ນອກຈາກນະໂຍບາຍຄວບຄຸມການບໍລິໂພກດ້ານເຮືອນຢູ່ແລ້ວ, ນະໂຍບາຍປັບປຸງແລະຄວບຄຸມໃນຂົງເຂດພັດທະນາອະສັງຫາລິມະຊັບກໍ່ໄດ້ວາງອອກມາຄືກັນ.ວັນທີ 17 ທັນວາປີ 2009,ຈຳນວນເງິນທີ່ຕ້ອງຈ່າຍເທື່ອທຳອິດໃນການຊື້ທີ່ດິນສ້າງເຮືອນຢູ່ນັ້ນສູງຂຶ້ນເຖິງ 50%;ເມື່ອເຂົ້າສູ່ປີ 2010, ຈີນເລີ່ມຕໍ່ຕ້ານການກະທຳທີ່ສະສົມທີ່ດິນ.ວັນທີ 1 ກຸມພານີ້, ພະແນກຊັບພະຍາກອນທີ່ດິນແຫ່ງຊາດຂອງນະຄອນຫລວງປັກກິ່ງໄດ້ເອົາທີ່ດິນສ້າງເຮືອນຢູ່ທີ່ຢູ່ເຂດພາກຕາເວັນອອກສຽງເຫນືອຂອງປັກກິ່ງຄືນ,ສາເຫດແມ່ນຍ້ອນວ່າວິສາຫະກິດທີ່ກ່ຽວຂ້ອງບໍ່ໄດ້ຈ່າຍເງິນຊື້ທີ່ດິນແຫ່ງນີ້ພາຍໃນເວລາທີ່ກຳນົດໄວ້,ແລະກໍ່ບໍ່ໄດ້ຈ່າຍເງິນຮັບປະກັນ 200 ລ້ານຢວນອີກ.ຫລັງຈາກນັ້ນ, ພະແນກຊັບພະຍາກອນທີ່ດິນແຫ່ງຊາດຂອງນະຄອນນານກິ່ງກໍ່ໄດ້ເອົາທີ່ດິນທີ່ປ່ອຍຫວ່າງໄວ້ 2 ປີນັ້ນຄືນ,ແລະໄດ້ຮິບເອົາເງິນຮັບປະກັນທີ່ມີມູນຄ່າ 230 ລ້ານຢວນ.
ໃນຂະນະທີ່ລົງໂທດການກະທຳທີ່ສວຍໂອກາດແລະສະສົມທີ່ດິນເຮັດໃຫ້ລາຄາອະສັງຫາລິມະຊັບສູງຂຶ້ນໄວໂພດນັ້ນ,ການເພີ່ມຈຳນວນເຮືອນຢູ່ລັກສະນະນະໂຍບາຍໃຫ້ຫລາຍຂຶ້ນກໍ່ແມ່ນຈຸດສຸມອີກອັນຫນຶ່ງໃນການປັບປຸງແລະຄວບຄຸມອະສັງຫາລິມະຊັບເທື່ອນີ້.ນີ້ສະແດງໃຫ້ເຫັນເຖິງທ່າທີຂອງລັດຖະບານຈີນໃນການຈຳແນກການສວຍໂອກາດໃນອະສັງຫາລິມະຊັບແລະຄວາມຕ້ອງການທີ່ສົມເຫດສົມຜົນຂອງປະຊາຊົນ. ເດືອນທັນວາປີກາຍນີ້, ກອງປະຊຸມຄະນະປະຈຳລັດຖະບານຈີນໄດ້ສະເຫນີອອກມາວ່າ, ຈະເພີ່ມການສະຫນອງເຮືອນຢູ່ແບບຊື້ຂາຍ,ສະຫນັບສະຫນູນຄວາມຕ້ອງການຂອງປະຊາຊົນໃນການຊື້ເຮືອນຢູ່ແບບປັບປຸງຊີວິດການເປັນຢູ່,ເພີ່ມການກໍ່ສ້າງເຮືອນຢູ່ແບບຮັບປະກັນເຊັ່ນເຮືອນຢູ່ທີ່ໃຫ້ເຊົ່າດ້ວຍລາຄາຕ່ຳແລະອື່ນໆ,ຈະໃຫ້ການສະໜັບສະຫນູນຢ່າງແຂງແຮງໃນດ້ານການເງິນ, ການທະນາຄານແລະນະໂຍບາຍທີ່ດິນ,ເຮັດໃຫ້ຜູ່ມີລາຍໄດ້ປານກາງແລະຕ່ຳໃນຕົວເມືອງມີເຮືອນຢູ່.
