"ເຈົ້າຊາຍອາຟິຼກກາທີ່ນຳເອົາແຟຊັນມາສະເໜີຢູ່ຈີນ"
(GMT+08:00) 2009-09-08 18:10:51 cri
-----------------------------------------------------------------------------------------------------------------
-----------------------------------------------------------------------------------------------------------------
ນອກນັ້ນ, ເຈົ້າຊາຍຍັງແສ່ວຕົວໜັງສື"ເຈົ້າຊາຍ"ທີ່ເປັນເຄື່ອງໝາຍຫຼືlogoຂອງລາວໃສ່ເທິງກະເປົາທີ່ຕົນເອງອອກແບບຕາມຄຳສະເໜີຂອງນາງລີເວີຍທົງ.
ນອກຈາກອອກແບບກະເປົາແລ້ວ,ເຈົ້າຊາຍຍັງເຂົ້າຮ່ວມການອອກແບບເຄື່ອງນຸ່ງຂອງຮ້ານ"ອ້າຍເຟີຍປູ້ອີ່".ລາວເປັນຄົນສະໝອງໄວ,ມັກຈະມີຂໍ້ສະເໜີທີ່ດີໆໃຫ້ນາງລີເວີຍທົງ.ນາງບອກວ່າ:"ໃນດ້ານການໃຊ້ສີແລະອື່ນໆລາວມັກມີຄວາມຄຶດທີ່ດີກວ່າຂ້ອຍ,ລາວເວົ້າກັບຂ້ອຍວ່າ"ເຈົ້າໃຊ້ສີບໍ່ຖືກ",ແລ້ວບອກຂ້ອຍວ່າຕ້ອງເຮັດຈັ່ງຊັ້ນຈັ່ງຊັ້ນ,ເມື່ອຂ້ອຍຄຶດເບິ່ງຄັກໆແລ້ວກໍ່ຮູ້ສຶກວ່າແມ່ນຄວາມລາວແທ້."
ແຜ່ນແພຂອງຮ້ານ"ອ້າຍໄຟ່ປູ້ອີ່"ສ່ວນຫຼາຍແມ່ນແຜ່ນແພພື້ນເມືອງທີ່ຜະລິດຢູ່ນີເຊຣີ,ແລະສ່ວນຫຼາຍແມ່ນຕ່ຳດ້ວຍມື.ເອກະລັກອາຟິຼກກາທີ່ເຂັ້ມຂຸ້ນຂອງຮ້ານນີ້ໄດ້ດຶງດູດຄົນສັນຈອນໄປມາຈຳນວນຫຼວງຫຼາຍທີ່ຍ່າງຜ່ານຜ່ານໄປ.ໃນເວລາເອົາຂ່າວ,ນັກຂ່າວໄດ້ເຫັນລູກຄ້າເຂົ້າຮ້ານຢ່າງບໍ່ຂາດສາຍ,ຈົນຮູ້ສຶກວ່າຮ້ານນ້ອຍໆນີ້ຄັບແຄບຫຼາຍ.ນາງເຊິ່ນທີ່ບັງເອີນຍ່າງເຂົ້າຮ້ານກໍ່ເຂົ້າມາເບິ່ງຄືກັນ,ນາງບອກວ່າ:"ພິເສດຫຼາຍ,ເຄື່ອງປະດັບ,ແບບເຄື່ອງນຸ່ງກໍ່ຕ່າງກັບແບບຈີນ,ໜ້າສົນໃຈຫຼາຍ,ເບິ່ງໜ້າຕາກໍ່ຮູ້ໂລດວ່າເຈົ້າຂອງຮ້ານເປັນຄົນຕ່າງປະເທດ."
