ວັນທີ 14 ກຸມພານີ້ແມ່ນບຸນກຸດຈີນທີ່ເປັນບຸນປະເພນີທີ່ສຳຄັນທີ່ສຸດຂອງຈີນ.ເລີ່ມແຕ່ມື້ນັ້ນໄປ,ປະຊາຊົນຈີນກໍ່ໄດ້ເຂົ້າສູ່ປີຂານໃນ 12 ລາສີຕາມປະເພນີຈີນ. ວັດທະນະທຳກ່ຽວກັບເສືອແມ່ນເນື້ອໃນສຳຄັນອັນຫນຶ່ງໃນວັດທະນະທຳພື້ນເມືອງຂອງຈີນ,ໃນສະໄຫມບູຮານ, ເສືອກໍ່ໄດ້ຮັບຄວາມເຄົາລົບນັບຖືຈາກຄົນທັງຫລາຍ,ສ່ວນໃນວັດທະນະທຳ 12 ລາສີຂອງຈີນ, ເສືອກໍ່ເປັນສັນຍາລັກແຫ່ງຄວາມອົງອາດກ້າຫານແລະມີພະລັງ,ສາມາດຂັບໄລ່ຜີສາງນາງຮ້າຍ,ພ້ອມກັນນັ້ນ ເສືອກໍ່ເປັນຕົວແທນໃຫ້ແກ່ນິດໃສທີ່ເຫັນໄປໃນແງ່ດີ, ມີຄວາມໂອບອ້ອມອາລີແລະເອື້ອເຟື້ອເພື່ອແຜ່.
ຮູບເງົາກາຕູນທີ່ພວມສາຍຢູ່ແຫ່ງຕ່າງໆໃນທົ່ວປະເທດຈີນທີ່ມີຊື່ວ່າ:ຊີຢາງຢາງກັບຮຸ່ຍທ້າຍລັງ--ກ້າຫານຄືເສືອ.ພະເອກໃນຮູບເງົາເລື່ອງນີ້ແມ່ນຊີຢາງຢາງຫລືແກະກັບຮຸ່ຍທ້າຍລັງຫລືຫມາໄນທີ່ເປັນຮູບເງົາກາຕູນທີ່ໄດ້ຮັບຄວາມນິຍົມຊົມຊອບຫລາຍຈາກເດັກນ້ອຍຈີນ.ເລື່ອງນີ້ໄດ້ເວົ້າເຖິງເລື່ອງແກະກັບຫມາໄນທີ່ເປັນສັດຕູກັນໄດ້ຮ່ວມມືກັນໃນປີຂານເພື່ອສູ້ລົບກັບຫູເວີຍທ້າຍຊຸ້ຍ,ແປວ່າພະຍາດາວພະຫັດທີ່ຂຶງຂັງ.ເຖິງວ່າຕົວສະແດງງ່າຍໆແລະເນື້ອໃນກໍ່ບໍ່ສັບສົນ,ແຕ່ເມື່ອສາຍຮູບເງົາເລື່ອງນີ້ເທື່ອໃດກໍ່ມີຄົນເບິ່ງເຕັມທຸກຮອບ,ບໍ່ພຽງແຕ່ແມ່ນເດັກນ້ອຍທໍ່ນັ້ນ,ຍັງມີໄວໜຸ່ມແລະຜູ່ເຖົ້າຜູ່ແກ່.ລຽນແຖວກັນຊື້ປີ້ຢ່າງຍາວຍືດ.
