ເມືອງສາງໂຈ່ວແຂວງຈ່ຽງຊູ-- ເມືອງມັງກອນຂອງຈີນ
-----------------------------------------------------------------------------------------------------------------
ຫວີຊູປີ້
ຫວີໄມ້ ,ຫວີຊູປີ້ຂອງເມືອງສາງໂຈ່ວເປັນເຄື່ອງຫັດຖະກຳທີ່ມີຊື່ສຽງຂອງຈີນ,ມີມາແຕ່ສະໄໝລາຊະວົງເວີຍຈິ້ນ,ມີປະຫວັດ1600ກວ່າປີແລ້ວ.ທ່ານຈິ່ນຊົງສຸນ ປະທານບໍລິສັດຜະລິດຫວີຊູປີ້ເມືອງສາງໂຈ່ວຈຳກັດບອກນັກຂ່າວດ້ວຍຄວາມພາກພູມໃຈວ່າ:
"ໃນສະໄໝລາຊະວົງຊິງ,ແຕ່ລະປີກໍ່ຕ້ອງມອບໝາຍໃຫ້ໜ່ວຍອຸດສາຫະກຳແຜ່ນແພແລະການຜະລິດສາງໂຈ່ວຜະລິດຫວີຊູປີ້ທີ່ດີເລີດຈຳນວນຫຼວງຫຼາຍເພື່ອ ຖວາຍໃຫ້ພະລາຊະວັງ,ສະນັ້ນ,ຫວີຊູປີ້ຂອງເມືອງສາງໂຈ່ວຈິ່ງມີນາມມະຍົດວ່າ"ຫວີລາຊະວັງ".ຫວີງ່າຊ້າງທີ່ເມືອງສາງໂຈ່ວຜະລິດສຳລັບພະມານດາສືຊີໃຊ້ຫວີຜົມນັ້ນປັດຈຸບັນຍັງຮັກສາໄວ້ໃນຫໍພິພິດທະພັນລາຊະວັງກູ້ກົ່ງທີ່ຢູ່ປັກກິ່ງ.ຫວີຊູປີ້ຂອງເມືອງສາງໂຈ່ວເຄີຍໄດ້ຮັບລາງວັນຂັນເງິນໃນງານວາງສະແດງສັນຕິພາບທີ່ຈັດຂຶ້ນຢູ່ຊານຟຣານຊີສໂກຂອງອາເມລິກາໃນປີ1915,ປີ1926,ໄດ້ຮັບລາງວັນຂັນຄຳໃນງານວາງສະແດງສາກົນທີ່ຈັດຂຶ້ນຢູ່ ຟີນລາເດັນເຟຍຂອງອາເມລິກາ"
ຫວີຊູປີ້
ປີ2006,ຜະລິດຕະພັນປະເພດຫວີຂອງເມືອງສາງໂຈ່ວໄດ້ຮັບລາງວັນ"ເຄື່ອງລະລຶກທ່ອງທ່ຽວທີ່ມີເອກະລັກພິເສດ"ໃນງານແລກປ່ຽນສິນຄ້າການທ່ອງທ່ຽວພາຍໃນປະເທດຈີນ,ເດືອນສິງຫາປີດຽວກັນ,ໂຮງງານຜະລິດຫວີສາງໂຈ່ວຖືກຈັດເຂົ້າໃນບັນຊີລາຍຊື່ໜ່ວຍງານຮັບຜິດຊອບການປົກປັກຮັກສາວັດທະນະທຳທີ່ບໍ່ແມ່ນວັດຖຸຂອງແຂວງຈ່ຽງຊູ.ຫວີຊູປີ້ກາໝາຍ"ຊ້າງຂາວ"ທີ່ຈົດທະບຽນໃນປີ1925ໄດ້ໃຊ້ມາຈົນຮອດປັດຈຸບັນ,ເປັນກາໝາຍສິນຄ້າທີ່ມີຊື່ສຽງຂອງເມືອງສາງໂຈ່ວ,ຍັງຖືກຈັດເປັນ1ໃນ10ສັນຍະລັກຂອງເມືອງສາງໂຈ່ວອີກດ້ວຍ.
