ຊົມເຊີຍອາຊຽນ ງານມະຫະກຳສິນລະປະອາຊີຄັ້ງທີ 8
-----------------------------------------------------------------------------------------------------------------
ງານມະຫະກຳສິນລະປະອາຊີຄັ້ງທີ 8 ທີ່ຈັດເປັນເວລາອາທິດຫນຶ່ງນັ້ນໄດ້ໄຂຂຶ້ນຢູ່ປັກກິ່ງໃນວັນທີ 31 ສິງຫາ.
ງານມະຫະກຳສິນລະປະອາຊີແມ່ນງານມະຫະກຳສິນລະປະພາກພື້ນ ທີ່ຈັດຂຶ້ນຢູ່ຈີນເທື່ອທຳອິດ, ປີ 1998 ຮອດປັດຈຸບັນໄດ້ຈັດຂຶ້ນ 8 ຄັ້ງແລ້ວ. ຈຸດປະສົງການຈັດງານມະຫະກຳກໍ່ແມ່ນເພື່ອສົ່ງເສີມຄວາມເຂົ້າໃຈກັນ, ລົງເລິກມິດຕະພາບ,ສ້າງຄວາມຈະເລີນຮຸ່ງເຮືອງ,ແລະພ້ອມກັນພັດທະນາ.ງານນີ້ໄດ້ຮັບຄວາມຍ້ອງຍໍຈາກລັດຖະບານແລະວົງການສິນລະປະກຳປະເທດຕ່າງໆໃນອາຊີ.ສີນລະປະອັນລ້ຳຄ່າທີ່ສຸດຂອງປະເທດຕ່າງໆໃນອາຊີໄດ້ສະແດງຄົ້ນຄວ້າ ຊົມໃຊ້ຢູ່ແຫ່ງນີ້, ແລ້ວກາຍເປັນຄືກັບກ້ອງພາບລານຕາດ້ານສິນລະປະອາຊີທີ່ມີຫລາກຫລາຍສັນ,ແລະຄ່ອຍໆກາຍເປັນເວທີແລກປ່ຽນວັດທະນະທຳລະຫວ່າງບັນດາປະເທດອາຊີ.
ປີນີ້ແມ່ນປີຈີນອາຊຽນສ້າງການພົວພັນເປັນປະເທດຄູ່ເຈລະຈາຄົບ ຮອບ 15 ປີ,ເດືອນທັນວາປີກາຍນີ້, ໃນເວລາເຂົ້າຮ່ວມກອງປະຊຸມສຸດຍອດ ອາຊຽນກັບຈີນຍີ່ປຸ່ນແລະສ.ເກົາຫລີຄັ້ງທີ 9 ທີ່ມາເລເຊຍ,ທ່ານນາຍົກ ລັດຖະມົນຕີເວີນເຈ່ຍປາວໄດ້ສະເຫນີວ່າ, ຈະຈັດສັບປະດາວັດທະ ນະທຳອາຊຽນທີ່ຖືການສະແດງເຄື່ອງຫັດຖະກຳດັ້ງເດີມຂອງບັນດາປະເທດອາຊຽນໃນໄລຍະຈັດງານມະຫະກຳສິນລະປະອາຊີຄັ້ງທີ 8 ຢູ່ຈີນໃນປີ 2006,ແລະຈັດຊຸດອົບຮົມການຮ່ວມມືພັດທະນາຊັບພະຍາກອນມະນຸດດ້ານວັດທະນະທຳຂອງອາຊຽນ+3.ເມື່ອທຽບກັບງານມະຫະກຳສິນລະປະອາຊີ 7 ຄັ້ງກ່ອນ,ບໍ່ວ່າໃນລະດັບແລະໃນດ້ານເນື້ອໃນ, ງານມະຫະກຳສິນລະປະຄັ້ງນີ້ລ້ວນແຕ່ມີຈຸດພິເສດໃຫມ່.
