ຊີ່ຊີ່---ດິນທາມສວຍງາມ
-----------------------------------------------------------------------------------------------------------------
ປະຈຸບັນ, ສວນສາທາລະນະແຫ່ງຊາດຊີ່ຊີ່ໄດ້ປູກຕົ້ນໄມ້ຫຼາຍກວ່າ85%, ທັງໝົດມີພືດ262ຊະນິດ, ນົກ112ຊະນິດ, ນົກນາໆຊະນິດກວມ50%ຂອງຈຳນວນນົກທີ່ຢູ່ຫາງໂຈ່ວ.
ເພື່ອປັບປຸງຄຸນນະພາບຂອງນ້ຳໃຫ້ດີຂຶ້ນ, ຢູ່ດິນທາມຊີ່ຊີ່ໄດ້ລ້ຽງປານາໆຊະນິດ 1ລ້ານກວ່າໂຕແລະລ້ຽງນົກ120ຊະນິດ. ປະຈຸບັນ, ເດີນທາງຈາກໃນເມືອງຫາງ
ໂຈ່ວໄປຮອດດິນທາມຊີ່ຊີ່, ຈະຮູ້ສຶກເຢັນດີກວ່າແຕ່ກ່ອນ. ອຸນຫະພູມຂອງຊີ່ຊີ່ຢ່າງໜ້ອຍຕ່ຳກວ່າອຸນຫະພູມຂອງໃນເມືອງ2ຫາ3ອົງສາ, ແມ່ນ"ຕົວເມືອງປອດສີຂຽວ"ຢ່າງແທ້ຈິງ.
ໃນປະຫວັດສາດ, ຊີ່ຊີ່ເຄີຍແມ່ນແຫ່ງທ່ອງທ່ຽວແລະບ່ອນພັກພ່ອນຢ່ອນອາລົມເພື່ອຫຼີກໜີຄວາມສັບສົນວຸ້ນວາຍຈາກສັງຄົມຂອງນັກກະວີແລະນັກແຕ້ມ, ມີວັດທະນະທຳອັນຍາວນານ. ໃນຮ່ອງຮອຍເກົ່າແກ່ດ້ານມະນຸດສາດ10ກວ່າແຫ່ງຢຢູ່ທີ່ສວນສາທາລະນະດິນທາມ, ສວນກ່າວຈ່ວງຂອງທ່ານກ່າວຊື້ສີ, ເຈົ້າໜ້າທີ່ແລະນັກວິຊາການທີ່ມີຊື່ສຽງໃນລາຊະວົງຊິ່ງແມ່ນມີເນື້ອທີ່ກວ້າງທີ່ສຸດ, ນອກຈາກສະ ຖາປັດຕະຍາກຳສວນປ່າໄມ້ທີ່ສ້າງດ້ວຍກຳແພງສີຂາວແລະດິນຂໍສີຂຽວແລ້ວ, ຕົວໜັງສືທີ່ຂຽນຢູ່ເທິງປ້າຍກໍ່ມີນິທານຂອງມັນ, ນາງຈ່າງ, ຜູ້ພາທ່ຽວຂອງສວນສາ ທາລະນະດິນທາມເວົ້າວ່າ:
"ຕົວໜັງສືສອງໂຕຄື'ຈູສ່ວງ'ແມ່ນເຮັດດ້ວຍຄຳ, ນີ້ແມ່ນເຈົ້າຊີວິດຄ່າງຊີ່ຂຽນເອງ, ພວກເຮົາຊອກຕົວໜັງສືຂອງເຈົ້າຊີວິດຄ່າງຊີທີ່ເຄີຍຂຽນຈາກຫໍພິພິທະພັນແລ້ວ, ຈິ່ງກອັບປີ້ແລະຂະຫຍາຍອອກມາເປັນພິເສດ."
