ຄວາມຝັນສີຂຽວຂອງທູດຊາວໜຸ່ມອະນຸລັກສິ່ງແວດລ້ອມ
(GMT+08:00) 2009-06-24 09:28:32 cri
-----------------------------------------------------------------------------------------------------------------
-----------------------------------------------------------------------------------------------------------------
ທ້າວຢາງພິງຈ່ຽນ ນັກສຶກສາຂອງມະຫາວິທະຍາໄລປັກກິ່ງມີອາຍຸຊ່ຳກັບນາງຢາງໝຽວ.ລາວກໍ່ແມ່ນຄົນໜຶ່ງທີ່ເຂົ້າຮ່ວມກິດຈະກຳນີ້.ລາວພວມຮຽນປະລິຍາເອກວິຊາສິ່ງແວດລ້ອມຢູ່ມະຫາວິທະຍາໄລປັກກິ່ງ,ພ້ອມກັນນັ້ນ,ລາວກໍ່ເປັນຜູ່ປະສານງານທັງເປັນຄູສອນຄວາມຮູ້ເພື່ອູໂຄສະນາຂອງກິດຈະກຳເທື່ອນີ້.
ທີ່ຈິງແລ້ວ,ໃນຫຼາຍປີມານີ້,ທ້າວຢາງພິງຈ່ຽນນຳພາຄະນະອະນຸລັກສິ່ງແວດລ້ອມມະຫາວິທະຍາໄລປັກກິ່ງໄດ້ເຮັດວຽກບໍ່ໜ້ອຍ,ໃນນັ້ນມີຫຼາຍໂຄງການເຊັ່ນການຄວບຄຸມບໍ່ໃຫ້ນ້ຳຖືກມົນລະພິດ,ການອະນຸລັກສິ່ງແວດລ້ອມເຂດແຄວ້ນ,ວາງແຜນຊີວະພາບ,ການປະເມີນຜົນກະທົບຂອງວິສາຫະກິດທີ່ມີຕໍ່ສິ່ງແວດລ້ອມເປັນຕົ້ນ.ທ້າວຢາງພິງຈ່ຽນເຫັນວ່າ,ໃນກິດຈະກຳ"ການເຄື່ອນໄຫວຂອງທູດຊາວໜຸ່ມ1000ຄົນທີ່ເປັນມິດກັບສິ່ງແວດລ້ອມ",ລາວພ້ອມດ້ວຍຄະນະຂອງຕົນຄວນນຳໃຊ້ທ່າແຮງດ້ານວິຊາສະເພາະຂອງຕົນຫຼາຍກວ່າເກົ່າເພື່ອເສີມຂະຫຍາຍບົດບາດທີ່ເປັນຫຼັກແຫຼ່ງແລະຂົວຕໍ່,ເຜີຍແຜ່ຄວາມຮູ້ແລະຂ່າວສານດ້ານການອະນຸລັກສິ່ງແວດລ້ອມເພື່ອໃຫ້ມວນຊົນທົ່ວໄປຮັບຮູ້ຢ່າງງ່າຍດາຍແລະມ່ວນຊື່ນ.ທ້າວຢາງພິງຈ່ຽນບອກວ່າ:
"ຄຳສັບວິຊາການດ້ານການອະນຸລັກສິ່ງແວດລ້ອມສຳລັບມວນຊົນທົ່ວໄປແລ້ວອາດຈະຮັບຮູ້ແລະເຂົ້າໃຈຍາກ,ອີກດ້ານໜຶ່ງ,ມວນຊົນກໍ່ຕ້ອງການຂ່າວສານດ້ານນີ້,ໃນນັ້ນ,ມີຂ່າວສານຈຳນວນໜຶ່ງເພິ່ນມັກເຂົ້າໃຈຜິດ.ໃນນາມເປັນຄູສອນ,ຂ້ອຍເຫັນວ່າ,ມີບົດບາດຢູ່ນຳບ່ອນທີ່ວ່າ, ຕົນເອງມີແນວຄິດອະນຸລັກສິ່ງແວດລ້ອມທັງສາມາດປະຕິບັດແນວຄິດໃນຊີວິດຕົວຈິງ,ແຕ່ຄັນຢາກເຜີຍແຜ່ແນວຄິດນີ້ໃຫ້ດີກວ່າເກົ່າ,ຈຳຕ້ອງເຜີຍແຜ່ໄປເຖິງປະຊາຊົນທີ່ກວ້າງຂວາງກວ່າເກົ່າ,ໃຫ້ເຂົາເຈົ້າຮັບເອົາແລະເຂົ້າໃຈໄດ້.ຄະນະພວກເຮົາໄດ້ອຳນວຍສິ່ງຮັບປະກັນຈຳນວນໜຶ່ງ,ຫຼີກລ້ຽງຄວາມຜິດດ້ານຄວາມໝາຍວິທະຍາສາດແລະຄວາມເວົ້າທີ່ມວນຊົນບໍ່ເຂົ້າໃຈ."
