"ເຈົ້າຊາຍອາຟິຼກກາທີ່ນຳເອົາແຟຊັນມາສະເໜີຢູ່ຈີນ"
(GMT+08:00) 2009-09-08 18:10:51 cri
-----------------------------------------------------------------------------------------------------------------
-----------------------------------------------------------------------------------------------------------------
ຢູ່ເຂດຕົ່ງຊື້ສືທຽວນະຄອນຫຼວງປັກກິ່ງມີຮ້ານຂາຍເຄື່ອງນຸ່ງຮ້ານໜຶ່ງຊື່ວ່າ"ອ້າຍເຟີຍປູ້ອີ່". ເປັນຮ້ານນ້ອຍໆແຕ່ພັດມີລູກຄ້າ ອຸດໜູນຫຼາຍ.ເມື່ອຍ່າງເຂົ້າຮ້ານ,ກໍ່ຈະໄດ້ເຫັນເຄື່ອງນຸ່ງຂອງຖືທີ່ມີສີສັນສົດໃສແລະມີລວດລາຍທີ່ສວຍງາມ,ຄືໄດ້ພາລູກຄ້າອອກຈາກຖະໜົນເກົ່າແກ່ຂອງນະຄອນປັກກິ່ງເຂົ້າສູ່ແຜ່ນດິນໃຫຍ່ອາຟິຼກກາທີ່ເລິກລັບແລະມີສີສັນສວຍສົດງົດງາມ.ໜ້າສົນໃຈເປັນພິເສດນັ້ນແມ່ນອ້າຍບ່າວອາຟຼິກກາຜູ່ໜຶ່ງທີ່ຖືກເອີ້ນວ່າ"ເຈົ້າຊາຍ",ທີ່ມີຮ່າງກາຍລ້ຳສັນສູງ1ແມັດ80,ພວມຫຍິບເຄື່ອງຢູ່ລະຫວ່າງກອງເສື້ອຜ້າອາພອນນາໆສີແລະພາສາຈີນອັນຫຼ່ຽນໄຫຼທີ່ອ້າຍບ່າວຜູ່ນີ້ເວົ້າກັບລູກຄ້າ.
"ເຈົ້າຊາຍ"ຜູ່ນີ້ຊື່ແທ້ແມ່ນ"ໂອບິນນາ",ມາຈາກນີເຊຣີ.ເມື່ອເວົ້າເຖິງສາຍເຫດທີ່ວ່າເປັນຫຍັງຈຶ່ງເອີ້ນລາວວ່າເຈົ້າຊາຍ,ລາວບອກວ່າ:"ຂ້ອຍຊື່ວ່າໂອບິນນາ,ພໍ່ຂ້ອຍແມ່ນເຈົ້າກົກເຈົ້າເຫຼົ່າ,ສະນັ້ນ,ຄົນທັງຫຼາຍຈິ່ງເອີ້ນຂ້ອຍວ່າ"ເຈົ້າຊາຍ".ຄອບຄົວພວກຂ້ອຍມີອ້າຍເອື້ອຍນ້ອງນຳກັນ9ຄົນ,ຊາຍ4ຄົນ,ຍິງ5ຄົນ,ຂ້ອຍເປັນລູກຜູ່ທີ5."
ຕອນຮຽນຢູ່ມະຫາວິທະຍາໄລ,ເຈົ້າຊາຍຮຽນວິຊາວິສະວະກຳກົນຈັກ.ເມື່ອຮຽນຈົບແລ້ວ,ເຈົ້າຊາຍໄດ້ເປັນວິສະວະກອນຜູ່ໜຶ່ງ.ແຕ່ເມື່ອທຽບກັບວິສາວະກຳແລ້ວ,ລາວມັກການອອກແບບເຄື່ອງນຸ່ງຫຼາຍກວ່າ.ສະນັ້ນ,ບໍ່ເທົ່າໃດປີກ່ອນ,ລາວຈິ່ງໄດ້ຕັດສິນໃຈລາຈາກວຽກວິສະວະກອນ,ໄປເຮັດວຽກອອກແບບເຄື່ອງນຸ່ງ.
