ທ່ານລິວຊົງຈ່ຽງກ່າວວ່າ,ໃນຊຸມປີ1960,ບ້ານເຖິງໂຖຍັງເປັນບ້ານນ້ອຍທີ່ທຸກຍາກຫຼ້າຫຼັງ.ຊາວບ້ານເຖິງໂຖໄດ້ເຊີດຊູນ້ຳໃຈເຮັດວຽກແບບທົນທຸກທົນຍາກ,ໃຊ້ເວລາ15ປີດັດແປງດິນປູກຝັງ,ພັດທະນາກະສິກຳ.ຊຸມປີ1980,ບ້ານເຖິງໂຖເລີ່ມ ພັດທະນາອຸດສາຫະກຳ,ຊຸມປີ1990ເລີ່ມພັດທະນາກະສິກຳແບບທ່ອງທ່ຽວແລະການທ່ອງທ່ຽວທຳມະຊາດ.ໃນການພັດທະນາ,ບ້ານເຖິງໂຖໄດ້ເນັ້ນໜັກການອະນຸລັກສິ່ງແວດລ້ອມທຳມະຊາດມາໂດຍຕະຫຼອດ.ທ່ານລິວຊົງຈ່ຽງກ່າວວ່າ,
" ພວກເຮົາໃຫ້ຄວາມສຳຄັນທີ່ສຸດຕໍ່ການອະນຸລັກສິ່ງແວດລ້ອມຕັ້ງແຕ່ຫົວທີ,ສະນັ້ນ,ໃນຊຸມປີ1990,ບ້ານພວກເຮົາຈິ່ງໄດ້ສ້າງຄະນະກຳມະການອະນຸລັກສິ່ງແວດລ້ອມແລ້ວ,ສາມາດເວົ້າໄດ້ວ່າເປັນຄະນະກຳມະການອະນຸລັກສິ່ງແວດລ້ອມຂັ້ນບ້ານແຫ່ງທຳອິດຂອງຈີນ.ຖ້າວ່າຢາກຕັ້ງວິສາຫະກິດຢູ່ບ້ານພວກເຮົາກໍ່ຕ້ອງຜ່ານການຄົ້ນຄວ້າພິຈາລະນາຈາກຄະນະກຳມະການກ່ອນ,ບໍ່ວ່າວິສາຫະກິດນີ້ຈະມີປະສິດທິຜົນດ້ານເສດຖະກິດດີປານໃດກໍ່ຕາມ,ຖ້າບໍ່ໄດ້ມາດຕະຖານດ້ານການອະນຸລັກສິ່ງແວດລ້ອມ,ຂໍແຕ່ມີບັດດຽວຄັດຄ້ານກໍ່ຖືກຢັບຢັ້ງໂລດ."
ບ້ານນ້ອຍໆທີ່ທຸກຍາກເມື່ອພັດທະນາເປັນເວລາ40ປີ,ໄດ້ສ້າງເປັນບ້ານໃໝ່ສັງຄົມນິຍົມທັນສະໄໝທີ່ການຜະລິດໄດ້ຮັບການພັດທະນາ,ປະຊາຊົນຮັ່ງມີແລະສິ່ງແວດລ້ອມທຳມະຊາດດີ.ຊາວບ້ານເຖິງໂຖເມື່ອເກີດແລ້ວກໍ່ຈະໄດ້ຮັບເງິນອຸດໜູນ650ຢວນຕໍ່ເດືອນຈາກທາງບ້ານ.ຜູ່ເຖົ້າທີ່ອາຍຸ60ປີຂຶ້ນໄປຈະໄດ້ຮັບເງິນບຳນານຕ່ຳສຸດເດືອນລະ1100ຢວນ.ທາງບ້ານວາງແຜນເປັນເອກະສັນກັນສ້າງເຮືອນຢູ່,ແລ້ວຂາຍໃຫ້ຊາວບ້ານດ້ວຍລາຄາຕົ້ນທຶນແລະຍັງມີເງິນອຸດໜູນອີກ.ຊາວບ້ານທີ່ຊື່ວ່າຟູຊິງຄຸນໃຊ້ເງິນ1ແສນ7ໝື່ນຢວນຊື້ຕຶກນ້ອຍທີ່ມີເນື້ອທີ່360ຕາແມັດນຳບ້ານ.ທ່ານບອກນັກຂ່າວວ່າ:
"ແຕ່ກ່ອນເຮືອນຂອງບ້ານພວກເຮົາເກົ່າແກ່ເປ່ເພ,ແຕ່ເຮືອນໃນປະຈຸບັນແມ່ນເຮືອນຢູ່ລຸ້ນທີ3ຂອງພວກເຮົາແລ້ວ.ສິ່ງແວດລ້ອມດີ,ບັນຊາກາດດີ.ຂ້ອຍຍັງມີສວນ ຂອງຕົນເອງອີກ,ເຮືອນຢູ່ຂອງຄົນໃນເມືອງກໍ່ຍັງບໍ່ທັນດີທໍ່ພວກເຮົາຊ້ຳ".
