈີ້ກວ້າງວ່າ:
"ໃນເວລາທີ່ອາວຈັດຫຼານເຂົ້າໃນແຜນການຊຸນເຫຼ,ຫຼານກໍ່ຮູ້ໂລດວ່າຊີວິດຂອງຫຼານຈະປ່ຽນແປງແຕ່ນີ້ຕໍ່ໄປ.ດ້ວຍເຫດນີ້,ຫຼານກໍ່ມີໂອກາດຮັບການສຶກສາຊັ້ນສູງ,ໄດ້ມີຄວາມຮູ້ຄວາມສາມາດ,ແລະກໍ່ປ່ຽນແປງທັດສະນະຄະຕິຂອງຫຼານອີກ.ພວກເຮົາລ້ວນແຕ່ຮູ້ວ່າສັງຄົມປ່ຽນແປງໄປຢ່າງບໍ່ຢຸດຢັ້ງ,ຄັນຄວາມສາມາດໄດ້ຮັບການຍົກສູງຂຶ້ນແລ້ວ,ຫຼານກໍ່ສາມາດປັບຕົວເຂົ້າກັບສັງຄົມແລະບໍ່ຖືກສັງຄົມປະຖິ້ມ"
ປີ2000,ຫວາງຈິ້ງເມີຍໄດ້ຮຽນຈົບຈາກໂຮງຮຽນສ້າງຄູດ້ວຍຄະແນນສູງ,ນາງໄດ້ກັບຄືນສູ່ບ້ານເກີດທີ່ຢູ່ເຂດພູດອຍ,ເປັນຄູສອນໂຮງຮຽນປະຖົມ.ໃນຄາວນັ້ນ,ສິ່ງກໍ່ສ້າງຂອງໂຮງຮຽນໃນບ້ານຍັງບໍ່ຄົບຖ້ວນສົມບູນເທື່ອ, ໄຟຟ້າກໍ່ບໍ່ມີ. ຄູສອນກໍ່ຂາດເຂີນທີ່ສຸດ,ມີໜ້ອຍຄົນທີ່ສຸດທີ່ຢາກໄປສອນຢູ່ເຂດພູດອຍເພື່ອນຳເອົາຂ່າວຄາວພາຍນອກມາແຫ່ງນີ້.ພາຍຫຼັງຫວງຈິ້ງເມີຍເປັນຄູສອນແລ້ວ,ນາງສອນພວກເດັກນ້ອຍຮ້ອງເພງ,ຟ້ອນລຳ,ເລົ່າເລື່ອງລາວຂອງໂລກພາຍນອກ ສູ່ຟັງ,ແລະກໍ່ເລົ່າເລື່ອງ ກ່ຽວກັບການເຕີບໃຫຍ່ຂອງຕົນສູ່ເດັກນ້ອຍຟັງ.ນາງບອກພວກນັກຮຽນວ່າ,ອະນາຄົດຢູ່ໃນກຳມືຂອງຕົນ,ໂອກາດການຮຽນຕ້ອງຍາດແຍ່ງດ້ວຍຕົນເອງ.ນາງບອກວ່າ:
"ຢູ່ໃນບ້ານເຮົາ,ເດັກຍິງເຂົ້າໂຮງຮຽນແມ່ນມີໜ້ອຍທີ່ສຸດ,ຂ້ອຍກໍ່ບອກເຂົາເຈົ້າວ່າ,ເຖິງວ່າພໍ່ແມ່ບໍ່ໃຫ້ເຂົ້າຮຽນກໍ່ຢ່າ,ນ້ອງກໍ່ຕ້ອງພະຍາຍາມສູ້ຊົນດ້ວຍຕົນເອງ,ກໍ່ຄືດັ່ງເອື້ອຍຄູນີ້ລະ,ເອື້ອຍຄູກໍ່ແມ່ນໃນເວລາປະເຊີນກັບຄວາມຫຍຸ້ງຍາກກໍ່ບໍ່ຍອມປະລະແລ້ວຈິ່ງຍາດໄດ້ຜົນສຳເລັດຄືໃນສູ່ມື້ນີ້,ຈິ່ງສາມາດເປັນຄູສອນໄດ້."
ປັດຈຸບັນ,ຫວງຈິ້ງເມີຍທີ່ອາຍຸ28ປີເປັນຄູສອນດົນຕີຂອງສູນການສຶກສາວິຊາຊີບເມືອງຢົງສຸ້ຍ.ນາງກ່າວວ່າ,ນາງຫວັງຢາກຜ່ານຈາກການເລົ່າເລື່ອງຂອງຕົນກ່ຽວກັບ"ຄວາມຮູ້ປ່ຽນແປງຊີວິດ"ສູ່ນັກຮຽນຟັງເພື່ອສ້າງຜົນສະທ້ອນໃຫ້ແກ່ຫຼາຍຄົນກວ່າເກົ່າ.
ປັດຈຸບັນ,ຈີນໄດ້ມີ1ລ້ານ8ແສນເທື່ອຄົນໄດ້ຮັບທຶນຊ່ວຍເຫຼືອຈາກ"ແຜນການຊຸນເຫຼ"ຄືກັບນາງຫວງຈິ້ງເມີຍ.ນັບແຕ່ປະຕິບັດມາແຕ່ປີ1989ເປັນຕົ້ນມາ,"ແຜນການຊຸນເຫຼ"ຊອກທຶນໄດ້800ລ້ານກວ່າຢວນ,ບໍລິຈາກເງິນສ້າງໂຮງຮຽນຊຸນເຫຼ800ກວ່າແຫ່ງ.
ນາງຫວງຈິ້ງເມີຍໄດ້ແຕ່ງເນື້ອຮ້ອງແລະທຳນອງເພງທີ່ມີຊື່ວ່າ春蕾之歌"ແປວ່າ"ເພງຊຸນເຫຼ",ເນື້ອຮ້ອງມີຢູ່ວ່າ: "ສາຍລົມແລະຝົນຍາມລະດູບານໃໝ່ຫຼໍ່ລ້ຽງດອກໄມ້ທີ່ຍັງຈູມຢູ່,ຫວ່ານແນວແລ້ວໄດ້ຮັບຄວາມຫວັງ,ເທວະດາປິດປະຕູປ່ອງໜຶ່ງແຕ່ກໍ່ຍັງໄຂປ່ອງຢ້ຽມປ່ອງໜຶ່ງໄວ້ຢູ່,ເພື່ອໃຫ້ດອກໄມ້ໄດ້ຮັບແສງແດດ,ຊອກພົບເສັ້ນທາງ,ແສງສາຍໜຶ່ງໄດ້ໄລ່ຄວາມທຸກຄວາມໜາວຂອງໂລກມະນຸດ,ນັ້ນຄືພະລັງທີ່ສ້າງຊີວິດຄືນໃໝ່."
ຂ່າວ-ບົດທີ່ກ່ຽວຂ້ອງ
ຄຳເຫັນ
