ຄວາມຝັນສີຂຽວຂອງທູດຊາວໜຸ່ມອະນຸລັກສິ່ງແວດລ້ອມ
(GMT+08:00) 2009-06-24 09:28:32 cri
-----------------------------------------------------------------------------------------------------------------
-----------------------------------------------------------------------------------------------------------------
ຫົວຂໍ້ຂອງວັນສິ່ງແວດລ້ອມປີນີ້ແມ່ນ"ໜ່ວຍໂລກຕ້ອງການເຈົ້າ, ສາມັກຄີກັນເພື່ອຮັບມືກັບການປ່ຽນແປງຂອງດິນຟ້າອາກາດ". ໃນວັນສິ່ງແວດລ້ອມຂອງໂລກຄືວັນທີ5ມີຖຸນານີ້,ຈີນໄດ້ເລີ່ມຕົ້ນກິດຈະກຳທີ່ມີຊື່ວ່າ"ການເຄື່ອນໄຫວຂອງທູດຊາວໜຸ່ມ1000ຄົນທີ່ເປັນມິດກັບສິ່ງແວດລ້ອມ".ຊາວໜຸ່ມທີ່ເຂົ້າຮ່ວມກິດຈະກຳມີຄວາມຝັນແຫ່ງການອະນຸລັກສິ່ງແວດລ້ອມ,ເລີ່ມແຕ່ເລື່ອງຕ່າງໆທີ່ຢູ່ອ້ອມຂ້າງເຂົາເຈົ້າ,ໂຄສະນາການອະນຸລັກບ້ານໜ່ວຍໂລກ,ປັບປຸງດິນຟ້າອາກາດແລະສິ່ງແວດລ້ອມໃຫ້ດີຂຶ້ນ,ເຊິ່ງຖືກກັບຫົວຂໍ້ ຂອງວັນສິ່ງແວດລ້ອມປີນີ້.
ນາງຢາງໝຽວ ແມ່ນນັກສຶກສາປະລິນຍາໂທຂອງມະຫາວິທະຍາໄລຊົນເຜົ່າຊີນານ,ນາງຍັງແມ່ນທູດເປັນມິດກັບສິ່ງແວດລ້ອມທີ່ເຂົ້າຮ່ວມກິດຈະກຳ"ການເຄື່ອນໄຫວຂອງທູດຊາວໜຸ່ມ1000ຄົນທີ່ ເປັນມິດກັບສິ່ງແວດລ້ອມ".ບ້ານຂອງນາງຢູ່ເມືອງປົກຄອງຕົນເອງເຜົ່າຊ່ຽງເປຊວນທີ່ເປັນເຂດປະສົບໄພແຜ່ນດິນໄຫວເສສວນຢ່າງຮຸນແຮງ.ໃນແຜ່ນດິນໄຫວເທື່ອນີ້ສະມາຊິກໃນຄອບຄົວນາງໄດ້ເສຍ4ຄົນເຊິ່ງລວມທັງພໍ່.ໄພທຳມະຊາດເຮັດໃຫ້ຄອບຄົວທີ່ທຸກຍາກຂອງນາງຍິ່ງທຸກກວ່າເກົ່າ.ແຕ່ວ່າ,ໃນເວລາລົມກັບນັກຂ່າວ,ນາງຢາງໝຽວທີ່ຄອບຄົວເຫຼືອແຕ່ແມ່ກັບລູກສອງຄົນນັ້ນພັດສະແດງໃຫ້ເຫັນຄວາມເຂັ້ມແຂງດ້ານຈິດໃຈທີ່ສຸດ,ນາງບໍ່ໄດ້ຈົ່ມວ່າຫຍັງເລີຍ.ເມື່ອຜ່ານຜ່າໄພແຜ່ນດິນໄຫວເທື່ອນີ້ແລ້ວ,ນາງສຳນຶກຫຼາຍກວ່າເກົ່າກ່ຽວກັບວ່າເປັນຫຍັງຈິ່ງຄວນເອົາໃຈໃສ່ຜູ່ອື່ນແລະເປັນຫ່ວງສັງຄົມ,ໃນນັ້ນ,ຍັງມີການເປັນຫ່ວງນຳບັນຫາສິ່ງແວດລ້ອມຂອງບ້ານເກີດເມືອງນອນລວມຢູ່ນຳ.ນາງບອກວ່າ:
"ຂ້ອຍເຮັດວຽກການອະນຸລັກສິ່ງແວດລ້ອມກໍ່ແມ່ນຍ້ອນເລື່ອງໜຶ່ງທີ່ເກີດຂຶ້ນຢູ່ບ້ານເກີດຂ້ອຍຫຼັງໄພແຜ່ນດິນໄຫວ.ພາຍຫຼັງໄພແຜ່ນດິນໄຫວ,ຢູ່ເມືອງເປຊວນ,ໃນຈຳນວນຄົນທີ່ໂຊກດີບໍ່ເສຍຊີວິດໃນເວລາເກີດໄພແຜ່ນດິນໄຫວ,ແຕ່ຊ້ຳພັດມີ20ກວ່າຄົນເສຍຊີວິດໃນເຫດການດິນເຈື່ອນຍ້ອນປ່າໄມ້ຖືກທຳລາຍຫຼາຍໂພດ,ຂ້ອຍຮູ້ສຶກ ຕົກໃຈຫຼາຍ."
