ເມືອງສາງໂຈ່ວແຂວງຈ່ຽງຊູ-- ເມືອງມັງກອນຂອງຈີນ
-----------------------------------------------------------------------------------------------------------------
ນະຄອນຊຽງໄຮ້ຢູ່ເຂດສາມຫຼ່ຽມປາກແມ່ນ້ຳຢ່າງຊີກ້ຽງ.ບໍ່ພຽງແຕ່ເສດຖະກິດພັດທະນາຫຼາຍເທົ່ານັ້ນ,ແຕ່ຍັງມີທີ່ຕັ້ງ ທີ່ດີ,ມີທິວທັດທີ່ສວຍງາມຫຼາຍແຫ່ງ.ຖ້າທ່ານມີແຜນຈະໄປທ່ຽວຊຽງໄຮ້ໃນໄລຍະງານວາງສະແດງໂລກຊຽງໄຮ້2010,ພວກເຮົາຈະແນະນຳບ່ອນໃກ້ກັບຊຽງໄຮ້ແຫ່ງໜຶ່ງທີ່ໜ້າໄປທ່ຽວຄືເມືອງສາງໂຈ່ວແຂວງຈ່ຽງຊູທີ່ມີທິວທັດທຳມະຊາດສວຍສົດງົດງາມຢູ່ເຂດໃຕ້ແມ່ນ້ຳຢ່າງຊີກ້ຽງ.
ເມືອງສາງໂຈ່ວ
ເມືອງສາງໂຈ່ວຫ່າງຈາກນະຄອນຊຽງໄຮ້156ກິໂລແມັດ,ຂີ່ລົດໄຟດ່ວນພຽງແຕ່ຊົ່ວໂມງປາຍກໍ່ຮອດໂລດ.
ເມືອງສາງໂຈ່ວມີນາມມະຍົດວ່າ"ເມືອງມັງກອນ".ຕາມເລົ່າລືກັນວ່າເຄີຍມີມັງກອນ6ໂຕໄປເມືອງນີ້.ໃນສະໄໝຊຸນຊິວກ່ອນຄ.ສ770ເຖິງ476ປີ,ລູກຊາຍຂອງເຈົ້າຊີວິດອູໄດ້ສ້າງເມືອງຢູ່ແຫ່ງນີ້.
ຮອງຮອຍເມືອງຢ່ຽນເສິງສະໄໝຊຸນຊິວ
ເມືອງສາງໂຈ່ວມີປູສະນີຍະສະຖານທີ່ມີຊື່ສຽງຫຼາຍແຫ່ງຍ້ອນມີແຫຼ່ງອະລິຍະທຳອັນຮຸ່ງເຮືອງເຫຼືອງເຫຼືອມ.ຮອງຮອຍເມືອງຢ່ຽນເສິງສະໄໝຊຸນຊິວທີ່ກວມເນື້ອທີ່300ເຮັກຕາມີປະຫວັດ2500ກວ່າປີແລ້ວ,ເປັນເມືອງເກົ່າທີ່ປົກປັກຮັກສາໄດ້ຢ່າງສົມບູນທີ່ສຸດແລະເກົ່າແກ່ທີ່ສຸດນັບແຕ່ສະໄໝຊຸນຊິວມາຮອດປັດຈຸບັນຂອງຈີນ.ຄອງນ້ຳຈິ່ງຫາງທີ່ເກົ່າແກ່ໄຫຼຜ່ານເມືອງສາງໂຈ່ວ,ຄອງນ້ຳຕອນນີ້ເຄີຍມີເຮືອຂົນສົ່ງໄປໆມາໆຫຼາຍທີ່ສຸດຢູ່ເຂດໃຕ້ແມ່ນ້ຳຢ່າງຊີກຽງ,ເປັນສັກຂີພິຍານການປ່ຽນແປງຕາມປະຫວັດສາດຂອງເມືອງສາງໂຈ່ວ,ວັດທຽນນິງສານມີນາມມະຍົດວ່າ"ປ່າໄມ້ອັນດັບໜຶ່ງຂອງພາກຕາເວັນອອກສຽງເໜືອຈີນ",ເປັນສະຖານທີ່ທຳພິທີທາງພຸດທະສາສະໜາທີ່ມີຊື່ສຽງແລະແຫຼ່ງທ່ອງທ່ຽວວັດທະນະທຳສາສະໜາທີ່ລືຊາຂອງຈີນ.