ທ້າວຈູເຊິງຢົງແມ່ນນັກຂ່າວຂອງໜັງສືພິມບ້ານເຖິງໂຖ,ເຮັດວຽກຢູ່ບ້ານເຖິງໂຖໄດ້5ປີແລ້ວ,ເມື່ອກ່າວເຖິງອຸດົມການຂອງບ້ານເຖິງໂຖທີ່ເຮັດໃຫ້ຄົນໃນເມືອງໄຝ່ຝັນ,ລາວໄດ້ເວົ້າດ້ວຍຄວາມໝັ້ນໃຈວ່າ"ສິ່ງທີ່ຕົວເມືອງມີ,ບ້ານພວກເຮົາກໍ່ມີຄືກັນ,ແຕ່ສິ່ງທີ່ໃນເມືອງບໍ່ມີ,ບ້ານພວກເຮົາພັດມີເຊັ່ນກັນ."ລາວບອກວ່າ:
ສິ່ງແວດລ້ອມທຳມະຊາດຂອງບ້ານພວກເຮົາເຊັ່ນວ່າທ້ອງຟ້າສີຄາມ,ນ້ຳທີ່ໄສສະອາດ,ໃນຕົວເມືອງບໍ່ໄດ້ມີອາກາດດີຄືບ້ານພວກເຮົາດອກ.ອັດຕາປົກຄຸ້ມດ້ວຍຕົ້ນໄມ້ຕົ້ນຫຍ້າແຫ່ງນີ້ປົກກະຕິແລ້ວມີເຖິງ67%,ຄຸນນະພາບອາກາດເປັນລະດັບໜຶ່ງຕະຫຼອດປີ.ນ້ຳໃສສະອາດໄຫຼອ້ອມບ້ານ,ຕົ້ນໄມ້ຂຽວງາມດີ,ດອກໄມ້ທີ່ສວຍງາມ,ທຳມະດາແລ້ວ,ຄົນໃນເມືອງຈະໄດ້ສຳຜັດຍາກ.ສະຫວັດດີການ,ການປະກັນສັງຄົມຂອງຕົວເມືອງ,ບ້ານພວກເຮົາມີໝົດ,ລວມທັງການຄົມມະນາຄົມ,ລົດເມກາກບອນຕ່ຳກໍ່ມີຄືກັນ.
ທ່ານເສິນຊື້ສິວ ຮອງປະທານສະມາຄົມສະຫະປະຊາຊາດຂອງຈີນເຫັນວ່າ,ບ້ານເຖິງໂຖໄດ້ສ້າງລະບົບຊີວະພາບກາກບອນຕ່ຳຂອງຊົນນະບົດຢ່າງສຳເລັດຜົນ,ລະບົບນີ້ໄດ້ຈໍ່ຕົວຂຶ້ນແລ້ວ,ນີ້ເປັນແບບຢ່າງໃຫ້ທົ່ວໂລກ.
1 2 