ພາຍລຸນມາ,ນາງຢາງໝຽວໄດ້ຊາບຈາກຄະນະຈັດຕັ້ງອະນຸລັກສິ່ງແວດລ້ອມຂອງໂຮງຮຽນຕົນວ່າທາງໂຮງຮຽນພວມດຳເນີນກິດຈະກຳ"ການເຄື່ອນໄຫວຂອງທູດຊາວໜຸ່ມ1000ຄົນທີ່ເປັນມິດກັບສິ່ງແວດລ້ອມ",ນາງກໍ່ເລີຍສະເໜີເຂົ້າຮ່ວມໂດຍບໍ່ລັງເລໃຈຫຍັງເລີຍ,ກຽມຕົວຮັບການຝຶກອົບຮົມ,ເພື່ອເປັນທູດຊາວໜຸ່ມອະນຸລັກສິ່ງແວດລ້ອມຜູ່ໜຶ່ງ.
"ການເຄື່ອນໄຫວຂອງທູດຊາວໜຸ່ມ1000ຄົນທີ່ເປັນມິດກັບສິ່ງແວດລ້ອມ"ແມ່ນກິດຈະກຳເພື່ອສາທາລະນະປະໂຫຍດທີ່ລິເລີ່ມໂດຍກະຊວງອະນຸລັກສິ່ງແວດລ້ອມຈີນ,ຈະຮັບສະໝັກອາສາສະໝັກຊາວໜຸ່ມ1000ຄົນຈາກຮາກຖານແລະຊຸມຊົນຕ່າງໆແລ້ວຝຶກອົບຮົມຄວາມຮູ້ດ້ານການອະນຸລັກສິ່ງແວດລ້ອມເປັນເວລາ1ມື້ເຄິ່ງ,ແລ້ວແຕ່ລະຄົນຈະກັບຄືນສູ່ທ້ອງຖິ່ນຂອງຕົນເພື່ອອົບຮົມຕໍ່ອີກ1000ຄົນເປັນຢ່າງໜ້ອຍ,ເຮັດແນວນີ້,ເມື່ອຮອດທ້າຍເດືອນສິງຫາປີນີ້,ຈຳນວນຄົນທີ່ຮັບການອົບຮົມດ້ານການອະນຸລັກສິ່ງແວດລ້ອມຂອງທົ່ວປະເທດຈີນຄາດວ່າຈະບັນລຸເຖິງ1ລ້ານຄົນຂຶ້ນໄປ.