ໃນກອງປະຊຸມຂ່າວທີ່ຫ້ອງການຖະແຫລງຂ່າວຂອງລັດຖະບານຈີນຈັດຂຶ້ນ, ທ່ານຊີຈີ້, ລັດຖະມົນຕີຊ່ວຍວ່າການກະຊວງເຮືອນຢູ່ແລະການກໍ່ສ້າງຕົວເມືອງແລະຊົນນະບົດຈີນກ່າວວ່າ, ປີນີ້, ຈີນຈະສ້າງເຮືອນຢູ່ລັກສະນະນະໂຍບາຍ 6 ລ້ານຊຸດ,ເຊິ່ງລວມທັງເຮືອນຢູ່ແບບຊື້-ຂາຍ, ເຮືອນຢູ່ທີ່ ລາຄາຕ່ຳ, ເຮືອນຢູ່ຄໃຫ້ເຊົ່າສຳລັບປະຊາຊົນ,ແລະເຮືອນຢູ່ທີ່ຄ່າເຊົ່າຕ່ຳ.
ໂດຍມີບົດບາດຂອງນະໂຍບາຍທີ່ຕໍ່ຕ້ານການຊື້ເຮືອນຢູ່ແບບສວຍໂອກາດ,ເພີ່ມການສະຫນອງເຮືອນຢູ່ລັກສະນະນະໂຍບາຍແລະອື່ນໆ, ຕະຫລາດອະສັງຫາລິມະຊັບຂອງຕົວເມືອງຈຳນວນຫນຶ່ງຂອງຈີນເລີ່ມຫລຸດລາຄາລົງ. ເດືອນມັງກອນປີນີ້, ຈຳນວນເຮືອນຢູ່ສຳລັບຊື້ຂາຍຂອງປັກກິ່ງທີ່ໄດ້ຄ້າຂາຍກັນນັ້ນໄດ້ຫລຸດລົງ42%ເມື່ອທຽບກັບເດືອນກ່ອນ,ເນື້ອທີ່ເຮືອນຢູ່ການຄ້າຂອງຊຽງໄຮ້ທີ່ຊື້ຂາຍກັນນັ້ນຫລຸດລົງຫລາຍກວ່າ 50% ເມື່ອທຽບກັບເດືອນກ່ອນ;ຢູ່ເມືອງເສີນເຈິ້ນກໍ່ມີສະພາບທີ່ຄ້າຍກັນ.ແຕ່ວ່າ,ຜູ່ຊ່ຽວຊານກໍ່ບໍ່ເຫັນວ່າການພັດທະນາຂອງຕະຫລາດອະສັງຫາລິມະຊັບຂອງຈີນເກີດມີບາດລ້ຽວອີກ.ທ່ານກູ້ຢຸນຊາງ,ຮອງປະທານສະມາຄົມຄົ້ນຄວ້າອະສັງຫາລິມະຊັບຈີນກ່າວວ່າ:
ການຄວບຄຸມດ້ານມະຫາພາກໃນປີນີ້ມີເປົ້າຫມາຍສອງດ້ານ,ອັນທີຫນຶ່ງແມ່ນຄວບຄຸມບໍ່ໃຫ້ລາຄາເຮືອນຢູ່ສູງຂຶ້ນໄວໂພດ,ອີກດ້ານຫນຶ່ງຕ້ອງຮັກສາໃຫ້ຂະແຫນງການອະສັງຫາລິມະຊັບເຕີບໂຕຢ່າງໝັ້ນທ່ຽງ,ລາຄາເຮືອນຢູ່ໃນປີນີ້ຈະຮັກສາທ່າອຽງທີ່ໝັ້ນທ່ຽງທັງສູງຂຶ້ນ,ແຕ່ຂະຫນາດສູງຂຶ້ນນັ້ນຈະບໍ່ຫຼາຍ.
ປັດຈຸບັນ, ພາກສ່ວນທີ່ກ່ຽວຂ້ອງຂອງລັດຖະບານຈີນໄດ້ເລີ່ມຕິດຕາມກວດກາຕໍ່ສະພາບປັບປຸງແລະຄວບຄຸມຕະຫລາດອະສັງຫາລິມະຊັບຂອງແຂວງ,ກຳແພງນະຄອນແລະເຂດປົກຄອງຕົນເອງທີ່ສຳຄັນ.ສະພາບຕິດຕາມກວດກາຈະກາຍເປັນບ່ອນອີງຂອງລັດຖະບານຈີນໃນການປັບປຸງນະໂຍບາຍຄວບຄຸມຕະຫລາດອະສັງຫາລິມະຊັບໃນອະນາຄົດ.
1 2 