ນອກຈາກລູກຄ້າທີ່ບັງເອີນຍ່າງຜ່ານຮ້ານຈິ່ງສົນໃຈ,ເຈົ້າຊາຍຍັງຄ່ອຍໆມີລູກຄ້າປະຈຳຂອງຕົນເອງຫຼາຍຂຶ້ນ.ນາງຟ້ານກໍ່ແມ່ນຜູ່ໜຶ່ງ.ບໍ່ເທົ່າໃດປີກ່ອນ,ໝູ່ແນະນຳໃຫ້ນາງມາຮ້ານ"ອ້າຍເຟີຍປູ້ອີ່"ກໍ່ຖືກດຶງດູດໃຈຍ້ອນເອກະລັກພິເສດຂອງຮ້ານນີ້ໃນທັນທີ,ໃນທີ່ສຸດກໍ່ກາຍເປັນລູກຄ້າປະຈຳຂອງຮ້ານນີ້.ນາງບອກວ່າ:"ຮູ້ສຶກດີຫຼາຍ,ເພາະວ່າຂ້ອຍມັກສີສັນຂອງເຄື່ອງນຸ່ງຮ້ານນີ້ເປັນພິເສດ,ເສື້ອແຕ່ລະໂຕຂ້ອຍກໍ່ຢາກລອງໃສ່.ສິ່ງທີ່ໜ້າສົນໃຈກວ່າໝູ່ກໍ່ແມ່ນສີສັນລວດລາຍຂອງແຜ່ນແພຂ້ອຍມັກທີ່ສຸດ,ອັນທີສອງແມ່ນເນື້ອແພຝ້າຍ,ນຸ່ງແລ້ວຮູ້ສຶກສະບາຍທີ່ສຸດ."
ເຈົ້າຊາຍເຮັດວຽກ ລະອຽດທີ່ສຸດ,ໃນຮ້ານນີ້ມີປຶ້ມບັນທຶກການຈຳໜ່າຍ6ຫາ7ຫົວ,ເຊິ່ງໄດ້ບັນທຶກສະພາບການຈຳໜ່າຍ,ສິນຄ້າເຫຼືອໃນສາງແລະຍັງມີການບັນທຶກກ່ຽວກັບລູກຄ້າທີ່ຈ່າຍເງິນດ້ວຍບັດເຄຼເດັດເຫຼົ່ານີ້ເປັນຕົ້ນ.ປຶ້ມບັນທຶກແຕ່ລະຫົວ,ເຈົ້າຊາຍໄດ້ບັນທຶກໄວ້ຢ່າງລະອຽດແລະຈະແຈ້ງທີ່ສຸດ.ໃນໄລຍະຢູ່ຈີນເກືອບ4ປີ,ໂດຍອີງໃສ່ຄວາມສະດຸ້ງໄວຕໍ່ແຟຊັນແລະມີນ້ຳໃຈທີ່ອົດທຸກທົນຍາກ,ເຈົ້າຊາຍໄດ້ຮັບຄວາມຍ້ອງຍໍຈາກນາງລີເວີຍທົງທີ່ເປັນເຈົ້າຂອງຮ້ານ,ເຈົ້າຊາຍເອງກໍ່ໄດ້ສ້າງຜົນສຳເລັດຂອງຕົນເອງ.
ກ່ອນໄປປະເທດຈີນ,ເຈົ້າຊາຍເຄີຍຢູ່ອາຟິຼກກາໃຕ້,ອີຕາລີ,ຝະຣັ່ງແລະເຢຍລະມັນເປັນເວລາຫຼາຍປີ.ແຕ່ລາວເວົ້າວ່າ,ໃນໄລຍະດຳລົງຊີວິດຢູ່ຈີນລາວຮູ້ສຶກສະບາຍໃຈທີ່ສຸດ.ຢູ່ຈີນເກືອບ4ປີ,ລາວຮັກດິນແດນແຫ່ງນີ້ແລະປະຊາຊົນແຫ່ງນີ້.ລາວບອກວ່າ:"ຈີນໜ້າຮັກອີ່ຫຼີ,ເປັນດິນແດນທີ່ເຈົ້າຢູ່ໄດ້ແລະສາມາດບັນລຸຄວາມໄຝ່ຝັນຂອງຕົນໄດ້.ຈີນຮັກຂ້ອຍ,ຂ້ອຍກໍ່ຮັກຈີນຄືກັນ."
ຂ່າວ-ບົດທີ່ກ່ຽວຂ້ອງ
ຄຳເຫັນ