ນາງຢາງໝຽວຍັງໄດ້ຮູ້ຈາກເພື່ອນຮ່ວມຮຽນວ່າ,ກິດຈະກຳ ນີ້ບໍ່ແມ່ນກິດຈະກຳໄລຍະສັ້ນແລະເຮັດແບບບໍ່ຈິງຈັງ,ຫາກແມ່ນດຳເນີນເປັນເວລາ2ປີ.ສະນັ້ນ,ນາງຢາງໝຽວໃນນາມເປັນທູດອະນຸລັກສິ່ງແວດລ້ອມກໍ່ມີຄວາມຫ້າວຫັນຫຼາຍກວ່າເກົ່າໃນໂຄສະນາພຶດຕິກຳການດຳລົງຊີວິດຢ່າງປອດໃສແລະອະນຸລັກສິ່ງແວດລ້ອມ.ນາງບອກວ່າ,ໃນຖານະເປັນມືໃໝ່ໃນການໂຄສະນາຄວາມຮູ້ດ້ານການອະນຸລັກສິ່ງແວດລ້ອມ,ນາງຈະນຳໃຊ້ສອງປີນີ້ເພື່ອສະສົມຄວາມຮູ້ດ້ານອະນຸລັກສິ່ງແວດລ້ອມ,ແລະພະຍາຍາມຈົນສຸດຄວາມສາມາດເພື່ອໂຄສະນາຄວາມຮູ້ດ້ານນີ້ໃຫ້ຄົນຢູ່ອ້ອມຂ້າງເຊິ່ງລວມທັງໂຮງແຮມທີ່ນາງເຮັດວຽກໃນເວລາຫວ່າງເພື່ອຫາເງິນຈ່າຍຄ່າຮຽນນັ້ນອີກດ້ວຍ.ນາງບອກວ່າ:
"ຂ້ອຍຈະຮ່ວມກັບອາສາສະໝັກອະນຸລັກສິ່ງແວດລ້ອມແລະສະມາຄົມອະນຸລັກສິ່ງແວດລ້ອມຂອງໂຮງຮຽນໂຄສະນາເຜີຍແຜ່ບົດບາດຂອງກິດຈະກຳ,ຊັກຊວນຄົນຫຼາຍກວ່າເກົ່າມາເຂົ້າຮ່ວມ,ເຮັດໃຫ້ຄວາມຮູ້ດ້ານການອະນຸລັກສິ່ງແວດລ້ອມເຊື່ອມຊຶມເຂົ້າເທື່ອລະເລັກເທື່ອລະໜ້ອຍ.ນອກນີ້,ຂ້ອຍກໍ່ຍັງນຳໃຊ້ໂອກາດນີ້ໂຄສະນາຄວາມຮູ້ທົ່ວໄປເພື່ອອະນຸລັກສິ່ງແວດລ້ອມໃຫ້ແກ່ພະນັກງານໂຮງແຮມທີ່ຂ້ອຍເຮັດວຽກ.ທາງໂຮງແຮມກໍ່ເລີ່ມໃຊ້ເຈັ້ຍໝູນວຽນ,ຊັກຊວນໃຫ້ພະນັກງານເມື່ອອະນາໄມຫ້ອງນອນແລ້ວ,ຄວນມອດກົ່ງເຕີຄວບຄຸມໄຟຟ້າໃນຫ້ອງກ່ອນແລ້ວຈິ່ງເອົາບັດໄຟຟ້າອອກເພື່ອປະຢັດໄຟຟ້າ,ຂ້ອຍມັກທີ່ສຸດຕໍ່ເລື່ອງທີ່ຂ້ອຍພວມເຮັດໃນປັດຈຸບັນ."