ປີ2005,ເຈົ້າຊາຍໄດ້ມາຈີນ,ໝູ່ໄດ້ແນະນຳໃຫ້ລາວ ຮູ້ຈັກກັບ ນາງລີເວີຍທົງ ຊ່າງອອກແບບເຄື່ອງນຸ່ງຂອງປັກກິ່ງ.ນາງລີເວີຍທົງເຄີຍໄປອາຟິຼກກາຫຼາຍເທື່ອ,ແລະຕິດໃຈນຳສິລະປະເຄື່ອງນຸ່ງຫົ່ມຂອງອາຟິຼກກາເປັນພິເສດ.ເມື່ອກັບມາປະເທດຈີນແລ້ວນາງກໍ່ໄດ້ຕັ້ງຮ້ານ"ອ້າຍເຟີຍປູ້ອີ່"ຂາຍເຄື່ອງນຸ່ງຂອງຖືອາຟິຼກກາໂດຍສະເພາະ.ຕໍ່ມາ,ເຈົ້າຊາຍໄດ້ຮ່ວມມືກັບູຮ້ານນີ້.ລາວເຮັດວຽກຢ່າງດຸໝັ່ນແລະຕັ້ງໃຈຫຼາຍ,ຫຼັງຈາກນັ້ນ3ເດືອນ,ລາວຍັງສາມາດລົມກັບລູກຄ້າດ້ວຍພາສາຈີນແບບງ່າຍໆໄດ້.
ພາຍຫຼັງເຂົ້າເປັນສະມາຊິກຂອງຮ້ານ"ອ້າຍເຟີຍປູ້ອີ່"ແລ້ວ,ການອອກແບບເທື່ອທຳອິດຂອງເຈົ້າຊາຍກໍ່ແມ່ນກະເປົາຜ້າປ່ານອາຟິຼກກາ,ການອອກແບບພິເສດໄດ້ຮັບຄວາມນິຍົມຈາກລູກຄ້າຈີນໃນທັນທີ.ເມື່ອໄດ້ເຫັນເຈົ້າຊາຍຄົນສູງໆໃຊ້ສອງມືໃຫຍ່ໆຫຍິບເຄື່ອງ,ເຮັດໃຫ້ຄົນອົດຫົວບໍ່ໄດ້.ແຕ່ສິ່ງທີ່ເຫຼືອເຊື່ອນັ້ນແມ່ນ,ສອງມືໃຫຍ່ໆຂອງເຈົ້າຊາຍຫຍິບເກັ່ງຫຼາຍ.ນາງລີເວີຍທົງຫວນຄືນວ່າ:
"ຂ້ອຍບໍ່ຄຶດເລີຍວ່າລາວເປັນຜູ່ຊາຍທີ່ຫຍິບເຄື່ອງງາມປານນີ້.ກໍ່ເລີຍຊື້ຜ້າປ່ານແບບຫຍາບໆມາໃຫ້ລາວຕັດຫຍິບເອງ.ມີເທື່ອໜຶ່ງ,ຢູ່ສວນສາທາລະນະຊາວຢາງປັກກິ່ງຈັດງານວາງສະແດງເຄື່ອງອາຟິຼກກາ,ລາວໄດ້ເຮັດກະເປົ໋າ100ກວ່າໜ່ວຍ,ຂາຍດີຫຼາຍ."
1 2
"ເຈົ້າຊາຍ"ຜູ່ນີ້ຊື່ແທ້ແມ່ນ"ໂອບິນນາ",ມາຈາກນີເຊຣີ.ເມື່ອເວົ້າເຖິງສາຍເຫດທີ່ວ່າເປັນຫຍັງຈຶ່ງເອີ້ນລາວວ່າເຈົ້າຊາຍ,ລາວບອກວ່າ:"ຂ້ອຍຊື່ວ່າໂອບິນນາ,ພໍ່ຂ້ອຍແມ່ນເຈົ້າກົກເຈົ້າເຫຼົ່າ,ສະນັ້ນ,ຄົນທັງຫຼາຍຈິ່ງເອີ້ນຂ້ອຍວ່າ"ເຈົ້າຊາຍ".ຄອບຄົວພວກຂ້ອຍມີອ້າຍເອື້ອຍນ້ອງນຳກັນ9ຄົນ,ຊາຍ4ຄົນ,ຍິງ5ຄົນ,ຂ້ອຍເປັນລູກຜູ່ທີ5."
