ສັດ12 ລາສີຂອງຈີນມີ ຫນູ,ງົວ, ເສືອ,ກະຕ່າຍແລະອື່ນໆ12ຊະນິດ,ປີຫນຶ່ງປ່ຽນສັດຊະນິດຫນຶ່ງ, 12 ປີແມ່ນຮອບຫນຶ່ງ,ສະນັ້ນເອີ້ນວ່າ 12 ລາສີ.ໃນເມື່ອເວລາຕ້ອນຮັບປີໃຫມ່,ຈີນກໍ່ຈະພິມຈຳຫນ່າຍສະແຕັມທີ່ເປັນສັດປະຈຳປີນັ້ນ.ທ່ານມາກ່າງ,ຮອງຫົວຫນ້າສະຖາບັນອອກແບບວິຈິດຕະກຳສູນກາງຈີນແມ່ນຜູ່ອອກແບບສະແຕັມປີຂານປີນີ້,ທ່ານໄດ້ແຕ້ມເສືອທີ່ຢືນຂຶ້ນຄື ຄົນ, ເອົາມືສອງເບື້ອງຄ້ຳແອວ,ສະແດງຄວາມຫມັ້ນໃຈແລະຫນ້າຮັກຫລາຍ.ທ່ານມາກ່າງເວົ້າວ່າ, ເສືອໃນສະແຕັມນັ້ນຫ້າວຫັນຕາງຫນ້າໃຫ້ແກ່ໂສມຫນ້າແລະຈິດໃຈຂອງປະຊາຊົນຈີນພາຍຫລັງສ້າງຕັ້ງປະເທດຈີນໃຫມ່ 60 ປີມານີ້.ທ່ານເວົ້າວ່າ:
ຂ້ອຍໄດ້ແຕ້ມເສືອແບບກາຕູນດ້ວຍເຕັກນິກ 3D,ຄ້າຍກັບແຕ້ມຄົນ.ເພາະວ່າສັດໃນ12ລາສີແມ່ນເອົາມາສົມທຽບກັບຄົນ.ເມື່ອຮອດປີໃໝ່ແລ້ວ,ກໍ່ໃຊ້ຮູບເສືອນຳໂຊກມາໃຫ້ຄົນ,ທັງນຳເອົາໂຊກມາໃຫ້ປະຊາຊົນແລະປະເທດຊາດໃນປີໃໝ່ທີ່ວຽນມາເຖິງ.
ນັກສິລະປິນທັງຫຼາຍໄດ້ໃຊ້ຮູບ"ເສືອ"ທີ່ຕ່າງກັນມາສະແດງຄວາມອວຍພອນທີ່ຄືກັນ. ນາງທາງຫົງ ນັກສິນລະປິນຂອດເຊືອກຂອງນະຄອນນານກິ່ງແຂວງຈ່ຽງຊູໄດ້ໃຊ້ເຊືອກຫຼາຍສິບຢ່າງຂອດເປັນຮູບຮ່າງຕ່າງໆ,ໃຊ້ເວລາເຄິ່ງເດືອນປາຍ,ກໍ່ໄດ້ຂອດເຊືອກເປັນຮູບເສືອທີ່ມີຄວາມສຸກແລ້ວວາງສະແດງໃນງານວາງສະແດງສິລະປະພື້ນເມືອງປີຂານນານກິ່ງ.ທ່ານຊ່ຽວຢຽນຊິງເປັນນັກແຕ້ມທີ່ມີຊື່ສຽງດົ່ງດັງຢູ່ຈີນຍ້ອນແຕ້ມເສືອ,ເສືອ2010ໂຕທີ່ແຕ້ມໃສ່ແພຍາວໆ200ແມັດຂອງທ່ານໄດ້ວາງສະແດງຢູ່ຊຽງໄຮ້,ແພແຕ້ມໄດ້ກາງລົງມາແຕ່ກາງຫາວ,ຝູງເສືອໃນຮູບແຕ້ມມີທ່າທາງທຸກຮູບທຸກແບບແລະເບິ່ງຄືມີຊີວິດ,ສະຫງ່າງາມອີ່ຫຼີ.ຮູບແຕ້ມຜືນນີ້ຈະມອບເປັນຂອງຂວັນໃຫ້ງານວາງສະແດງໂລກຊຽງໄຮ້2010.
