ຊົມເຊີຍອາຊຽນ ງານມະຫະກຳສິນລະປະອາຊີຄັ້ງທີ 8
-----------------------------------------------------------------------------------------------------------------
ໃນເວລາໃຫ້ສຳພາດຕໍ່ນັກຂ່າວ CRI, ທ່ານວາງເຊີນ ເຈົ້າຫນ້າທີ່ກະຊວງວັດທະນະທຳຈີນທີ່ຮັບຜິດຊອບການກະກຽມງານມະຫະກຳສິນລະປະອາຊີຄັ້ງທີ 8 ເວົ້າວ່າ:
ເມື່ອທຽບກັບທຸກຄັ້ງທີ່ຜ່ານມາ,ງານມະຫະກຳສິນລະປະອາຊີຄັ້ງທີ 8 ໄດ້ມີການປ່ຽນແປງໃຫມ່ 3 ອັນ,ກ່ອນອື່ນແມ່ນໄດ້ເຮັດໃຫ້ຫົວຂໍ້ພົ້ນເດັ່ນອອກ,ປີນີ້ແມ່ນປີຈີນອາຊຽນສ້າງການພົວພັນເປັນປະເທດຄູ່ເຈລະຈາຄົບຮອບ 15 ປີ, ງານມະຫະກຳສິນລະປະອາຊີຄັ້ງນີ້ໄດ້ເອົາອາຊຽນເປັນພາກພື້ນຕົ້ນຕໍ,ເນື້ອໃນສຳຄັນກວ່າຫມູ່ກໍ່ແມ່ນສັບປະດາວັດທະນະທຳອາຊຽນ. ຈຸດພິເສດອັນທີສອງແມ່ນມີລັກສະນະວິຊາການ, ແຕ່ກ່ອນ, ງານມະຫະກຳ ສິນລະປະອາຊີແມ່ນຖືການສະແດງແລະການວາງສະແດງເປັນຕົ້ນຕໍ, ເທື່ອນີ້ຈະຈັດເວທີປາໃສຂອງຫົວຫນ້າຫໍວິຈິດຕະກຳອາຊີ ທີ່ເປັນກອງປະຊຸມຫົວຂໍ້ສະເພາະອາຊຽນ+3 ກໍ່ແມ່ນເພື່ອເພີ່ມທະວີການຮ່ວມມືລະຫວ່າງຈີນກັບອາຊຽນໃນຂົງເຂດວິຈິດຕະກຳ. ນອກນີ້,ພວກຂ້າພະເຈົ້າຫວັງຜ່ານຈາກການຈັດຊຸດຣົບຮົມການຮ່ວມມືພັດທະນາຊັບພະຍາກອນມະນຸດດ້ານວັດທະນະທຳ ອາຊຽນ+3 ໃນງານສິນລະປະອາຊີ,ເພື່ອຍົກລະດັບຜູ່ມີຄວາມຮູ້ຄວາມສາມາດດ້ານວັດທະນະທຳໃຫ້ 10 ປະເທດອາຊຽນແລະ ຈີນ ຍີ່ປຸ່ນແລະສ.ເກົາຫລີຈົນກະທັ້ງທົ່ວອາຊີຫລາຍກວ່າເກົ່າໃນຫລາຍປີຂ້າງຫນ້ານີ້,ເຮັດໃຫ້ງານມະຫະກຳສິນລະປະນີ້ຈະໄດ້ຂະຫຍາຍຕົວຕໍ່ໄປ.
ຫົວຂໍ້ຂອງງານມະຫະກຳສິນລະປະອາຊີຄັ້ງທີ 8 ແມ່ນຮ່ຳຮຽນເຊິ່ງກັນແລະກັນ,ພັດທະນາຢ່າງກົມກຽວກັນ,ຈັດ 4 ກິດຈະກຳຕາມຮູບການສັບປະ ດາວັດທະນະທຳອາຊຽນຄື: ການສະແດງສິນລະປະຂະຫນາດໃຫຍ່ທີ່ມີຫົວຂໍ້ວ່າຊົມເຊີຍອາຊຽນ ເຊິ່ງແມ່ນສິນລະປິນອາຊຽນແລະຈີນພ້ອມກັນຈັດຂຶ້ນ;ເວທີປາໃສຂອງຫົວຫນ້າຫໍວິຈິດຕະກຳອາຊຽນ +3 ຄັ້ງປະຖົມມະເລີກ;ງານວາງສະແດງສິນລະປະອາຊຽນທີ່ມີຫົວຂໍ້ວ່າ:ມະຫັດອັດສະຈັນອາຊີ,ຊຸດອົບ ຮົມການຮ່ວມມືຊັບພະຍາກອນມະນຸດດ້ານວັດທະນະທຳອາຊຽນ +3 ແລະກອງປະຊຸມຕາຫນ່າງວັດທະນະທຳອາຊີຕາເວັນອອກປະຈຳປີຄັ້ງທີສອງ. ສັບປະດາວັດທະນະທຳອາຊຽນແມ່ນກິດຈະກຳທີ່ເດັ່ນກວ່າຫມູ່ໃນງານມະຫະກຳສິນລະປະອາຊີຄັ້ງນີ້,ມັນເປັນໂອກາດດີທີ່ສະແດງວັດທະນະທຳທີ່ມີຫລາກຫລາຍສີສັນແລະມໍລະດົກອັນອຸດົມສົມບູນຂອງປະເທດຕ່າງໆໃນອາຊຽນ.