ພາຍໃຕ້ແຮງກົດດັນຂອງຮູບເງົາ ນຳເຂົ້າຈາກຕ່າງປະເທດແລະຮູບເງົາຈີນທີ່ສຳຄັນຫລາຍເລື່ອງ, ການສາຍຮູບເງົາກາຕູນເລື່ອງ ຄວາມກ້າຫານຂອງແກະແລະໝາກໄນໄດ້ສະແດງໃຫ້ເຫັນຄວາມກ້າຫານແລະຄວາມມີຊີວິດຊີວາຂອງເຂົາເຈົ້າທີ່ຄືກັບເສືອ,ໃນສັບປະດາທຳອິດທີ່ເລີ່ມສາຍກໍ່ຂາຍປີ້ໄດ້ເກືອບ 44 ລ້ານຢວນ, ເປັນທີສອງໃນການຈັດອັນດັບຮູບເງົາທີ່ຂາຍດີ.ບຸກຄົນທີ່ມີຊື່ສຽງໃນວົງການນີ້ຄາດຄະເນວ່າຮູບເງົາ ສະຫລອງປີຂານທີ່ຕົ້ນທຶນຕ່ຳເລື່ອງນີ້ອາດຈະໄດ້ກຳໄລເຖິງ200 ລ້ານຢວນ.
ເສືອມີຖານະບົດບາດສຳຄັນຫຼາຍໃນວັດທະນະທຳດັ້ງເດີມຂອງຈີນ,ຄົນຈີນມັກເສືອ,ຖືວ່າເສືອເປັນເຈົ້າປ່າ,ແມ່ນສັນຍາລັກແຫ່ງສິດແລະອຳນາດ.ເຄື່ອງໝາຍຄຳສັ່ງຂອງເຈົ້າຊີວິດທີ່ໃຊ້ມາຍົກຍ້າຍທະຫານໄປສູ້ຮົບນັ້ນກໍ່ແມ່ນເອົາທອງສຳເລັດຫຼືຄຳຕີເປັນຮູບເສືອ,ເອີ້ນວ່າກາປະທັບເສືອ.ຄົນຈີນແຕ້ມເສືອມັກແຕ້ມລວດລາຍຢູ່ໜ້າຜາກຂອງເສືອເປັນໂຕໜັງສືຈີນທີ່ອ່ານວ່າ"ວາງ" ແປວ່າ"ເຈົ້າ",ມີຄວາມໝາຍວ່າເສືອເປັນຜູ່ປົກຄອງ.ໃນວັດທະນະທຳດັ້ງເດີມຂອງຈີນ, ເສືອຍັງເປັນຕົວແທນໃຫ້ແກ່ຄວາມກ້າຫານແລະສິລິມຸງຄຸນ.ທ່ານຈ້າວຊູ,ຜູ່ຊ່ຽວຊານດ້ານປະເພນີພື້ນເມືອງທີ່ມີຊື່ສຽງຂອງຈີນບອກວ່າ:
ໃນສະໄຫມບູຮານ, ຈີນແມ່ນປະເທດທີ່ມີປ່າໄມ້ດົກຫນາ,ສະນັ້ນ, ມີເສືອພາກຕາເວັນອອກສຽງເຫນືອ,ແລະເສືອພາກໃຕ້,ເສືອແມ່ນສັດນຳໂຊກຂອງຊາວຈີນ,ຄົນຈີນແຕ້ມເສືອມີຫລາຍຮູບຫລາຍແບບ,ເພື່ອໃຊ້ເປັນສິ່ງສີລິມຸງຄຸນຄົນຈີນພວກເຮົາ,ຖືເປັນເທວະດາປົກຄອງ.ສະນັ້ນ,ເສືອມີຊື່ ຫຼາຍທີ່ສຸດ,ມີປະມານ 30 ກວ່າຊື່,ເຊິ່ງເວົ້າງ່າຍໆກໍ່ແມ່ນ ຊ່ານຈຸ່ນ,ແປວ່າເຈົ້າແຫ່ງພູຜາ,ເຊິ່ງໝາຍຄວາມວ່າມັນສາມາດຂັບໄລ່ຜີສາງນາງຮ້າຍ,ສາມາດກິນຜີຮ້າຍຜີຫ່າທີ່ບໍ່ດີ.ສະນັ້ນ, ໃນຍາມບຸນກຸດຈີນ,ພວກເຮົາມັກຫ້ອຍຮູບເສືອຢູ່ໃນຫ້ອງໃຫຍ່ຄືຫ້ອງຮັບແຂກ,ເພາະຄົນທັງຫຼາຍຖືເສືອເປັນເທວະດາ.
1 2 