ນອກນີ້,ຫໍພິພິດທະພັນແຫ່ງຕ່າງໆຂອງຈີນຍັງໄດ້ທະຍອຍກັນຈັດງານວາງສະແດງວັດທະນະທຳເສືອ.ງານວາງສະແດງວັດທະນະເສືອ2010ຂອງຫໍພິພິດທະພັນນະຄອນຫຼວງປັກກິ່ງກໍໄດ້ເປີດໃຫ້ຄົນເຂົ້າຊົມແລ້ວ.ງານວາງແດງເທື່ອນີ້ໄດ້ໂຮມເອົາຮູບແຕ້ມທີ່ງາມປານີດຂອງອົງການວັດທະນະທຳ9ແຫ່ງ,ອັນໄດ້ສ່ອງແສງໃຫ້ເຫັນເນື້ອໃນທີ່ກວ້າງຂວາງຂອງວັດທະນະທຳເສືອຂອງຈີນ,ໄດ້ບັນລະຍາຍຫົວຂໍ້ວ່າດ້ວຍ"ເສືອ"ຈາກຫຼາຍດ້ານເຊັ່ນວັດຖຸບູຮານ,ຮີດຄອງປະເພນີ,ການອະນຸລັກທຳມະຊາດແລະອື່ນໆ.ທ່ານນາງຢາວອ່ານ ຮອງຫົວໜ້າຫໍພິພິດທະພັນນະຄອນຫຼວງປັກກິ່ງໄດ້ອະທິບາຍວ່າງານວາງສະແດງເທື່ອນີ້ຕັ້ງຊື່ວ່າ"ເສືອເຕັ້ນຂ້າມພັນປີ" ແມ່ນມີຄວາມໝາຍພິເສດ.ນາງບອກວ່າ:
"ສິ່ງທີ່ນຳມາວາງສະແດງເທື່ອນີ້ໄດ້ກວມປະຫວັດ2000ກວ່າປີ,ສ່ວນວັດທະນະທຳເສືອມີປະຫວັດຍິ່ງຍາວນານ.ສະນັ້ນຈິ່ງວ່າຫວັງໃຫ້ທຸກໆຄົນມີຄວາມເຂັ້ມແຂງຫ້າວຫັນຄືເສືອ,ຫວັງໃຫ້ປະເທດຊາດກໍຄືກັບເສືອ,ອາລິຍະທຳຂອງພວກເຮົາຍືນຍົງພັນປີ,ແລະຍັງມີຄວາມໝາຍເປັນຄຳອວຍພອນໃຫ້ຈະເລີນຮຸ່ງເຮືອງ. "
ປະຊາຊົນຈີນຍັງໃຊ້ວິທີຕ່າງໆມາສະຫຼອງປີຂານຄືສະສົມຮູບແຕ້ມ"ເສືອ",ຊື້ແທ່ງຄຳປີເສືອ,ຫຼຽນຄຳປີເສືອ,ສາຍຄໍຄຳຫົວເສືອ,ຕຸກກະຕາເສືອແລະອື່ນໆ,ສະເພາະຕຸກກະຕາເສືອເປັນຂອງຂວັນປີໃໝ່ທີ່ຄົນມັກທີ່ສຸດ.ໃນຮ້ານຄ້າເສືອນ້ອຍທີ່ເຮັດດ້ວຍຜ້າຫ້ອຍເຕັມຮ້ານ,ໂຕໃຫຍ່ຄືກັບເສືອແທ້ກໍ່ມີ,ສ່ວນໂຕນ້ອຍໆກໍ່ເອົາຫ້ອຍໃສ່ມືຖືເລີຍ.ເປັນສິລິມຸງຄຸນແລະສ້າງບັນຍາກາດມ່ວນຊື່ນໃນມື້ບຸນ.
1 2 