ໃນນາມເປັນຜູ່ລິເລີ່ມກິດຈະກຳ"ການເຄື່ອນໄຫວຂອງທູດຊາວໜຸ່ມ1000ຄົນທີ່ເປັນມິດກັບສິ່ງແວດລ້ອມ",ທ່ານເຈຍເຟິງ ຮອງຫົວໜ້າພະແນກໂຄສະນາສຶກສາຂອງກະຊວງອະນຸລັກສິ່ງແວດລ້ອມຈີນເມື່ອກ່າວເຖິງກິດຈະກຳເທື່ອນີ້,ທ່ານເວົ້າວ່າ:
"ຜ່ານຈາກກິດຈະກຳເຫຼົ່ານີ້,ເຮັດໃຫ້ຜູ່ເຂົ້າຮ່ວມໄດ້ສຳຜັດດ້ວຍຕົນເອງ,ແລ້ວຜ່ານຈາກເຂົາເຈົ້າໄປຝຶກອົບຮົມຜູ່ອື່ນອີກ,ສາມາດເຮັດໃຫ້ຫຼາຍຄົນກວ່າເກົ່າໃນທົ່ວສັງຄົມຮັບຮູ້ເຖິງຄວາມໝາຍສຳຄັນຂອງບັນຫາອະນຸລັກສິ່ງແວດລ້ອມ,ສ້າງບັນຍາກາດອະນຸລັກສິ່ງແວດລ້ອມໃນທົ່ວສັງຄົມເພື່ອກໍ່ສ້າງຄວາມສີວິໄລດ້ານຊີວະພາບ,ຮັບມືກັບການທ້າທາຍດ້ານສິ່ງແວດລ້ອມແລະຊັບພະຍາກອນ."
ທ່ານເຈຍເຟີງກ່າວວ່າ,ຊາວໜຸ່ມເປັນຜູ່ນຳໃນອະນາຄົດ,ເຂົາເຈົ້າມີລະດັບແນວຄິດດ້ານການອະນຸລັກສິ່ງແວດລ້ອມສູງຫຼືຕ່ຳ,ລະດັບຮັບຮູ້ບັນຫາສິ່ງແວດລ້ອມສູງຫຼືຕ່ຳ,ຖືກຫຼືຜິດພ້ອມທັງເຂົາເຈົ້າຍິນດີໃຊ້ການກະທຳຕົວຈິງເພື່ອອະນຸລັກສິ່ງແວດລ້ອມຫຼືບໍ່ນັ້ນເປັນສິ່ງຕັດສິນຄວາມສາມາດແກ້ໄຂບັນຫາສິ່ງແວດລ້ອມຂອງປະເທດຈີນແລະທົ່ວໂລກໃນອະນາຄົດ.ທ່ານເຈຍເຟິງຍິ່ງຫວັງໃຫ້ກິດຈະກຳເທື່ອນີ້ສາມາດບຳລຸງສ້າງຄວາມສາມາດດ້ານການນຳພາແລະຈິດໃຈເຮັດວຽກເປັນໝູ່ຄະນະຂອງຊາວໜຸ່ມໃນລະດັບໃດໜຶ່ງ.
ຂ່າວ-ບົດທີ່ກ່ຽວຂ້ອງ
ຄຳເຫັນ
