ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 4 ພະຈິກນີ້, ທ່ານສີຈິ້ນຜິງ ປະທານປະເທດຈີນພ້ອມດ້ວຍພັນລະຍາຂອງທ່ານຄືທ່ານນາງເຜິງລີ້ຢວນ ໄດ້ຈັດງານລ້ຽງຢູ່ໂຮງແຮມສັນຕິພາບຊຽງໄຮ ເພື່ອຕ້ອນຮັບບັນດາແຂກຜູ້ມີກຽດຂອງປະເທດຕ່າງໆທີ່ເຂົ້າຮ່ວມງານວາງສະແດງການນຳເຂົ້າສາກົນຈີນຄັ້ງທີ 2.
ທ່ານສີຈິ້ນຜິງກ່າວຄຳປາໃສໃນງານລ້ຽງວ່າ: ງານວາງສະແດງການນຳເຂົ້າສາກົນຈີນໄດ້ດຶງດູດບັນດາປະເທດແລະວິສາຫະກິດໃນໂລກເຂົ້າຮ່ວມຢ່າງກວ້າງຂວາງແລະວ່ອງໄວ ພາຍໃນໄລຍະເວລາອັນສັ້ນແລະຈາກບໍ່ມີຫາມີ, ໄດ້ກາຍເປັນການລິເລີ່ມທີ່ສຳຄັນອັນໜຶ່ງໃນປະຫວັດການພັດທະນາດ້ານການຄ້າຂອງໂລກ, ແລະກາຍເປັນເວທີສຳຄັນອີກແຫ່ງໜຶ່ງໃນການຮ່ວມມືສາກົນໃນຍຸກໃໝ່. ຈີນຈັດງານວາງສະແດງການນຳເຂົ້າສາກົນ, ເປີດກວ້າງການນຳເຂົ້າຢ່າງເປັນເຈົ້າການ, ແມ່ນການປະພຶດທີ່ສຳຄັນໂດຍເລັ່ງໃສ່ການຊຸກຍູ້ການເປີດປະຕູສູ່ພາຍນອກທີ່ມີລະດັບສູງຮອບໃໝ່, ລົງເລິກການຮ່ວມມືສາກົນໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ແລະພ້ອມກັນສ້າງເສດຖະກິດໂລກແບບເປີດປະຕູສູ່ພາຍນອກ. ໃນງານວາງສະແດງການນຳເຂົ້າສາກົນຈີນ, ສິ່ງທີ່ນຳເຂົ້າແມ່ນສິນຄ້າແລະການບໍລິການ, ສ່ວນການແລກປ່ຽນກັນນັ້ນແມ່ນວັດທະນະທຳແລະແນວຄວາມຄຶດ, ການທີ່ຕ້ອນຮັບແມ່ນແຂກໃນ 5 ທະວີບ, ເປົ້າໝາຍກໍ່ເພື່ອຢາກໃຫ້ທົ່ວໂລກໄດ້ຮັບຜົນປະໂຫຍດຮ່ວມກັນ, ທັງສອດຄ່ອງກັບຄວາມປາຖະໜາຂອງປະຊາຊົນບັນດາປະເທດໃນໂລກທີ່ຢາກມີຊີວິດອັນດີງາມ.
ຄຳເຫັນ
0