ຕອນຮຽນຢູ່ມະຫາວິທະຍາໄລ,ເຈົ້າຊາຍຮຽນວິຊາວິສະວະກຳກົນຈັກ.ເມື່ອຮຽນຈົບແລ້ວ,ເຈົ້າຊາຍໄດ້ເປັນວິສະວະກອນຜູ່ໜຶ່ງ.ແຕ່ເມື່ອທຽບກັບວິສາວະກຳແລ້ວ,ລາວມັກການອອກແບບເຄື່ອງນຸ່ງຫຼາຍກວ່າ.ສະນັ້ນ,ບໍ່ເທົ່າໃດປີກ່ອນ,ລາວຈິ່ງໄດ້ຕັດສິນໃຈລາຈາກວຽກວິສະວະກອນ,ໄປເຮັດວຽກອອກແບບເຄື່ອງນຸ່ງ.
ປີ2005,ເຈົ້າຊາຍໄດ້ມາຈີນ,ໝູ່ໄດ້ແນະນຳໃຫ້ລາວ ຮູ້ຈັກກັບ ນາງລີເວີຍທົງ ຊ່າງອອກແບບເຄື່ອງນຸ່ງຂອງປັກກິ່ງ.ນາງລີເວີຍທົງເຄີຍໄປອາຟິຼກກາຫຼາຍເທື່ອ,ແລະຕິດໃຈນຳສິລະປະເຄື່ອງນຸ່ງຫົ່ມຂອງອາຟິຼກກາເປັນພິເສດ.ເມື່ອກັບມາປະເທດຈີນແລ້ວນາງກໍ່ໄດ້ຕັ້ງຮ້ານ"ອ້າຍເຟີຍປູ້ອີ່"ຂາຍເຄື່ອງນຸ່ງຂອງຖືອາຟິຼກກາໂດຍສະເພາະ.ຕໍ່ມາ,ເຈົ້າຊາຍໄດ້ຮ່ວມມືກັບູຮ້ານນີ້.ລາວເຮັດວຽກຢ່າງດຸໝັ່ນແລະຕັ້ງໃຈຫຼາຍ,ຫຼັງຈາກນັ້ນ3ເດືອນ,ລາວຍັງສາມາດລົມກັບລູກຄ້າດ້ວຍພາສາຈີນແບບງ່າຍໆໄດ້.
ພາຍຫຼັງເຂົ້າເປັນສະມາຊິກຂອງຮ້ານ"ອ້າຍເຟີຍປູ້ອີ່"ແລ້ວ,ການອອກແບບເທື່ອທຳອິດຂອງເຈົ້າຊາຍກໍ່ແມ່ນກະເປົາຜ້າປ່ານອາຟິຼກກາ,ການອອກແບບພິເສດໄດ້ຮັບຄວາມນິຍົມຈາກລູກຄ້າຈີນໃນທັນທີ.ເມື່ອໄດ້ເຫັນເຈົ້າຊາຍຄົນສູງໆໃຊ້ສອງມືໃຫຍ່ໆຫຍິບເຄື່ອງ,ເຮັດໃຫ້ຄົນອົດຫົວບໍ່ໄດ້.ແຕ່ສິ່ງທີ່ເຫຼືອເຊື່ອນັ້ນແມ່ນ,ສອງມືໃຫຍ່ໆຂອງເຈົ້າຊາຍຫຍິບເກັ່ງຫຼາຍ.ນາງລີເວີຍທົງຫວນຄືນວ່າ:
"ຂ້ອຍບໍ່ຄຶດເລີຍວ່າລາວເປັນຜູ່ຊາຍທີ່ຫຍິບເຄື່ອງງາມປານນີ້.ກໍ່ເລີຍຊື້ຜ້າປ່ານແບບຫຍາບໆມາໃຫ້ລາວຕັດຫຍິບເອງ.ມີເທື່ອໜຶ່ງ,ຢູ່ສວນສາທາລະນະຊາວຢາງປັກກິ່ງຈັດງານວາງສະແດງເຄື່ອງອາຟິຼກກາ,ລາວໄດ້ເຮັດກະເປົ໋າ100ກວ່າໜ່ວຍ,ຂາຍດີຫຼາຍ."
ຂ່າວ-ບົດທີ່ກ່ຽວຂ້ອງ
ຄຳເຫັນ