ເພີ່ມທະວີການຮ່ວມມືເພື່ອຕໍ່ຕ້ານວິກິດການແລະຊຸກຍູ້ການເຕີບໂຕຂອງເສດຖະກິດ
(GMT+08:00) 2009-07-16 16:52:46 cri
-----------------------------------------------------------------------------------------------------------------
-----------------------------------------------------------------------------------------------------------------
ທ່ານອິມບາງ ລິສຕິຢາດີ ທີ່ປຶກສາການຄ້າອິນໂດເນເຊຍປະຈຳຈີນທີ່ເຂົ້າຮ່ວມກອງປະຊຸມເທື່ອນີ້ໄດ້ເອົາປຶ້ມແນະນຳການຄ້າອິນໂດເນເຊຍມາຊິ້ແຈງໂດຍສະເພາະ,ຫວັງຢາກຜ່ານຈາກສະພາການຄ້າຈີນ-ອາຊຽນເພື່ອແນະນຳອິນໂດເນເຊຍໃຫ້ວິສາຫະກິດຈີນຫຼາຍກວ່າເກົ່າ,ດຶງດູດນັກທຸລະກິດຈີນຫຼາຍກວ່າເກົ່າໄປລົງທຶນຢູ່ອິນໂດເນເຊຍ.ທ່ານກ່າວວ່າ:
"ນັບແຕ່ເດືອນມັງກອນຮອດເດືອນພຶດສະພາປີນີ້,ຈີນນຳເຂົ້າສິນຄ້າຈາກອິນໂດເນເຊຍຫຼຸດລົງ26%,ນັບຕັ້ງແຕ່ທ້າຍປີກາຍນີ້ມາ,ຍ້ອນໄດ້ຮັບຜົນກະທົບຈາກວິກິດການການເງິນ,ການສົ່ງອອກຂອງຜະລິດຕະພັນອິນໂດເນເຊຍສ່ວນຫຼາຍໄດ້ຫຼຸດລົງ,ຈະຮັບມືກັບສະພາບນີ້ແນວໃດແມ່ນສິ່ງທີ່ພວກຂ້າພະເຈົ້າຕ້ອງພິຈາລະນາ."
ທ່ານອຸຍ ໂຮ ທີ່ປຶກສາການຄ້າກຳປູເຈຍປະຈຳຈີນກໍ່ໄດ້ສະແດງຄວາມເປັນຫ່ວງຕໍ່ມູນຄ່າການຄ້າລະຫວ່າງກຳປູເຈຍກັບຈີນຫຼຸດລົງ,ທ່ານກ່າວວ່າ,ກຳປູເຈຍຫວັງຢາກເພີ່ມທະວີການຮ່ວມມືດ້ານເສດຖະກິດການຄ້າກັບຈີນຕື່ມອີກ.
ໃນກອງປະຊຸມ,ທ່ານສູງນິງໆ ເລຂາທິການຝ່າຍຈີນປະຈຳສະພາການຄ້າຈີນ-ອາຊຽນເຜີຍໃຫ້ຮູ້ວ່າ,ເພື່ອສົ່ງເສີມວິສາຫະກິດຈີນໄປລົງທຶນຢູ່ປະເທດອາຊຽນ,ໃນ6ເດືອນທ້າຍປີນີ້,ສະພາການຄ້າຈີນ-ອາຊຽນຈະຈັດກິດຈະກຳຄັດເລືອກ10ວິສາຫະກິດຈີນທີ່ປະສົບຜົນສຳເລັດສູງແລະ10ວິສາຫະກິດຈີນທີ່ສ້າງບໍລິສັດໃນການລົງທຶນອາຊຽນ.
ປີກາຍນີ້,ຈັງຫວະເຕີບໂຕດ້ານມູນຄ່າການຄ້າລະຫວ່າງຈີນກັບລາວເປັນທີ1ໃນການຄ້າລະຫວ່າງຈີນກັບ10ປະເທດອາຊຽນ,ຄືເພີ່ມຂຶ້ນ59%.ມູນຄ່າການຄ້າລະຫວ່າງຊາຍແດນຈີນລາວບັນລຸເຖິງ417ລ້ານໂດລາ.ທ່ານສີບຸນເຮືອງວຽນເຮືອງໄຜ່ ທີ່ປຶກສາການຄ້າລາວປະຈຳຈີນກໍ່ໄດ້ຢືນຢັນການສ້າງເຂດການຄ້າເສລີຈີນ-ອາຊຽນສ້າງສຳເລັດຜົນຈະສົ່ງຜົນສະທ້ອນອັນຕັ້ງໜ້າຕໍ່ການພັດທະນາຂອງລາວ.ທ່ານກ່າວວ່າ:
"ຂ້າພະເຈົ້າມີຄວາມໝັ້ນໃຈທີ່ສຸດຕໍ່ອະນາຄົດ,ສະນັ້ນ,ຢາກມີຂໍ້ສະເໜີຫຼາຍຂໍ້,ອັນໜຶ່ງຄືອາຊຽນກັບຈີນຄວນຈັດເວທີປຶກສາຫາລື,ງານສຳມະນາ,ງານວາງສະແດງໃຫ້ຫຼາຍ,ເພື່ອເພີ່ມທະວີການຮ່ວມມືລະຫວ່າງສອງຝ່າຍ.ອັນທີສອງ,ເພີ່ມທະວີການຮ່ວມມືດ້ານການລົງທຶນ.ອັນສຸດທ້າຍ,ພວກຂ້າພະເຈົ້າຍັງສາມາດເຊື້ອເຊີນອົງການວິຊາການແລະຊ່ຽວຊານຈຳນວນໜຶ່ງມາເຂົ້າຮ່ວມງານສຳມະນາຂອງພວກເຮົາ,ຂ້າພະເຈົ້າເຊື່ອວ່າ,ການຄ້າເສລີຈະຊຸກຍູ້ໃຫ້ສອງຝ່າຍໄດ້ຮັບຜົນປະໂຫຍດນຳກັນ."
ສະພາການຄ້າຈີນ-ອາຊຽນຈະຈັດເວທີປຶກສາຫາລືເຂດການຄ້າເສລີຈີນ-ອາຊຽນຄັ້ງທີ4ຢູ່ນະຄອນຢຽນທາຍ ແຂວງຊ່ານຕຸ່ງຈີນໃນເດືອນກໍລະກົດນີ້.ເວທີປຶກສາຫາລືມີຫົວຂໍ້ວ່າ"ເປັນໝູ່ເພື່ອນທີ່ເພິ່ງພາອາໃສກັນ,ຮ່ວມມືກັນແລະກ້າວໜ້າພ້ອມກັນ".ເວທີປຶກສາຫາລືເທື່ອນີ້ແມ່ນກະຊວງການຄ້າຈີນເປັນເຈົ້າພາບ,ຜູ່ນຳວົງການການຄ້າ,ຜູ່ນຳຂອງພາກສ່ວນທີ່ກ່ຽວຂ້ອງຂອງລັດຖະບານ10ປະເທດອາຊຽນຈະເຂົ້າຮ່ວມງານ.
ຂ່າວ-ບົດທີ່ກ່ຽວຂ້ອງ
ຄຳເຫັນ