1 2
ນາງຢາງໝຽວ ແມ່ນນັກສຶກສາປະລິນຍາໂທຂອງມະຫາວິທະຍາໄລຊົນເຜົ່າຊີນານ,ນາງຍັງແມ່ນທູດເປັນມິດກັບສິ່ງແວດລ້ອມທີ່ເຂົ້າຮ່ວມກິດຈະກຳ"ການເຄື່ອນໄຫວຂອງທູດຊາວໜຸ່ມ1000ຄົນທີ່ ເປັນມິດກັບສິ່ງແວດລ້ອມ".ບ້ານຂອງນາງຢູ່ເມືອງປົກຄອງຕົນເອງເຜົ່າຊ່ຽງເປຊວນທີ່ເປັນເຂດປະສົບໄພແຜ່ນດິນໄຫວເສສວນຢ່າງຮຸນແຮງ.ໃນແຜ່ນດິນໄຫວເທື່ອນີ້ສະມາຊິກໃນຄອບຄົວນາງໄດ້ເສຍ4ຄົນເຊິ່ງລວມທັງພໍ່.ໄພທຳມະຊາດເຮັດໃຫ້ຄອບຄົວທີ່ທຸກຍາກຂອງນາງຍິ່ງທຸກກວ່າເກົ່າ.ແຕ່ວ່າ,ໃນເວລາລົມກັບນັກຂ່າວ,ນາງຢາງໝຽວທີ່ຄອບຄົວເຫຼືອແຕ່ແມ່ກັບລູກສອງຄົນນັ້ນພັດສະແດງໃຫ້ເຫັນຄວາມເຂັ້ມແຂງດ້ານຈິດໃຈທີ່ສຸດ,ນາງບໍ່ໄດ້ຈົ່ມວ່າຫຍັງເລີຍ.ເມື່ອຜ່ານຜ່າໄພແຜ່ນດິນໄຫວເທື່ອນີ້ແລ້ວ,ນາງສຳນຶກຫຼາຍກວ່າເກົ່າກ່ຽວກັບວ່າເປັນຫຍັງຈິ່ງຄວນເອົາໃຈໃສ່ຜູ່ອື່ນແລະເປັນຫ່ວງສັງຄົມ,ໃນນັ້ນ,ຍັງມີການເປັນຫ່ວງນຳບັນຫາສິ່ງແວດລ້ອມຂອງບ້ານເກີດເມືອງນອນລວມຢູ່ນຳ.ນາງບອກວ່າ:
"ຂ້ອຍເຮັດວຽກການອະນຸລັກສິ່ງແວດລ້ອມກໍ່ແມ່ນຍ້ອນເລື່ອງໜຶ່ງທີ່ເກີດຂຶ້ນຢູ່ບ້ານເກີດຂ້ອຍຫຼັງໄພແຜ່ນດິນໄຫວ.ພາຍຫຼັງໄພແຜ່ນດິນໄຫວ,ຢູ່ເມືອງເປຊວນ,ໃນຈຳນວນຄົນທີ່ໂຊກດີບໍ່ເສຍຊີວິດໃນເວລາເກີດໄພແຜ່ນດິນໄຫວ,ແຕ່ຊ້ຳພັດມີ20ກວ່າຄົນເສຍຊີວິດໃນເຫດການດິນເຈື່ອນຍ້ອນປ່າໄມ້ຖືກທຳລາຍຫຼາຍໂພດ,ຂ້ອຍຮູ້ສຶກ ຕົກໃຈຫຼາຍ."
ພາຍລຸນມາ,ນາງຢາງໝຽວໄດ້ຊາບຈາກຄະນະຈັດຕັ້ງອະນຸລັກສິ່ງແວດລ້ອມຂອງໂຮງຮຽນຕົນວ່າທາງໂຮງຮຽນພວມດຳເນີນກິດຈະກຳ"ການເຄື່ອນໄຫວຂອງທູດຊາວໜຸ່ມ1000ຄົນທີ່ເປັນມິດກັບສິ່ງແວດລ້ອມ",ນາງກໍ່ເລີຍສະເໜີເຂົ້າຮ່ວມໂດຍບໍ່ລັງເລໃຈຫຍັງເລີຍ,ກຽມຕົວຮັບການຝຶກອົບຮົມ,ເພື່ອເປັນທູດຊາວໜຸ່ມອະນຸລັກສິ່ງແວດລ້ອມຜູ່ໜຶ່ງ.
"ການເຄື່ອນໄຫວຂອງທູດຊາວໜຸ່ມ1000ຄົນທີ່ເປັນມິດກັບສິ່ງແວດລ້ອມ"ແມ່ນກິດຈະກຳເພື່ອສາທາລະນະປະໂຫຍດທີ່ລິເລີ່ມໂດຍກະຊວງອະນຸລັກສິ່ງແວດລ້ອມຈີນ,ຈະຮັບສະໝັກອາສາສະໝັກຊາວໜຸ່ມ1000ຄົນຈາກຮາກຖານແລະຊຸມຊົນຕ່າງໆແລ້ວຝຶກອົບຮົມຄວາມຮູ້ດ້ານການອະນຸລັກສິ່ງແວດລ້ອມເປັນເວລາ1ມື້ເຄິ່ງ,ແລ້ວແຕ່ລະຄົນຈະກັບຄືນສູ່ທ້ອງຖິ່ນຂອງຕົນເພື່ອອົບຮົມຕໍ່ອີກ1000ຄົນເປັນຢ່າງໜ້ອຍ,ເຮັດແນວນີ້,ເມື່ອຮອດທ້າຍເດືອນສິງຫາປີນີ້,ຈຳນວນຄົນທີ່ຮັບການອົບຮົມດ້ານການອະນຸລັກສິ່ງແວດລ້ອມຂອງທົ່ວປະເທດຈີນຄາດວ່າຈະບັນລຸເຖິງ1ລ້ານຄົນຂຶ້ນໄປ.