ທາດທຽນນິງປາວ
ວັນທີ30ເມສາ2007,ທາດພຸດທະສາສະໜາທີ່ສູງໃຫຍ່ທີ່ສຸດຂອງຈີນໃນປັດຈຸບັນຄືທາດທຽນນິງປາວເມື່ອໄດ້ສ້າງມາເປັນເວລາ6ປີແລ້ວກໍ່ສຳເລັດຢ່າງເປັນທາງການ.ພະເຖລະພາຍໃນຈີນແລະຕ່າງປະເທດ108ອົງສູດມົນໃຫ້ທາດນີ້.ທ່ານເຕິ້ງຈຸ້ນ ຮອງຜູ່ອຳນວຍການໃຫຍ່ບໍລິສັດກໍ່ສ້າງທາດທຽນນິງປາວຈຳກັດບອກວ່າ:
"ທາດນີ້ໄດ້ລົງທຶນ200ລ້ານຢວນ,ສູງ13ຊັ້ນ,153,79ແມັດ,ກວມເນື້ອທີ່27.000ຕາແມັດ,ເປັນທາດສູງສຸດໃນທາດ4000ກວ່າແຫ່ງຂອງຈີນ.ທາດທຽນນິງປາວກົມກຽວກັບພະພຸດທະຮູບຢຸນກ່າງທີ່ຢູ່ພາກເໜືອ,ພະພຸດທະຮູບລົງເມິນທີ່ຢູ່ພາກກາງ,ພະພຸດທະຮູບເລີຊ່ານທີ່ຢູ່ພາກຕາເວັນຕົກ,ພະພຸດທະຮູບລິງຊ່ານທີ່ຢູ່ພາກຕາເວັນອອກແລະພະພຸດທະຮູບທຽນຖານຮົງກົງທີ່ຢູ່ພາກໃຕ້."
ນອກຈາກມີປູສະນີຍະສະຖານທີ່ມີຊື່ສຽງຈຳນວນຫຼວງຫຼາຍແລ້ວ,ປະຊາຊົນເມືອງສາງໂຈ່ວຍັງໄດ້ສ້າງເມືອງນີ້ໃຫ້ເປັນ"ແດນສະຫວັນສຳລັບຊື້ເຄື່ອງຂອງ"ດ້ວຍສະຕິປັນຍາຂອງຕົນ.ເຄື່ອງຫັດຖະກຳທີ່ມີຊື່ສຽງຊະນິດຕ່າງໆຂອງເມືອງສາງໂຈ່ວສ່ວນຫຼາຍມີຮ່ອງຮອຍປະຫວັດສາດ,ມີຂາຍຢູ່ແຫຼ່ງທ່ອງທ່ຽວຕ່າງໆ.ຫວີ,ເຄື່ອງຖັກແສ່ວ,ແກະສະຫຼັກໄມ້ໄຜ່ແລະເຄື່ອງຫັດຖະກຳອື່ນໆຂອງເມືອງສາງໂຈ່ວມີປະຫວັດອັນຍາວນານ.ເຄື່ອງວິຈິດຕະກຳຈິ່ງທ້າຍລານທີ່ມີຕຸກກະຕາໄດໂນເສົາ,"ໄຂ່ໄດໂນເສົາ"ຮູບແກະສະຫຼັກສີແລະອື່ນໆ,ເຮັດໃຫ້ນັກທ່ອງທ່ຽວສຳຜັດເຖິງຄວາມມີຊີວິຊີວາໃໝ່ດ້ານການທ່ອງທ່ຽວຂອງເມືອງສາງໂຈ່ວ.
