ອາຫານແຊບທີ່ມີເອກະລັກສະເພາະຕົວຂອງແມ່ນ້ຳນູ້ຈ່ຽງ
(GMT+08:00) 2009-06-09 10:36:39 cri
-----------------------------------------------------------------------------------------------------------------
-----------------------------------------------------------------------------------------------------------------
ນາງມີ້ຊິ້ວເຈິ່ນອະທິບາຍຕື່ມວ່າ: ຄົນທີ່ພົບໜ້າກັນເທື່ອທຳອິດຕ້ອງດື່ມເຫຼົ້າຕຳຈອກກັນ,ໝາຍຄວາມວ່າສອງຄົນຮູ້ຈັກກັນແລ້ວ.ຕໍ່ມາມິດຕະພາບເລິກເຊິ່ງເຂົ້າຈິ່ງດື່ມເຫຼົ້າແບບໄຂວ່ແຂນກັນແລະກອດຄໍກັນ.ເມື່ອຄວາມຮັກແພງລະຫວ່າງສອງຝ່າຍເລິກເຊິ່ງຫຼາຍຂຶ້ນອີກກໍ່ຈະດື່ມເຫຼົ້າໃຈດຽວກັນແລະສາມແມ່ນ້ຳໄຫຼຮ່ວມເຂົ້າກັນ.ໃນນັ້ນ,ການເຊີນແຂກດື່ມເຫຼົ້າໃຈດຽວກັນແມ່ນພິທີທີ່ສະແດງຄວາມເຄົາລົບນັບຖືສູງສຸດໃນການຕ້ອນຮັບແຂກຂອງຄົນເຜົ່າລີຊໍູ,ອັນໄດ້ສະແດງໃຫ້ເຫັນນິໃສໃຈຄໍຄົນເຜົ່າລີຊໍທີ່ມີຄວາມກະຕືລືລົ້ນແລະໃຈກວ້າງຂວາງ.ໃນເວລາດື່ມເຫຼົ້າໃຈດຽວກັນ,ເຈົ້າພາບກັບແຂກສອງຝ່າຍກອດຄໍກັນ,ໜ້າຈຸກັນຮ່ວມກັນດື່ມເຫຼົ້າໃນຖ້ວຍດຽວກັນ,ເຊິ່ງສະແດງໃຫ້ເຫັນວ່າຄວາມຮັກແພງລະຫວ່າງເຈົ້າພາບກັບແຂກໄດ້ເຂົ້າສູ່ຄວາມສະໜິດສະໜົມກັນທີ່ສຸດແລ້ວ.
ຄັນໄປຢາມຄອບຄົວເຜົ່າລີຊໍູ,ເຈົ້າພາບບໍ່ແມ່ນເອົານ້ຳຊາມາຮັບແຂກ,ແຕ່ແມ່ນເອົາເຫຼົ້າ.ມອບເຫຼົ້າຂາວທີ່ເຈົ້າຂອງຕົ້ມເອງຖ້ວຍນ້ອຍໜຶ່ງໃຫ້ແຂກກໍ່ແມ່ນການສະແດງຄວາມກະຕືລືລົ້ນຫຼາຍທີ່ສຸດສຳລັບເຈົ້າຂອງ.ແລ້ວພາກັນຮ້ອງຄຳວ່າ"ອີລາຊິ້ວ",ທັງເຈົ້າພາບແລະແຂກພາກັນຍົກຈອກດື່ມໃຫ້ໝົດ,ບັນຍາກາດມ່ວນຊື່ນຟົດຟື້ນທີ່ສຸດ. ຄຳວ່າ"ອີລາຊິ້ວ"ແມ່ນພາສາເຜົ່າລີທີ່ແປວ່າ"ເອືອກດຽວ".ຢູ່ກິ່ງແຂວງນູ້ຈ່ຽງ,ມັກຈະເຫັນຄົນເມົາເຫຼົ້າທ່າມກາງສຽງຮ້ອງວ່າ" ອີລາຊິ້ວ"ເລື້ອຍໆ,ການດື່ມເຫຼົ້າຈົນເມົາໃນຍາມກາງຄືນກໍ່ກາຍເປັນ ປະສົບການພິເສດແນວໜຶ່ງສຳລັບຜູ່ທີ່ໄປທ່ຽວຢູ່ນູ້ຈ່ຽງ.
