ປະຊາຊົນພັນລະນາອາກາດຂອງພູຈີ່ກົ່ງຂອງເມືອງຊິນຢາງວ່າ"ກ່ອນຕອນທ່ຽງຄືລະດູໃບໄມ້ປົ່ງ,ຫຼັງຕອນທ່ຽງຄືລະດູໃບໄມ້ຫຼົ່ນ,ຍາມກາງຄືນຄືຕົ້ນລະດູໜາວ".ແຫ່ງນີ້ເປັນບ່ອນພັກຮ້ອນທີ່ມີຊື່ສຽງຂອງຈີນ,ຢູ່ເທິງຈອມພູມີຫີນດຳໃຫຍ່,ຄ້າຍຄືກັບໄກ່ຜູ່ທີ່ພວມໂກ່ງຄໍຂັນຕອນກາງເວັນ,ສະນັ້ນຈິ່ງໄດ້ຊື່ວ່າຈີ່ກົ່ງຊ່ານແປເປັນພາສາລາວກໍ່ແມ່ນພູໄກ່ຜູ່.ຢູ່ເທິງພູມີທິວທັດທຳມະຊາດຫຼາຍປະເພດເຊັ່ນເມກໜາ,ພູໜ່ວຍດຽວມີພຶກສາຊາດພາກເໜືອແລະພາກໃຕ້ຢູ່ຮ່ວມກັນແລະອື່ນໆ. ນັກທ່ອງທ່ຽວຜູ່ໜຶ່ງທີ່ມີນາມສະກຸນຈ່າງທີ່ມາຈາກປັກກິ່ງຫາກໍ່ໄດ້ທ່ຽວຊົມພູຈີ່ກົ່ງເວົ້າວ່າ:ລົມພັດເຢັນສະບາຍ,ດື່ມນ້ຳບໍ່ທີ່ຫວານຊື່ນເປັນຄວາມຮູ້ສຶກດີທີ່ບໍ່ມີໂອກາດສຳຜັດໃນຍາມທຳມະດາ.ນາງເວົ້າວ່າ:
"ມີຄຳເລົ່າລືມາດົນແລ້ວວ່າພູຈີ່ກົ່ງຂອງເມືອງຊິນຢາງແມ່ນແຫຼ່ງທ່ອງທ່ຽວທີ່ມີຊື່ສຽງຫຼາຍໃນປະເທດເຮົາ, ເທື່ອນີ້ມາທ່ຽວພູຈີ່ກົ່ງຮູ້ສຶກວ່າທິວທັດຢູ່ແຫ່ງນີ້ງາມຫຼາຍ. ພາຍຫຼັງຍ່າງເຂົ້າເຂດພູແລ້ວຮູ້ສຶກອຸນຫະພູມຕ່ຳກວ່າໃນເມືອງຫຼາຍ. ຂ້ອຍເຫັນວ່າບ່ອນທີ່ງາມທີ່ສຸດແມ່ນຈອມພູຂອງພູຈີ່ກົ່ງທີ່ຄືຫົວໄກ່, ແລະມີນ້ຳຕົກຕາດທີ່ສວຍງາມ. ໄດ້ຍິນວ່ານ້ຳທີ່ຕົກມານັ້ນແມ່ນນ້ຳບໍ່, ພວກເຮົາກໍ່ກອບເອົາໜ້ອຍໜຶ່ງມາດື່ມ, ຈັ່ງແມ່ນຫວານແລະຊື່ນໃຈຫຼາຍ, ດື່ມແລ້ວຮູບສຶກເຢັນສະບາຍຫຼາຍ."
ເມືອງຊິນຢາງຕິດກັບພູຜາ, ແມ່ນ້ຳ. ໜອງນານຫວັນ ແຫຼ່ງທ່ອງທ່ຽວຊົນລະປະທານທີ່ມີຊື່ສຽງຂອງຈີນແລະມີນາມມະຍົດວ່າໜອງອັນດັບໜຶ່ງຂອງພາກກາງຈີນກໍ່ຕັ້ງຢູ່ແຫ່ງນີ້. ແຫຼ່ງທ່ອງທ່ຽວນານຫວັນມີເນື້ອທີ443ກິໂລຕາແມັດ, ໃຫຍ່ກວ່າໜອງຊີ່ຫູເມືອງຫາງໂຈ່ວ12ເທົ່າ, ມີດອນນ້ອຍ61ແຫ່ງຢູ່ໃນໜອງ, ເໝືອນໄຂ່ມຸກດັ່ງຫວ່ານລົງມາໂລກມະນຸດ, ເຮັດໃຫ້ໜອງນານຫວັນສວຍງາມຫຼາຍ. ນັກທ່ອງທ່ຽວນາມສະກຸນຫ້າວທີ່ມາຈາກເມືອງເຈີ້ງໂຈ່ວເວົ້າວ່າ, ລາວເຄີຍມາໜອງນານຫວັນຫຼາຍເທື່ອແລ້ວ, ທ່ານເວົ້າວ່າ: "ຂ້ອຍມາມື້ວານນີ້, ມາຫຼິ້ນຫຼາຍເທື່ອແລ້ວ, ຮູກສຶກດີຫຼາຍ. ຂ້ອຍມັກພູຜາ, ແມ່ນ້ຳ, ມັກທຳມະຊາດແລະໃກ້ຊິດກັບທຳມະຊາດ."
ຢູ່ເທິງເກາະມີຕົ້ນໄມ້ຂຽວອຸ່ມທຸ່ມ, ນ້ຳໃນໜອງໃສສະອາດ, ເຮັດໃຫ້ຄົນເບິ່ງແລ້ວສະບາຍໃຈ.ທິວທັດແຫ່ງນີ້ດຶງດູດໃຈນັກທ່ອງທ່ຽວຕ່າງປະເທດ, ທ່ານອີຣີ ສຈິບຣິນທີ່ມາຈາກສາທາລະນະລັດເຊັກຮູ້ສຶກວ່າບ່ອນນີ້ຄືກັບບ້ານເກີດຂອງຕົນເອງ.
ທ່ານເວົ້າວ່າ: "ຂ້ອຍຢູ່ຈີນເກືອບ4ປີແລ້ວ, ມາທ່ຽວແຂວງເຫີນານເປັນເທື່ອທຳອິດ, ມາທ່ຽວເມືອງຊິນຢາງກໍ່ເປັນເທື່ອທຳອິດ. ໜອງນານຫວັນແມ່ນແຫຼ່ງທ່ອງທ່ຽວທີ່ມີຊື່ສຽງຂອງທ້ອງຖິ່ນ. ຂ້ອຍດີໃຈຫຼາຍ, ເພາະວ່າບ້ານເກີດຂອງຂ້ອຍກໍ່ເປັນເມືອງນ້ອຍ,ແລະຕັ້ງຢູ່ໃນທຳມະຊາດຄືກັນ, ສະນັ້ນມາທ່ຽວບ່ອນນີ້ ຂ້ອຍຮູ້ສຶກຄືກັບຢູ່ບ້ານຂອງຂ້ອຍ, ມີສະພາບແວດລ້ອມສວຍງາມ,ອາກາດສົດໃສ, ຄືກັບບ້ານຂ້ອຍເລີຍ. ຖ້າວ່າມີໂອກາດຈະມາທ່ຽວອີກ, ຖ້າວ່າຂ້ອຍໄປທ່ຽວຂ້ອຍກໍ່ຈະໄປຫາສະຖານທີ່ແບບນີ້."
1 2