ນາງຢາງໝຽວຍັງໄດ້ຮູ້ຈາກເພື່ອນຮ່ວມຮຽນວ່າ,ກິດຈະກຳ ນີ້ບໍ່ແມ່ນກິດຈະກຳໄລຍະສັ້ນແລະເຮັດແບບບໍ່ຈິງຈັງ,ຫາກແມ່ນດຳເນີນເປັນເວລາ2ປີ.ສະນັ້ນ,ນາງຢາງໝຽວໃນນາມເປັນທູດອະນຸລັກສິ່ງແວດລ້ອມກໍ່ມີຄວາມຫ້າວຫັນຫຼາຍກວ່າເກົ່າໃນໂຄສະນາພຶດຕິກຳການດຳລົງຊີວິດຢ່າງປອດໃສແລະອະນຸລັກສິ່ງແວດລ້ອມ.ນາງບອກວ່າ,ໃນຖານະເປັນມືໃໝ່ໃນການໂຄສະນາຄວາມຮູ້ດ້ານການອະນຸລັກສິ່ງແວດລ້ອມ,ນາງຈະນຳໃຊ້ສອງປີນີ້ເພື່ອສະສົມຄວາມຮູ້ດ້ານອະນຸລັກສິ່ງແວດລ້ອມ,ແລະພະຍາຍາມຈົນສຸດຄວາມສາມາດເພື່ອໂຄສະນາຄວາມຮູ້ດ້ານນີ້ໃຫ້ຄົນຢູ່ອ້ອມຂ້າງເຊິ່ງລວມທັງໂຮງແຮມທີ່ນາງເຮັດວຽກໃນເວລາຫວ່າງເພື່ອຫາເງິນຈ່າຍຄ່າຮຽນນັ້ນອີກດ້ວຍ.ນາງບອກວ່າ:
"ຂ້ອຍຈະຮ່ວມກັບອາສາສະໝັກອະນຸລັກສິ່ງແວດລ້ອມແລະສະມາຄົມອະນຸລັກສິ່ງແວດລ້ອມຂອງໂຮງຮຽນໂຄສະນາເຜີຍແຜ່ບົດບາດຂອງກິດຈະກຳ,ຊັກຊວນຄົນຫຼາຍກວ່າເກົ່າມາເຂົ້າຮ່ວມ,ເຮັດໃຫ້ຄວາມຮູ້ດ້ານການອະນຸລັກສິ່ງແວດລ້ອມເຊື່ອມຊຶມເຂົ້າເທື່ອລະເລັກເທື່ອລະໜ້ອຍ.ນອກນີ້,ຂ້ອຍກໍ່ຍັງນຳໃຊ້ໂອກາດນີ້ໂຄສະນາຄວາມຮູ້ທົ່ວໄປເພື່ອອະນຸລັກສິ່ງແວດລ້ອມໃຫ້ແກ່ພະນັກງານໂຮງແຮມທີ່ຂ້ອຍເຮັດວຽກ.ທາງໂຮງແຮມກໍ່ເລີ່ມໃຊ້ເຈັ້ຍໝູນວຽນ,ຊັກຊວນໃຫ້ພະນັກງານເມື່ອອະນາໄມຫ້ອງນອນແລ້ວ,ຄວນມອດກົ່ງເຕີຄວບຄຸມໄຟຟ້າໃນຫ້ອງກ່ອນແລ້ວຈິ່ງເອົາບັດໄຟຟ້າອອກເພື່ອປະຢັດໄຟຟ້າ,ຂ້ອຍມັກທີ່ສຸດຕໍ່ເລື່ອງທີ່ຂ້ອຍພວມເຮັດໃນປັດຈຸບັນ."
ຂ່າວ-ບົດທີ່ກ່ຽວຂ້ອງ
ຄຳເຫັນ