ນອກຈາກທິວທັດທີ່ມີຊື່ສຽງແລະຮ່ອງຮອຍເກົ່າແກ່ແລ້ວ, ຊີ່ຊີ່ຍັງມີຮີດຄອງປະເພນີທີ່ມີສີສັນພິເສດ. ເມື່ອຮອດບຸນຊ່ວງເຮືອ, ເຮືອນ້ອຍໃຫຍ່ຂອງບ້ານຕ່າງໆລ້ວນແຕ່ເຕົ້າໂຮມກັນເພື່ອຈັດບຸນເຮືອມັງກອນ. ໃນບຸນເຮືອມັງກອນ, ຊາວບ້ານຂີ່ເຮືອທີ່ມີຫຼາຍຮູບຮ່າງລັກສະນະເພື່ອສະແດງລາຍການໃຫ້ຜູ້ຊົມ, ນອກນີ້, ຍັງມີການສະແດງຮີດຄອງປະເພນີຕ່າງໆ ເຊັ່ນການສະແດງດອກໄຟຊີ່ຊີ່, ມວຍຊີ່ຊີ່ແລະເຫຼົ້າເຮືອມັງກອນຊີ່ຊີ່ເປັນຕົ້ນ.
ຖ້າວ່າທ່ານໄປບໍ່ທັນບຸ່ນຊ່ວງເຮືອ, ໄປຊິມເຂົ້າໜົມ, ຝັງງິ້ວເຢ້ຍແລະການເລົ່ານິ ທານພື້ນເມືອງຢູ່ຖະໜົນເຫີຈູທີ່ດິນທາມຊີ່ຊີ່ກໍ່ມ່ວມຄືກັນ. ຍ່າງຕາມຖະໜົນເຫີຈູ, ຈະໄດ້ເຫັນຊາວບ້ານທີ່ນຸ່ງເສື້ອລາຍດອກໄມ້ເຮັດກະຕ່າດອກໄມ້ນ້ອຍ, ກະຕ່າແບບນີ້ທັງງາມທັງມີປະຫວັດຂອງມັນ.ຊາວບ້ານທີ່ຊື່ວ່າຈຽງເຈຍເວົ້າວ່າ:"ປະຫວັດການເຮັດກະຕ່າມີ100ກວ່າປີແລ້ວ. ໝາກພັບໃນບ້ານເຮົາມີຊື່ສຽງ ຫຼາຍ, ກະຕ່າເຫຼົ່ານີ້ກໍ່ແມ່ນເອົາມາໃສ່ໝາກພັບ, ສາມາດໃສ່ໄດ້1ກິໂລ."
ເພື່ອນຳໃຊ້ທິວທັດດິນທາມຢ່າງເຕັມທີ່, ເມືອງຫາງໂຈ່ວຍັງສ້າງສະຖານທີ່ສຳຫຼວດວິທະຍາສາດແລະຄົ້ນຄວ້າວິທະຍາສາດຢູ່ໃນດິນທາມຊີ່ຊີ່ ເຊັ່ນຫໍພິພິທະພັນດິນທາມຈີນ, ສູນການຄົ້ນຄວ້າວິທະຍາສາດດິນທາມ, ສູນການສຳຫຼວດວິທະ ຍາສາດ, ເຂດຊົມນົກ, ສວນພືດດິນທາມ, ສາຖານີຕິດຕາມສິ່ງແວດລ້ອມ, ສະຖານີອຸຕຸນິຍົມແລະສະຖານີກອບກູ້ແລະຊ່ວຍເຫຼືອສັດປ່າເປັນຕົ້ນ.
ນາງສາງອີ້ງໂຫງ, ຮອງຫົວໜ້າກົມກະສິກຳແຫ່ງຊາດຈີນເຫັນວ່າ, ດິນທາມຊີ່ຊີ່ຄວນກາຍເປັນແບບຢ່າງຂອງມະນຸດທີ່ປັບປຸງສິ່ງແວດລ້ອມແລະອະນຸລັກທຳມະຊາດ. ນາງກ່າວວ່າ:
"ນັກທ່ອງທ່ຽວມາທ່ຽວຊີ່ຊີ່ມີຄວາມຮູ້ສຶກວ່າງົດງາມຫຼາຍ, ທີ່ຈິງແລ້ວ, ພວກເຮົາຄວນໃຊ້ການທ່ອງທ່ຽວເພື່ອປູກໃຈສຳນິກກ່ຽວກັບການອະນຸລັກຊີວະພາບແລະເຄົາລົບທຳມະຊາດ, ຍ້ອນວ່າພວກເຮົາແຕ່ລະຄົນກໍ່ມີໜ້າທີ່ຮັບຜິດຊອບຕໍ່ການອະນຸລັກສິ່ງແວດລ້ອມ."