ຫວີຊູປີ້
ປະຊາຊົນຖືການກິນສຳຄັນຫຼາຍ. ຈຸດພິເສດອັນພົ້ນເດັ່ນທີ່ສຸດຂອງອາຫານແຊບຂອງເມືອງສາງໂຈ່ວແມ່ນບ່ອນເຕົ້າໂຮມອາຫານແຊບທີ່ມີຊື່ສຽງຂອງຈີນ, ປະສົມປະສານກັບວັດທະນະທຳເມືອງສາງໂຈ່ວ,ແລະຍັງມີການບໍລິການທີ່ດີແລະການປະດິດສ້າງໃໝ່ເລື້ອຍໆ.ຢູ່ເມືອງສາງໂຈ່ວ,ມີອາຫານທ້ອງຖິ່ນ4ຂະແໜງທີ່ມີຊື່ສຽງ,ອາຫານນັບເປັນໝື່ນຊະນິດ,ອາຫານກິນຫຼິ້ນຫຼາຍຈົນນັບບໍ່ຖ້ວນ.ຮ້ານອາຫານທ້ອງຖິ່ນຕ່າງໆແຈກຢາຍເຕັມຕາມແຄມຖະໜົນຫົນທາງ,ບໍ່ວ່າເຂົ້າຮ້ານໃດ,ເຈົ້າຂອງຮ້ານກໍ່ຈະຕ້ອນຮັບດ້ວຍອາຫານພິເສດຫຼາຍເຍື່ອງ.
ພິທີແຫ່ຂະບວນຮູບກາຕູນທີ່ເມືອງສາງໂຈ່ວເພື່ອດຶງດູດນັກທ່ອງທ່ຽວ
ເມືອງທີ່ມີສະເໜ່ຍ້ອນອາຫານການກິນເປັນເມືອງທີ່ໜ້າຮັກຫຼາຍ,ຖ້າທ່ານໄປເມືອງສາງໂຈ່ວ,ຢາລືມໄປຖະໜົນກິນດື່ມທີ່ມີຊື່ສຽງແຫ່ງໜຶ່ງເພື່ອຊິມອາຫານແຊບທີ່ມີສີສັນພິເສດ,ໄປຮ້ານອາຫານເກົ່າແກ່ທີ່ມີປະຫວັດຮ້ອຍປີ,ຊິມອາຫານທີ່ມີຊື່ສຽງ.ອາຫານແຊບແຕ່ລະເຍືອງຢູ່ແຫ່ງນີ້ຍ່ອມຈະເຮັດໃຫ້ທ່ານລືມບໍ່ລົງ.
ຖ້າທ່ານຢາກຮູ້ຈັກກັບຕົວເມືອງແຫ່ງໜຶ່ງຢ່າງແທ້ຈິງ,ກໍ່ຕ້ອງນອນຄ້າງຄືນໜຶ່ງ.ເຊົ້າມື້ຕໍ່ມາ,ຍ່າງອອກຈາກປະຕູໂຮງແຮມ,ທ່ານຈະໄດ້ເຫັນໃບໜ້າທີ່ແທ້ຈິງຂອງປະຊາຊົນເມືອງນັ້ນບໍ່ວ່າຈະເປັນຄົນເດີນທາງ ຟ້າວໄປບ່ອນໃດບ່ອນໜຶ່ງ,ຫຼືວ່າຄົນທີ່ຍ່າງເລາະທ່ຽວແບບສະບາຍໆ.ໂຮງແຮມແລະເຮືອນພັກຂອງເມືອງສາງໂຈ່ວ,ບາງແຫ່ງທັນສະໄໝ,ບາງແຫ່ງມີເອກະລັກສີສັນພິເສດພາກໃຕ້ຈີນ,ການບໍລິການຂອງແຕ່ລະແຫ່ງລ້ວນແຕ່ໃຊ້ມາດຕະຖານທີ່ດີທີ່ສຸດແລະມືອາຊີບທີ່ສຸດ,ເຮັດໃຫ້ທ່ານຮູ້ສຶກສະບາຍຄືກັບຢູ່ເຮືອນຕົນເອງ.ທ່ານຊູເວີຍ ຫົວໜ້າພະແນກການທ່ອງທ່ຽວເມືອງສາງໂຈ່ວໄດ້ກ່າວຄຳເຊື້ອເຊີນທີ່ຈິງໃຈທີ່ສຸດຕໍ່ນັກທ່ອງທ່ຽວ:
"ຍິນດີຕ້ອນຮັບທ່ານມາທ່ຽວສາງໂຈ່ວເລື້ອຍໆ,ພວກຂ້າພະເຈົ້າຫວັງຢາກໃຊ້ໂອກາດທີ່ຊຽງໄຮ້ຈັດງານວາງສະແດງໂລກ,ເຮັດໃຫ້ເມືອງສາງໂຈ່ວມີຊື່ສຽງຂຶ້ນໃນທົ່ວໂລກ."