ນັ້ນກໍ່ຄືອາຫານແຊບຂອງເຜົ່າລີຊໍ,ບັດນີ້,ພວກເຮົາມາເວົ້າເຖິງອາຫານແຊບໆຂອງເຜົ່ານູ້ນັ້ນກໍ່ຄືຊີ້ນພີຜາ.ນີ້ແມ່ນອາຫານພື້ນເມືອງຂອງເຜົ່ານູ້ທີ່ດຳລົງຊີວິດຢູ່ລ້ອງແມ່ນ້ຳນູ້ຈ່ຽງ.ວິທີເຮັດຊີ້ນພີຜາກໍຄືຫຼັງຈາກຂ້າໝູແລ້ວກໍ່ເອົາກະດູກອອກແລ້ວໜີບຊີ້ນໝູໝົດໂຕນັ້ນໃຫ້ແປໆແລ້ວເອົາໄປຕາກແດດ.ຍ້ອນແຜ່ນຊີ້ນນີ້ເມື່ອຕາກແຫ້ງແລ້ວເປັນຮູບແປໆຄ້າຍຄືກັບພິນພີຜາທີ່ເປັນເຄື່ອງດົນຕີພື້ນເມືອງຂອງຈີນຄ້າຍກັບກະຈັບປີ່ຂອງລາວ,ສະນັ້ນຈິ່ງໄດ້ຊື່ວ່າຊີ້ນພີຜາ.ແຜ່ນຊີ້ນພີຜາບໍ່ມັນຫຼາຍ,ລົດຊາດອັນພິເສດເຮັດໃຫ້ຄົນກິນແລ້ວຍັງຢາກກິນອີກ.ນາງວາງເຈິ້ງຈ່ວນ ສາວເຜົ່ານູ້ບອກວ່າ:
"ວິທີເຮັດຊີ້ນພີຜາກໍຄືຫຼັງຈາກຂ້າໝູແລ້ວກໍ່ຖອດເອົາກະດູກອອກ,ແລ້ວຈົ່ງຊີ້ນບໍ່ມັນໄວ້ສ່ວນໜຶ່ງເອືອບໃສ່ໝາກແຄ່ນ,ໝາກເຜັດແລະເກືອ,ແລ້ວເອົາເຂັມໃຫຍ່ໆຫຍິບໜັງມັນໃຫ້ຫຸ້ມເຂົ້າກັນແລ້ວຈິ່ງເອົາໄປຕາກແດດປະມານ1ເດືອນກໍ່ກິນໄດ້."
ຕາມເພິ່ນບອກວ່າ,ຢູ່ເຂດທີ່ບໍ່ມີມົນລະພິດເທິງພູກ່າວຫຼີກົ້ງທີ່ມີຫິມະປົກຫຸ້ມທີ່ສູງກວ່າໜ້ານ້ຳທະເລ3200ແມັດຂອງເມືອງກົ້ງຊ່ານນູ້ຈ່ຽງ,ມີພືດຊະນິດໜຶ່ງແຕກໜໍ່ພ້ອມໆກັບຍາມຫິມະລະລາຍໃນທຸກປີ,ນັ້ນກໍ່ຄືໂສມຫິມະ ທີ່ຫາຍາກທີ່ສຸດ.ໂສມຫິມະມີກິ່ນຫອມພິເສດ,ແຊບນົວແລະຜ່ອຍ.ນາງວາງເຈິ້ງຈ່ວນບອກວ່າ"ໂສມຫິມະບຳລຸງເລືອດ,ແກ້ປະດົງ,ທຳມະດາມັກເອົາມາຕົ້ມໃສ່ໄກ່.ມີແຕ່ຢູ່ເທິງພູສູງທີ່ມີຫິມະຈິ່ງມີພືດຊະນິດນີ້."
ໄປທ່ຽວນູ້ຈ່ຽງ,ນອກຈາກກິນອາຫານແຊບໆຫຼາຍຊະນິດໃນຄາບເຂົ້າທ່ຽງແລະແລງແລ້ວ,ຍາມເຊົ້າກໍ່ມີອາຫານແຊບສຳລັບນັກທ່ອງທ່ຽວ,ເຊັ່ນວ່າຂະໜົມແຜ່ນເທິງແຜ່ນຫີນ.ຊາວພື້ນເມືອງບອກວ່າ,ວິທີເຮັດອາຫານເຜົ່ານູ້ຊະນິດນີ້ແມ່ນເອົາແຜ່ນຫີນຄ້າງໄວ້ເທິງເຕົາໄຟເຜົາໃຫ້ຮ້ອນ,ແລ້ວເອົາແປ້ງຊີ້ງເຄີລວາດໃສ່ແຜ່ນຫີນ,ຂາງຈົນສຸກ,ແລ້ວກໍ່ເປັນຂະໜົມແຜ່ນ.
ຢູ່ນູ້ຈ່ຽງ,ອາຫານຕ່າງໆສ່ອງແສງໃຫ້ເຫັນຮີດຄອງປະເພນີວັດທະນະທຳຫຼາຍສີຫຼາຍສັນຂອງຊົນເຜົ່າຕ່າງໆທີ່ດຳລົງຊີວິດຢູ່ສອງຟາກຮ່ອມພູ.ຖ້າທ່ານມີໂອກາດໄປທ່ຽວຮ່ວມພູແມ່ນ້ຳນູ້ຈ່ຽງ,ຢ່າລືມຫາໂອກາດໄປຊິມອາຫານພື້ນເມືອງແຊບໆຂອງທ້ອງຖິ່ນນັ້ນເດີ້.
ຂ່າວ-ບົດທີ່ກ່ຽວຂ້ອງ
ຄຳເຫັນ